Archive

Archive for ئه‌یلول, 2009

یاران وەسیەتم – هۆنراوەی”وەلی دێوانە” – وەرگێڕانی: مامۆستا پیرەمێرد بە دەنگی کەریم کابان

27 ئه‌یلول 2009 1 comment

یاران وەسیەتم ئەمە بێ لاتان
هەر چەن کەوتوومە دوورە وڵاتان

تەنیا گۆڕکەم لە ڕێی خیڵان بێ
نزیک هەوارگەی جاف و گوران بێ

کیلێکی بەرزیش بە قەت باڵای(شەم)
لە ژوور سەرم بێ، بێ زیاد و بێ کەم

تاقێکیش وێنەی تاقی برۆی ئەو
کە سوجدەگاهی گیانم بێ بە شەو

بنووسن بە خوێن جەرگی سەر کردووم
کە من بە تیری دەستی(شەم) مردووم

چونکە ئەو(شەمە) تاتاری چینە
لە دەشت بێزارەو و چیا نشینە

بەڵکوو هەڵکەوێ لە ڕاگۆزارێ
ڕێگای بخاتە سەر گۆڕم جارێ

بزانێ کوشتەی دەستی خۆیەتی
لە خاکا مەیلی ڕه‌نگ و بۆیەتی

جوابی پرسیاری گۆریشم وایە
یاری مەحشەرم شەری لەیلایە

Advertisements
:هاوپۆله‌کانComment