Archive

Archive for كانونی دووه‌م, 2010

حەوت ساڵ ژیانم لەو شوێنانەی وان دەرباز بوو!

23 كانونی دووه‌م 2010 لێدوانێک بنووسە
:هاوپۆله‌کانPhotoStory تاگەکان: ,

تێنەگەیشتی/ بە دەنگی ئایلا دیکمەن

22 كانونی دووه‌م 2010 1 comment

کاتێک خۆشمت گەرەک بوو نەتدەزانی؟
کاتێک پێم دەوتی، پێ نەدەکەنی؟
مەگەر پێتم نەوت لە فاڵەکەماندا حەسڕەت و جیابوونەوە هەیە؟

تێنەگەیشتی، تێنەگەیشتی
باوەڕت بە چارەنووس نەکرد
مەگەر نەتدەگوت کە تۆ حەز لەو کەسانە ناکەی کە دڵ دەشکێنن و خەمگینی دەدەن؟

هیوادارم خۆشبەخت بی خۆشەویستەکەم
من لە ژیانیشتدا نەبم، هەر بزە لەسەر لێوت بێ
با مشکڵۆزمەی من بی کە دوو چاوی پڕ گریانت، لەپاش خۆت بەجێهێشت

وا فکر مەکە دڵم چۆل و هۆل ماوەتەوە
تاڵییەکان بە تێپەڕبوونی زەمەن، ون دەبن
من تۆبە لە ئەشق ناکەم
رۆژێک شادی دەبینییەوە

تێنەگەیشتی، تێنەگەیشتی
باوەڕت بە چارەنووس نەکرد
مەگەر نەتدەگوت کە تۆ حەز لەو کەسانە ناکەی کە دڵ دەشکێنن و خەمگینی دەدەن؟

هیوادارم خۆشبەخت بی خۆشەویستەکەم
من لە ژیانیشتدا نەبم، هەر بزە لەسەر لێوت بێ
با مشکڵۆزمەی من بی کە دوو چاوی پڕ گریانت، لەپاش خۆت بەجێهێشت

:هاوپۆله‌کانPoemMusic

وان/ باکووری کوردستان- Wan – North Kurdistan

22 كانونی دووه‌م 2010 لێدوانێک بنووسە

شاری وان/ هەرێمی سەرحەد/ باکووری کوردستان

:هاوپۆله‌کانPhotoStory تاگەکان: ,

ژن- عه‌بدوڵا په‌شێو

18 كانونی دووه‌م 2010 لێدوانێک بنووسە

1
به‌ بینینت من ده‌بمه‌وه‌ بنیاده‌می چاخی به‌ردین
ده‌چمه‌وه‌‌ ناو ئه‌شکه‌وتی تار ، جه‌نگه‌ڵی چڕ
گوێ شل ده‌که‌م
بۆ بروسکه‌ و گۆڵه‌ی هه‌ور و بارانی خوڕ
شارستانی دوگمه‌ و وایه‌ر بزر ده‌بێ
ئاته‌شگه‌کان پڕده‌بنه‌وه‌ له‌ پێت و گڕ
2
چیت مه‌رام بێ، ده‌چێته‌ سه‌ر:
تۆ ده‌توانیت، به‌ نیگایه‌ک
سه‌وزه‌ڵانێک به‌ ڕووته‌ن که‌ی
له‌ ده‌ستت دێ، به‌ هێمایه‌ک
به‌رده‌ڵانێک به‌ چیمه‌ن که‌ی
چیت مه‌رامبێ، ده‌چێته‌ سه‌ر:
تۆ ده‌توانیت باڵی زمانم ببه‌ستی و
دره‌ختی په‌نجه‌م بێبه‌ر که‌ی
له‌ ده‌ستت دێ چه‌می ده‌نگم تژی ماسی و
هه‌ر په‌یڤێکم پڕ گه‌وهه‌ر که‌ی
تۆ ده‌توانیت بمکه‌یته‌ کۆیله‌ی مل به‌ تۆق
له‌ ده‌ستت دێ، تاجی سه‌روه‌ریم له‌سه‌ر که‌ی
3
له‌ بن کۆمه‌ی خۆڵه‌مێشدا –
تۆ ژیله‌مۆی گشتی خولیای
له‌ گێژه‌نی تاریکیدا –
تۆ بروسکه‌ی به‌فری چیای
له‌ بیابانا – هاژه‌ی چه‌م و
له‌ نه‌هاتا – هه‌ڵمی نان و
له‌ غوربه‌تا – داڵده‌ و په‌نای:
کلیلداری به‌هه‌شتی تۆ
تۆ نه‌ک نیوه‌: هه‌موو دنیای!

:هاوپۆله‌کانPoemMusic

مێردین/ باکووری کوردستان/ Mardin #Mêrdîn

14 كانونی دووه‌م 2010 لێدوانێک بنووسە

merdin

:هاوپۆله‌کانPhotoStory

چارەی خەمی من/ یا: په‌رێشانی/ هێدی

11 كانونی دووه‌م 2010 لێدوانێک بنووسە

چاره‌ی خه‌می من مه‌ی نییه‌، مه‌یخانه‌‌ بڵێ چی؟
به‌و ده‌رده‌وه‌ مه‌ی نامگرێ، په‌یمانه‌ بڵێ چی؟

پێم وا نییه‌ له‌و غه‌دره‌ له‌ فریام بکه‌وێ که‌س
ئه‌و دۆست بوو وه‌فای بۆم نه‌بوو، بێگانه‌ بڵێ چی؟

بسکت بده‌ ده‌س شانه‌ به‌ڵام چین مه‌خه‌ ئه‌برۆ
زولفی تۆ شنه‌ تێکی ده‌دا، شانه‌ بڵێ چی؟

هه‌ر عاشقه‌ سووچیشی نه‌بێ ده‌یخه‌نه‌ ئه‌ستۆی
شه‌م ئاگری کردۆته‌وه‌، په‌روانه‌ بڵێ چی؟

تاوانی منه‌ ده‌ربه‌ده‌ری و ده‌ردی‌سه‌ری من،
مه‌ل خۆی سه‌ری خۆی هه‌ڵگرێ، هێلانه‌ بڵێ چی؟

شێتی قه‌دی تۆ شه‌رتی له‌گه‌ڵ چۆل و چیا بوو
زانا بێ به‌ زنجیره‌وه‌، دێوانه‌ بڵێ چی؟

خاڵی تۆ به‌ په‌رژین و، خه‌یاڵ ناسک و ساده‌
بێچاره‌ له‌ ناو ئه‌و هه‌موو پاوانه‌ بڵێ چی؟

چیرۆکی جوانیی تۆ له‌ ناو لاپه‌ڕ و دێڕا
ناگونجێ، ئیتر نووسه‌ری ئه‌فسانه‌ بڵێ چی؟

تاسه‌ی تۆ که‌ دامده‌گرێ، ده‌ڵێن: ”ئاخری خێر بێ!“
(هێدی) له‌ گه‌ڵ ئه‌و کۆنه‌برینانه‌ بڵێ چی؟

:هاوپۆله‌کانPoemMusic

نامەیەكی تامەزرۆ/ جەلال مەلەكشا

1 كانونی دووه‌م 2010 لێدوانێک بنووسە

گیانەكەم!
لەمێژه نامەم بۆت نووسیوه
هەزاران دڵۆپه فرمێسكی فیراقی تێ‌دایه
لەمێژه ئەم نامه
تامەزرۆی سەفەره
چەمەڕای تەتەره
بەڵام هەر ئەسیری نێو دووتۆی دیوانه شیعرێكی شەیدایه!
كۆتری نامەبەر!
ئاخ! زامی سەر دڵم كولاوه!
هەزاران كۆتری نامەبەر
كەوتنه بەر دەستڕێژی ڕاوچی و
هەر هیچ‌یان نەماوه!
گیانەكەم!

زیاتر بخوێنەوە…

:هاوپۆله‌کانPoemMusic تاگەکان: