Archive

Archive for شوبات, 2010

هەر کوردین و هەر کورد ئەبین/ ئیبراهیم ئەحمەد

داگیرکەری دڵ پڕ لە قین/ دڕندەی بێ ویژدان و دین/ گەر قەندیل و ئاگری و شیرین/ یەکسان کەی لەگەڵ رووی زەمین/ ناتوانی واکەی کورد نەبین/ هەر کورد بوین و هەر کورد ئەبین/ لە پێش ئاگر پەرستی دا/ لە پێش موسوڵمانێتی دا/ لە دیلی و لە سەربەستی دا/ هەر کورد بوین و هەر کورد ئەبین/ نە عەرەبم نە ئێرانیم/ نە تورکێکی شاخستانیم/ نەك من هەر خۆم. مێژووش ئەڵێ/ کە کوردم و کوردستانیم…

Advertisements
:هاوپۆله‌کانPoemMusic

چارەی خەمی من مەی نیە/ هێدی

چاره‌ی خه‌می من مه‌ی نییه‌، مه‌یخانه‌‌ بڵێ چی؟
به‌و ده‌رده‌وه‌ مه‌ی نامگرێ، په‌یمانه‌ بڵێ چی؟
پێم وا نییه‌ له‌و غه‌دره‌ له‌ فریام بکه‌وێ که‌س
ئه‌و دۆست بوو وه‌فای بۆم نه‌بوو، بێگانه‌ بڵێ چی؟
بسکت بده‌ ده‌س شانه‌ به‌ڵام چین مه‌خه‌ ئه‌برۆ
زولفی تۆ شنه‌ تێکی ده‌دا، شانه‌ بڵێ چی؟
هه‌ر عاشقه‌ سووچیشی نه‌بێ ده‌یخه‌نه‌ ئه‌ستۆی
شه‌م ئاگری کردۆته‌وه‌، په‌روانه‌ بڵێ چی؟
تاوانی منه‌ ده‌ربه‌ده‌ری و ده‌ردی‌سه‌ری من،
مه‌ل خۆی سه‌ری خۆی هه‌ڵگرێ، هێلانه‌ بڵێ چی؟
شێتی قه‌دی تۆ شه‌رتی له‌گه‌ڵ چۆل و چیا بوو
زانا بێ به‌ زنجیره‌وه‌، دێوانه‌ بڵێ چی؟
خاڵی تۆ به‌ په‌رژین و، خه‌یاڵ ناسک و ساده‌
بێچاره‌ له‌ ناو ئه‌و هه‌موو پاوانه‌ بڵێ چی؟
چیرۆکی جوانیی تۆ له‌ ناو لاپه‌ڕ و دێڕا
ناگونجێ، ئیتر نووسه‌ری ئه‌فسانه‌ بڵێ چی؟
تاسه‌ی تۆ که‌ دامده‌گرێ، ده‌ڵێن: ”ئاخری خێر بێ!“
(هێدی) له‌ گه‌ڵ ئه‌و کۆنه‌برینانه‌ بڵێ چی؟
:هاوپۆله‌کانPoemMusic

سزا… ئه‌حمه‌د شاملو| و: هادی محه‌مه‌دی| ده‌نگ: به‌ڕێز جانی دیلان

ئا لێره‌دا چوار زیندانه‌/ / له‌ هه‌ر زیندان چه‌ن ڕیز داڵان، له‌ هه‌ر داڵان سیاچاڵان/ له‌ هه‌ر چاڵێک چه‌ندین به‌ندى له‌ زنجیر دان…/  یه‌کێ له‌م به‌ندییانه‌، له‌نیو یاوى ره‌ش و تارى بوختانێکا/ ژنه‌که‌ى خوى به‌ زه‌برى نه‌شته‌ر کوشتووه‌./ یه‌کێ تریان/ له‌ نیوه‌ڕۆى هاوینێکى سوتینه‌را له‌ کۆڵانى هه‌ڵقرچاوا/ نانى مناڵه‌کانى خۆى، له‌نێو خوێنى نان فرۆشێکى لاسارا/ خووساندوه‌./ چه‌ن که‌سێکیان/ له‌ خه‌ڵوه‌تى رۆژیکى بارانیدا رێیان له‌ سودخۆر گرتووه‌./ چه‌ن که‌سێکیان/ به‌سه‌ر دیوارى نزمه‌وه‌ خۆیان بۆ بان سه‌رخستووه‌./ چه‌ن که‌سێکیان/ نیوه‌شه‌وێک له‌نێو گۆڕه‌ تازه‌کانا دانئاڵتوونى مردووانیان شکاندوه‌./ به‌ڵام ئه‌من/ له‌ شه‌وێکى تاریک و ته‌متوومانا هیچ که‌سێکم/ نه‌کوشتووه‌/ به‌ڵام ئه‌من له‌ ژینمدا رێم له‌ سودخۆر نه‌گرتووه‌/ به‌ڵام ئه‌من نیوه‌شه‌وێک خۆم بۆ سه‌ربان سه‌رنه‌خستوووه‌./ * * * ئا لێره‌دا چوار زیندانه‌/ له‌ هه‌ر زیندان چه‌ن ڕیز داڵان، له‌ هه‌ر داڵان سیاچاڵان،/ له‌ هه‌ر چاڵێک چه‌ندین به‌ندى له‌ زنجیر دان…له‌نێو ئه‌م به‌ندییانه‌ پیاوانێک هه‌ن لاشه‌ى مردووى هه‌ر ژنێکیان/ خۆش گه‌ره‌که‌. پیاوانێک هه‌ن هه‌موو شه‌وێ له‌ خه‌ونیانا ژنێک به‌ ترسى مه‌رگه‌وه‌/ ئه‌قیژێنێ له‌ جه‌رگه‌وه‌. به‌ڵام ئه‌من له‌ ژناندا هیچ نابینم – ئه‌گه‌ر رۆژێکى له‌ناکاو/ ئه‌و جووته‌م کپ و خامۆش نه‌بینمه‌وه‌/ به‌ڵام ئه‌من له‌نێو ناخى چیاى به‌رزى خه‌ونه‌کانما بێجگه‌ له‌ زایه‌ڵه‌ى نزمى/ ئه‌م بژارانه‌ى بیابان که‌ ده‌ڕوێن و داده‌ڕزێن و وشکهه‌ڵدێن و داده‌وه‌رێن/ ده‌نگێکى تر نابیسمه‌وه‌./ گه‌ر زنجیرى ئه‌م ئه‌رکه‌ گه‌وره‌ و گرانه‌ نه‌بووبایه‌/ ره‌نگه‌ ئه‌من کازیوه‌یه‌ک وه‌ک یادێکى دوور و له‌رزان/ به‌جێم ده‌هێشت ئه‌م زه‌مینه‌ په‌سته‌ى پاوان…ئه‌مه‌یه‌ تاوان! ئه‌مه‌یه‌ تاوان! زیندانى شاره‌وانى 1336/ ئۆرجیناڵەکەی بە فارسی، بە دەنگی شاملوو

:هاوپۆله‌کانPoemMusic

کۆنەهەوار/ بە دەنگی عادڵ عەزیز و فەئاد مەولانایی


جا لەگەڵ مەڕداران
هاتن بۆ بناری داران
دەستەی بێریە نازداران
بۆ دۆشینی شیری مەڕی کۆنەهەوارێ
لە کۆنە هەوارێ
سەرقافڵەی راوچیان
سواری ئەسپی چاکەسوارە
سەرشانی سێ نێرەکەوە
سەر قۆڵی کەروێشکی دەشتێ
چەند باڕە کەوی شۆڕن
لە زینەوە بۆ خوارێ
لە کۆنە هەوارێ
کۆڵەکەی دار بەسترا
بە گوریسی سێ رەنگی خوری
لە نێو باوەشی خۆیدا دەیلاوێنێ و دەیژێنێ
بەم لاوە بەم لاوە کەوڵی بۆنخۆشی کۆنە مەشکێ
لە کۆنەهەوارێ
جا ئەوجار خاتوو خانزاد
چاوگەشی کچە جیرانێ
دەیژێنێ کەوڵی مەشکێ
بە لایە و گۆرانییەکەی
هەی مەشکێ مەشکێ مەشکێ
لە کۆنەهەوارێ

:هاوپۆله‌کانPoemMusic

گوندێک لە باشووری کوردستان

behar-kurdi

:هاوپۆله‌کانPhotoStory

بەندیخانە/ مامۆستا قانع

ئاخرین ماڵى ژیانم كونجی به‌ندیخانیه‌
ئه‌م كه‌لەپچه‌ مه‌رهه‌مى زامى دڵی دێوانه‌یه‌
زۆر ده‌مێكه‌ چاوه‌روانى زڕزڕه‌ى زنجیر ئه‌كه‌م
سه‌یرى ئه‌م زنجیره‌ كه‌ وه‌ك زێوه‌رى شاهانه‌یه‌
بووكى ئازادیم ئەوێ خوێنم خه‌نه‌س بۆ ده‌ست و پێی
حه‌لقه‌ حه‌لقه‌ى پێوه‌نم بۆ پڵپڵه‌و له‌رزانه‌یه‌
گه‌رچى دوژمن وا ئه‌زانیت من به‌ دیلى لاڵ ئه‌بم
باش بزانێ كونجی زیندام قوتابیخانه‌یه‌
گرتن و لێ دان و کوشتن عاملی ئازادیە
تۆپ و شەستیر و کەلەپچە، لام وەکوو ئەفسانەیە
بیرى ئازادیم له‌ زیندان فراوانتر ئه‌بێت
قورَبه‌سر ئه‌و دوژمنه‌ى هیواى به‌ به‌ندیخانه‌یه‌
چاوه‌روانى شۆرشێكم عالمێ رزگار بكا
میلله‌تم بۆ ئه‌و مه‌به‌سته‌ كرده‌وه‌ى شێرانه‌یه‌
چه‌كى شۆرشگیرى من نووسین و بیرو باوه‌ڕه‌
راپه‌رینه‌ هه‌ڵمه‌ته‌ پڕ نه‌عره‌ته‌ى كوردانه‌یه‌
گه‌ر به‌ ئازادى نه‌ژیم مردن خه‌ڵاته‌ بۆ له‌شم
نۆكه‌رى و سه‌ر دانه‌وه‌اندن كارى نا مه‌ردانه‌یه‌
قانعم ئه‌مرۆ له‌ زیندانا به‌ ئازادى ئه‌ژیم
سه‌د هه‌زار له عنه‌ت له‌وه‌ى نۆكه‌رى بێگانه‌یه

:هاوپۆله‌کانPoemMusic

نظر بابا طاهرعریان در مورد اقدام گلشیفته فراهانی

 به اینترنت بدیدم یک کلوزآپ / نمی دونم که اصل یا فتوشاپ/بدل یا اصل ، مو کاری ندارم / دلم در سینه افتاده به تاپ تاپ/*خوشا آنان که پاریس جایشان بی/ درون کافه ها ماویشان بی/اگر گشتن چو بابا نیمه عریون/ خدا را شکر شلوار پایشان بی/خدایا دین تو اندر خطر بی/ دلم بازیچه ی اهل هنر بی/پشیمونم بگو تقصیر مو چیست / گناه مو فقط حظٌ بصر بی/مکن کاری که “بهزاد” ننگش آیو/ ………./تو بهر جایزه لغزیده پایت / در اینجا سوی بابا سنگش آیو/به کافی نت روم آنجا ته وینم/ به اینترنت روم درجا ته وینم/به هر وبلاگ و هر سایتی که آیم / نشان از قامت رعنا ته وینم/یکی لختو و یکی عریون پسنده / یکی با چادرو و تومون پسنده/به هرچه آفریدی طالبی هست/ دل مو عنچه ی خندون پسنده/خدایا کار تو خوب و خفن بی/ ولی این بنده بی چاک و دهن بی/ببخشا گر قصوری رفته از دست/ همش تقصیر این فیلتر شکن بی

:هاوپۆله‌کانComment, PoemMusic