Archive

Archive for حوزه‌یران, 2012

سه‌ڵماس: کوژران و برینداربوونی 23 ئه‌فغانی و گیرانی 25 گوندنشینی کورد

29 حوزه‌یران 2012 لێدوانێک بنووسە

 NNSROJ: زانرا که‌ چه‌کدارانی سنوورپارێزی کۆماری ئیسلامی له‌ ناوچه‌ سنوورییه‌کانی سه‌ڵماس، 23 په‌ناخوازی ئه‌فغانیان کوشتووه‌ و بریندارکردووه‌ و هاوکات 25 هاوڵاتی کوردیشیانه قۆلبه‌ست کردووه‌.

ڕۆژی سێشه‌ممه‌، 6ی پووشپه‌ڕی 1391ی هه‌تاوی، کۆمه‌ڵێک له‌ په‌ناخوازانی ئه‌فغانی که‌ ده‌یانه‌ویست به‌ شێوه‌ی نایاسایی سنووره‌کانی ئێران ببه‌زێنن و ده‌ربازی تورکیا بن، که‌وتنه‌ به‌ر هێرشی چه‌کدارانی سنوورپارێزی ئێران و له‌ ئاکام دا 18 که‌س کوژران و 5 ئه‌فغانی تریش به‌ قورسی برینداربوون.

هێرشه‌که‌ له‌ “چوارستوون”ی سه‌ر به‌ سه‌ڵماسی ڕۆژهه‌ڵاتی کوردستان قه‌وماوه‌ و کۆمه‌ڵه‌ی چالاکانی مافی مرۆڤ وێرای ئاشکراکردنی ئه‌م هه‌واڵه‌، باس له‌وه‌ ده‌کات که‌ ڕه‌وشی ته‌ندرووستی برینداره‌کان ئاسته‌مه‌.

هاوکات زانرا که‌ دوایی هه‌مان هێرش، 25 که‌س له‌ هاوڵاتیان کوردی ئاواییه‌کانی “دشوان و چارستوون”ی سه‌ر به‌ سه‌ڵماس، له‌ پێوه‌ندی له‌گه‌ڵ ئاودیوکردنی ئه‌و په‌نابه‌رانه‌ قۆڵبه‌ست کراون.

ساڵانه‌ هه‌زاران په‌ناخوازی ئه‌فغانی، پاکستانی و وڵاتانی تری ئاسیایی له‌ ڕێگه‌ی ڕۆژهه‌ڵاتی کوردستانه‌وه‌ خۆ ده‌گه‌یه‌ننه‌ تورکیا و وڵاتانی ئه‌ورووپایی.

:هاوپۆله‌کانNNSROJ

ده‌یان ڕێکخراوه‌ی سیاسی و مه‌ده‌نی تر، پشتیوانی خۆیان له‌ که‌بوودوه‌ند ڕاگه‌یاند

29 حوزه‌یران 2012 5 comments

NNSROJ:

حدکا، کۆمه‌ڵه‌، ئه‌نجوومه‌نی ڕۆژنامه‌نووسانی ڕۆژهه‌ڵاتی کوردستان، پاک، پادک، سازمانی خه‌بات، ڕێکخراوی پارێزڤانی گیراوانی سیاسی و مه‌ده‌نی و ده‌یان که‌سایه‌تی و ناوه‌ندی سیاسی، ڕۆشنبیری و مه‌ده‌نی کورد و ئێرانی پشتیوانی خۆیان له‌ که‌بوودوه‌ند راگه‌یاند.

له‌ ڕۆژانی ڕابردوو دا و هاوکات له‌گه‌ڵ ڕاگه‌یاندرانی 30ی ژوئه‌ن/ 10ی پووشپه‌ر، وه‌ک ڕۆژی “پشتیوانی خه‌ڵکی کوردستان له‌ که‌بوودوه‌ند”، “حیزبی دێمۆکراتی کوردستان و كۆمه‌ڵه‌ی‌ شۆڕشگێڕی‌ زه‌حمه‌تكیشانی‌ كوردستانی‌ ئێران” له‌ به‌یاننامه‌یه‌کی نووسراو هاوبه‌ش دا وێرای ئاماژه‌ به‌ دۆخی ئاسته‌می که‌بوودوه‌ند، پشتیوانی خۆیان له‌م چالاکه‌ به‌ندکراوه‌ ڕاگه‌یاند.

له‌ به‌یاننامه‌ی هاوبه‌شی حدکا و کۆمه‌ڵه‌ دا، وێڕای مه‌حکوومکردنی گووشاره‌کان ده‌رحه‌ق به‌ گیراوانی سیاسی هه‌روه‌ها هاتووه‌: داوا  له‌ هه‌موو لایه‌نگرانی‌ مافی‌ مرۆڤ‌و پارێزه‌رانی‌ كه‌رامه‌تی‌ ئینسانه‌كان‌و كۆڕ‌و كۆمه‌ڵه‌ نێونه‌ته‌وه‌ییه‌كان‌و داكۆكیكارانی مافی‌ مرۆڤ داوا ده‌كه‌ین بۆ رزگار كردنی‌ گیانی‌ له‌ مه‌ترسی‌ كه‌وتووی‌ محه‌ممه‌د سدیق كه‌بوودوه‌ند‌و ئازادكردنی‌ ناوبراو هه‌وڵ بده‌ن. به‌م بونه‌وه‌ هه‌موو رێگایه‌كی گونجاو بگرنه‌به‌ر بۆ گوشار خستنه‌ سه‌ر كۆماری‌ ئیسلامی‌ ئێران بۆ ئه‌وه‌ی‌ واز له‌ بێحورمه‌تی‌ كردن به‌ كه‌رامه‌تی‌ ئینسانه‌كان‌و ئه‌شكه‌نجه‌‌و ئازار‌و له‌ مه‌ترسی‌ خستنی‌ گیانی‌ زیندانیانی‌ سیاسی‌ بێنێ‌. به‌ هیوای‌ هه‌وڵی‌ به‌رده‌وام له‌و پێناوه‌دا”. زیاتر بخوێنەوە…

:هاوپۆله‌کانNNSROJ

لەیلا زانا و ئەردۆغان چاویان پێکدەکەوێ

29 حوزه‌یران 2012 لێدوانێک بنووسە

NNS ROJ: بڕیارە سبەی شەممە، “لەیلا زانا” نوێنەری ئامەد لە پارلەمانی تورکیا بە مەبەستی گفتگۆ لە سەر چارەسەری کێشەی کورد چاوی بە ئەردۆغان بکەوێ.

بڕیارە سبەی شەممە، ٣٠ی  ژوئەن، “لەیلا زانا” نوێنەری شاری ئامەد لە پارلەمانی تورکیا و سیاسەتمەداری کورد، چاوی بە “رەجەب تەیپ ئەردۆغان”، سەرۆک وەزیری تورکیا دەکەوێ.

ئەو دیدارە پاش ئەوە هات کە “لەیلا زانا”، لە وتووێژێکی لەگەڵ ڕۆژنامەی حوڕیەتی چاپی تورکیا وتبووی کە ئەردۆغان دەتوانێ کێشەی کورد چارەسەر بکات و ئەو هێستا هیوای بە چارەسەری پرسەکە ماوە.

زانا لەم  وتووێژەدا هەروەها وتبووی کە “بەر لە هەموو شتێک پێوسیتە وشەگەلی “تیرۆر و کورد”، لێک جیابکرێنەوه، پێویستە لە یاسایی بنەڕەتی تورکیا دان به مافی نەتەوەیی کورد بهێندرێت بۆ پێشگرتن لە ژینۆسایدی کولتوری و زمانی مناڵانی کورد، مافی پەروەردەی کوردی دەستەبەر بکرێت”. زیاتر بخوێنەوە…

:هاوپۆله‌کانNNSROJ

جەرده هاتن/ بۆيادى كێمياباران كردنى خه لكى بى تاوانى سه ردشت/ جەلال مەلەکشا

29 حوزه‌یران 2012 لێدوانێک بنووسە

هاوارم کرد:

له خەو رابن
جەرده دڵی شاری کرۆژی
گوێتان نەدا
چاوتان له ناو شەوارەدا
پتر قووچان
گوانی شەوتان له دەم نابوو
شیری تاریکیتان ئەمژی!
جەردە هاتن، جەرده هاتن!
گەنجینەکانیان تاڵان کرد
خوێیان کرده رووبارەکان
ئێسک و پرووسکی شاریان شکان!
له ژێر تەوژمی پۆستاڵا
هەناسەیان له نێو سینگتانا حەپسان
تەنانەت ئاخ …
دەفری شەویان
له ئەستێره و مانگ داتەکان!ستاڵا
هەناسەیان له نێو سینگتانا حەپسان
تەنانەت ئاخ …
دەفری شەویان
له ئەستێره و مانگ داتەکان!
:هاوپۆله‌کانPoemMusic

حدک، ناوەندی چاک، ر.م.م.ک، چالاکان و هونەرمەندانی کورد، پشتیوانی لە کەبوودوەند دەکەن

29 حوزه‌یران 2012 5 comments

NNS ROJ: تا دێت، پشتیوانی لە هەڵمەتی داکۆکی لە کەبوودوەند پەرەدەستێنێ و هەر بەم بۆنەوە تا ئێستا “حیزبی دێمۆکراتی کوردستان”، “ناوەندی چاک”، ڕێکخراوی مافی مرۆڤی کوردستان و کۆمەڵێک لە چالاکانی سیاسی و هونەرمەندانی کورد، لەمبارەوە لێدوانیان داوە.

ئەمڕۆ چوارشەممە، لە دووهەمین ڕۆژی ڕاگەیاندنی پێشنیاری دیاریکردنی ڕۆژی 30ی ژویەن، 10ی پووشپەر، وەک “ڕۆژی داکۆکی خەڵکی کوردستان لە کەبوودوەند”، کۆمەڵێک پارت و ڕێکخراوەی سیاسی و مەدەنی بە بڵاوکردنەوەی بەیاننامە و لێدوان، پشتیوانی خۆیان بۆ ئەو هەڵمەتە و هاوکات کەبوودوەند و دۆزەکەی ڕاگەیاند.

ڕێکخراوی چاودێری کوردۆساید [چاک]، بە بڵاوکردنەوەی بەیاننامەیەکی نووسراو ڕایگەیاند کە وێڕای هاودەردی لەگەڵ بنەماڵەی کەبوودوەند، پشتیوانی خۆی لەو هەڵمەتە و ئازادی کەبوودوەند ڕادەگەیەنێ و هۆشداری بە کۆماری ئیسلامی ئێران داوە کە بەرپرسی دەزانێ لە هەمبەر هەر مەترسییەکی گیانی کە تووشی کەبوودوەند بێت. زیاتر بخوێنەوە…

:هاوپۆله‌کانNNSROJ

گرتووخانەی رەجایی شاری کەرەج: رەوشی گیراوانی کورد نالەبارە

29 حوزه‌یران 2012 2 comments

NNSROJ: لە ڕۆژانی ڕابردوو دا، زانیاری مورادی، بە هۆی ڕەوشی نالەباری تەندروستی، بۆ نەخۆشخانەیەکی کەرەج گوازراوەتەوە و هاوکات دەگووترێ کە “رەزا شەریفی بۆکانی” گیراوێکی تری کورد، لە ژێر گووشار دایە.

ڕۆژی دووشەممە، 5ی پووشپەر، “زانیار مورادی”، گیراوی سیاسی مەحکووم بە ئیعدامی کورد، لە لایەن بەرپرسانی گرتووخانەی “ڕەجایی شار”ی کەرەجەوە بۆ نەخۆشخانەی “ئیبنی سینا”ی ئەو شارە گوازراوەتەوە و ئاشکرا بووە کە دوو مۆرەی پشتی ناوبراو بە هۆی ئەشکەنجەوە لەجێ چووە و بەم هۆیەوە ئازاری زۆر دەبینێ.

هاوکات زانرا کە بەرپرسانی ئەمنییەتی، زانیاریان بە دەست و پێ بەستراوی بردۆتە لای پزیشک و بە گوێرەی هەواڵێکی “چالاکانی مافی مرۆڤ و دێمۆکراسی لە ئێران”، سەرەڕای پێداگری پزیشکان بۆ چارەسەری بەپەلەی نەخۆشییەکانی، بەرپرسان ڕێگەیان نەداوە و ئەو گیراوە کوردەیان گەڕاندۆتەوە نەخۆشخانە. لە لایەکی ترەوە دەگووترێ کە “ڕەزا شەریفی بۆکانی”، گیراوێکی سیاسی تری کوردی توندکراو لەو گرتووخانەیە، بە هۆی نووسینی بابەت و ڕاپۆرت و ناردنیان بۆ دەرەوەی زیندان، لە لایەن بەرپرسانەوە تووشی گووشاری بەردەوامە.

سەرچاوەی ئاماژەپێکراوە لەمبارەوە ڕایگەیاندووە کە بۆکانی، لە هەفتەکانی ڕابردوو دا، چەند جار ئەشکەنجە کراوە و ئیزنی دیتنی بنەماڵەکەی بۆ سێ مانگ لێ قەدەخە کراوە.

:هاوپۆله‌کانNNSROJ

لە پەراوێزی ١٠ی پووشپەر/30 ژوئەن، ڕۆژی داکۆکی گەلی کورد لە کەبوودوەند دا

29 حوزه‌یران 2012 1 comment

1

سامان رەسووڵ پوور
پێشنیارێک دەربارەی محەممەد سدیق کەبوودوەند
زۆر کەس لەو ماوەیەدا پرسیاریان لێکردووم کە بۆ پشتگیری کردن لە بەڕێز کەبوودووەند چیمان لەدەست دێت؟

زیاتر لە مانگێکە، “باوکی مافی مرۆڤی کوردستان”، مانی لە خواردن گرتووە. ئاخرین هەواڵ ئەوەیە کە گوورچیلەکانی بەڕێز کەبوودوەند عفونەتیان کردووە و ژیانی لە مەترسی زۆر جیددی دایە. زیاتر بخوێنەوە…

:هاوپۆله‌کانNNSROJ