ماڵه‌وه‌ > NNSROJ > کەنەکە: خەمساردی بەرانبەر بە کۆبانێ، کارەساتی مەزن بەدوای خۆیدا دێنێت

کەنەکە: خەمساردی بەرانبەر بە کۆبانێ، کارەساتی مەزن بەدوای خۆیدا دێنێت

NNSROJ: کۆنگرەی نەتەوەیی کوردستان[KNK] بە بڵاوکردنەوەی بەیاننامەیەکی نووسراو، سەرنجی بیروڕای گشتی بۆ مەترسی داگیرکردنی کۆبانێ لە لایەن چەکدارانی دەوڵەتی ئیسلامی[داعشی پێشوو] ڕاکێشاوە و داوای لە هەموو خەڵکی کوردستان کردووە کە بە هەر شێوە کە لە دەستیان دێت، بەرگری لەم شارە بکەن.

کەنەکە، لە بەیاننامەکەیدا وێڕای ئاماژە بەوە کە کۆبانێ یەکەم شاری ڕۆژئاوای کوردستانە کە لە مانگی جولای ٢٠١٢دا کەوتە دەست کوردان، ڕایگەیاندووە کە نابێ ڕێگە بدرێ کارەساتی شنگال لە کۆبانێ دووپات ببێتەوە.

بە گوێرەی کەنەکە، داعش بە “هاوکاری ڕاستەوخۆی تورکیا” دەیهەوێ کۆبانێ داگیر بکات و لەسەر کوردان و کۆمەڵگەی جیهانییە کە نەهێڵێ ئەو پلانە سەر بگرێ بۆیە کە پاراستنی کۆبانێ، لە بەرانبەر داعشی پاشڤەڕۆدا، “پاراستنی ژیانێکی سێکۆلار و دێمۆکراتیک”یشە.

کۆبانێ لە ١٥ی سێپتامبرەوە، لە سێ لاوە کەوتۆتە بەر هێرشی قورسی چەکدارانی داعش و بەم هۆکارەوە تا ئێستا هەزاران کەس لەم کانتۆنە ئاوارە بوونە.
م.م.

Advertisements
:هاوپۆله‌کانNNSROJ
  1. : رۆژپڕێس|Rojpress
    19 ئه‌یلول 2014 له‌ 17:58

    0
    Kongreya Neteweyî ya Kurdistanê
    Kurdistan National Congress
    Congrès National du Kurdistan

    Rue Jean Stas 41 1060 Bruxelles tel: 00 32 2 647 30 84 fax: 00 32 2 647 68 49
    Homepage: http://www.kongrakurdistan.net e-mail: kongrakurdistan@gmail.com

    Li ser parastina Kobanîyê
    Banga lezîn

    Êrişên li ser Kobanîyê bêyî sebeb nînin. Kobanî di berxwedan û serkevtina 19ê Tîrmeha 2012ê da bû dergehê serhildana Rojavaya Kurdistanê. Piştî rizgarîya Kobanîyê, Efrîn û Cizîr li dûv hatin û rê li ber avabûna xweserîya demokratîk ya Rojavaya Kurdistranê vebû û paşê jî Kanton hatin ava kirin. Kobanî çiriska ewil ya berxwedana Rojavaya Kurdistanê ye û agirê gur yê şoreşa Rojavaya Kurdistanê ji vî derîyê azadîyê geş bû û ronahîya xwe da bajêrên dî yên Rojavaya Kurdistanê. Kobanî çeperê destpêkê yê şoreşa Rojavaya Kurdistanê ye. Kobanî sengera berxwedana dastanî ya xelkê me ye li Rojavaya Kurdistanê. Bi navê xelkê Kobanîyê Yêkîneyên Parastina Gel [YPG] û YPJ ji serî were dijî êrişên islam cîhadist yên DAIŞê parastineke xurt nîşan dan û rê nedane van hêzên çepel. Eve hemleya sêyemîn e ku DAIŞ êrişê tîne ser Kobanîyê. Dewleta Tirkîyeyê dîrekt û dagîrkerên dî yên Kurdistanê jî îndîrekt piştevanîya DAIŞê dikin ku rizgarîya Rojavaya Kurdistanê bişkênin.
    DAIŞê piştî Mûsilê dagîrîya Şengalê bi hêz û hevkarîya van dagîrkeran pêkîna. DAIŞ destkevtên Kurdan û bi giştî pêşkevtina Kurdistanê û bi taybetî rizgarîya Rojavaya Kurdistanê bo hedefên xwe yên nemirovî astengeke mezin dibîne. Lewma berê xwe daye Kurdistanê ku dagîrîyeke mezintir pêkbîne. Bi van êrişên dawîyê gelek aşkeraye ku digel dewleta Tirkîyeyê li hev hatine ku di destkevtên Rojavaya Kurdistanê da dabirîneke fireh çêbikin û kantonan ji hev biqetînin û paşê jî têkbibin.
    Ji ber vê yêkê parastina Kobanîyê karekî jîyanî ye û berxwedana man û nemanê ye. Kurd û Kurdistanî pêkve divêt parastina Kobanîyê wekî çeperê li ser pêya manê bibînin û li goreyî wê pozisyonê werbigirin. Kobanî divêt nebe Şengala duyemîn. Xemsarîya di vî warî da dê digel xwe felaketeke mezin bîne ku pêkve Kurd û Kurdistanî dê ji encameke wisa zerarê bibînin. Mûsîbeta Şengalê dîvêt bo hemû dînamîkên neteweyî û niştimanî yên Kurdistanê dersdêr be û di parastina Kobanîyê da bibe nimûneya berxwedanê.
    Parastina Kobanîyê, parastina Rojavaya Kurdistanê ye, parastina destkevtên Kurdan e, parastina Başûra Kurdistanê ye ku hêj jî gefa DAIŞê ya li ser Başûra Kurdistanê kêm nebûye. Parastina Kobanîyê parastina giyanê Kurdî û Kurdistanîyê ye. Li ber rika dagîrîya DAIŞê ya li ser Kobanîyê xelkê me jî divêt rika berxwedan û parastinê di dereceya herî bilind da nîşan bide û ji bo parastina Kobanîyê seferber bibe.
    KNK bangî hemû Kurd û Kurdistanîyan dike ku karê parastina Kobanîyê wekî erkekî neteweyî û niştimanî bibînin, imkan, hêz û şiyanên xwe bi rengekî koordîne bi kar bînin û bibine hevçeper li dora Kobanîyê.
    KNK herwisa bangî cîhana humanîter û demokratîk jî dike ku trajedîya Şengalê ya gelek taze ji bîr nekin û bi lez biçin hawara xelkê Kobanîyê û ji her alî ve destekê bidinê. Parastina Kobanîyê herweha parastina jîyaneke sekular û demokratîk e. Aqîbeta Kobanîyê divêt wekî ya Şengalê nebe û Kobanî divêt bête parastin. Parastina Kobanîyê dê bi xwe ra hêz û enerjîya rizgarîya Şengalê jî bîne.
    Konseya Rêvebir ya KNKê
    18 Îlon [9] 2014, Bruksel

  1. No trackbacks yet.

وەڵامێک بنووسە

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s

%d هاوشێوەی ئەم بلۆگەرانە: