ماڵه‌وه‌ > Comment > “رۆژئاوای کوردستان به‌ شێوه‌یه‌کی بوێرانه‌ و لەخۆبوردوانه‌ به‌رخۆدان ده‌کات”

“رۆژئاوای کوردستان به‌ شێوه‌یه‌کی بوێرانه‌ و لەخۆبوردوانه‌ به‌رخۆدان ده‌کات”

بەشی کوردی دەنگی ئەمریکا/ جانی دیلان: هه‌رچه‌ند بۆ نزیکه‌ی دوو ساڵه‌ گه‌ریلا و شه‌رڤانانی کورد له‌ رۆژئاوای کوردستان له‌ به‌رخۆدان و به‌ره‌نگاربونه‌وه‌ی رێکخراوه‌ی تیرۆریستی ده‌وڵه‌تی ئیسلامی داعشدان، ئه‌و تیرۆریستانه‌ به‌وه‌وه‌ رانه‌وه‌ستان و ده‌ستیان گه‌ێشته‌ باشوری کوردستان و کۆمه‌ڵ کوژیه‌کیان له‌ شه‌‌نگاڵ نایه‌وه‌، به‌ڵام به‌ به‌رخۆدانی گه‌ریلا و پێشمه‌رگه‌ پاشه‌ که‌شیان پێی کرا.

رۆژنامه‌وان مه‌سعوود مه‌ناف کە له‌م دواییانه‌دا سه‌ردانی هه‌ردوو به‌شی کوردستانی کردووه‌. به‌ هه‌لمان زانی بۆ ده‌نگی ئه‌مه‌ریکا ئه‌م هه‌ڤپه‌ێڤینه‌ی له‌گه‌ڵدا ساز بده‌ێن. کاک مه‌سعوود سه‌باره‌ت به‌ سه‌ردانه‌که‌ی ده‌ڵێت “سه‌ردانه‌که‌مان ئه‌وه‌ بوو له‌ قامیشلۆ له‌ رۆژئاوای کوردستان، پرۆژه‌یه‌ک به‌ ناوی “رۆژئاوا میدیا پرۆجێکت” ده‌ست پێی بکه‌ێن، که‌ ده‌ست پێشخه‌ریه‌کی میدیایه‌ بۆ په‌روه‌رده‌کردنی کۆمه‌ڵێک گه‌نج له‌ رۆژئاوای کوردستان بۆ ئه‌وه‌ی شۆڕشی رۆژئاوا به‌ ده‌ستی خۆیان، به‌ زمانی خۆیان و به‌ کامیرای خۆیان بۆ دونیا دره‌وه‌ بگوازنه‌وه‌. کاک مه‌سعوود هه‌ر وه‌ها ده‌ڵێت سه‌ختیه‌کی زۆرمان پێی گه‌ێشت له‌ ده‌می سه‌ردانی ئه‌و ناوچانه‌دا به‌و هۆیه‌ی سه‌ردانه‌که‌مان هاوکات بوو به‌ داخه‌وه‌ له‌گه‌ڵ ئه‌و کاره‌ساته‌ مرۆڤییه‌ که‌ له‌ باشوری کوردستان له‌ شه‌نگاڵ قه‌وما وه‌ ئه‌و هێڕشه‌ی که‌ داعش کردی بۆ سه‌ر شاره‌کانی باشوری کوردستان، جگه‌ له‌وه‌ش ئێمه‌ کێشه‌مان بۆ په‌ێدا بوو له‌وه‌ش که‌ سنوریش به‌ شێوه‌ی یاسایی ده‌رباز بکه‌ێن، به‌ داخه‌وه‌ رێگامان پێی نه‌درا سنوری کوردستان به‌ یاسایی ده‌رباز بکه‌ێن، به‌و هۆیه‌وه‌ ناچار بوین به‌ قاچاغ برۆێن بۆ رۆژئاوای کورستان. کاک مه‌سعود سه‌باره‌ت به‌ رۆژئاوای کوردستان ده‌ڵی به‌ داخه‌وه‌ له‌باری ئابوریه‌وه‌ له‌ ژێر گه‌مارۆیه‌کی سه‌خت دایه‌ هه‌ر له‌ سه‌ره‌تاێ شۆڕشه‌وه‌ له‌ هه‌موو لایه‌که‌وه‌ گه‌مارو دراوه‌، به‌ڵام به‌ خۆشیه‌وه‌ به‌ شێوه‌یه‌کی زۆر بوێرانه‌ وه‌ به‌ شێوه‌یه‌کی زۆر له‌ خۆبوردوانه‌ به‌رخۆدان ده‌که‌ن و له‌ هه‌موو لایه‌که‌وه‌ هوڵی خۆ پاراستن ده‌ده‌ن”.

Advertisements
:هاوپۆله‌کانComment تاگەکان:
  1. : رۆژپڕێس|Rojpress
  2. : رۆژپڕێس|Rojpress
    25 ئه‌یلول 2014 له‌ 19:20

    قاسم شەشۆ پێشمەرگەكانی چیای شنگال تووڕە دەكات
    لەلایەن ناسر عەلی 20 کاژێر لەمەو بەر
    قاسم شەشۆ
    قاسم شەشۆ

    رووداو – دهۆك

    قاسم شەشۆ، سەركردەی سەربازیی ئێزدییەكان لە هەڤپەیڤینێكدا لەگەڵ تەلەڤزیۆنی (رووداو) رایگەیاند تەنیا گەنجانی ئێزدی لە چیای شنگالن، بەڵام ئەو قسەیەی بە گران لەسەر كەوت و نیگەرانییەكی زۆری لێكەوتەوە. فەرماندەیەكی پێشمەرگە دەڵێت تائێستا 18 پێشمەرگەی لە چیای شنگال بریندار بوونە.

    قاسم شەشۆ، كە دوای رووداوەكەی شنگال بووەتە ناوێكی دیار لە ناوچەكە بە تایبەتی و لە كوردستان بە گشتی، گوتی “جگە لە گەنجانی ئێزدی هەتا ئێستا هیچ هێزێكی دیكە لە شنگال و چیای شنگال شەڕی نەكردووە”.

    هەر لەو هەڤپەیڤینەدا شەشۆ رەخنەی لە لقی ئێستای پارتی لە شنگال گرت و گوتی “ئەو لقەی لە دهۆك بێت من هیچ ئیعتیرافێكی پێناكەم، راستە سەعید شنگالی كە كراوەتە بەرپرسی لق خەڵك خۆشیان دەوێت، بەڵام ئەو ئێزیدیانەی لە چیای شنگالن كەیفیان بەو لقە نایەت و ئەگەر راستدەكەن با بچن شنگال رزگار بكەن و لەوێ لق دانێن”.

    عەمید سمێ بوسەلی، یەكێك لە فەرماندەكانی پێشمەرگە كە لەگەڵ شەشۆ لە چیای شنگال بووە، گوتی “قسەكانی شەشۆ جێی سەرسوڕمان بوون، چونكە ئەویش زیاتر لەمن دەزانێت پێشمەرگە لە چیای شنگال چی كردووە و ئێستا لە كوێن”.

    سمێ‌ كە لەگەڵ 20 پێشمەرگە لە 3/8/2014 چووەتە چیای شنگال، بە (رووداو)ی گوت “سەرەتا ئێمە 20 پێشمەرگە بووین، پاشان لەسەر فەرمانی بارزانی و هێزێكی پێشمەرگە كە ژمارەیان 300 كەس بوو، گەیشتینە گوندی دوگرێ‌ كە تەنیا رێگابوو بۆ چیای شنگال و دوای شەڕێكی قورس بە درێژایی 15 كیلۆمەتر ئەو رێگایەمان كۆنترۆڵ كرد”.

    بوسەلی كە ئێستاش لە چیای شنگالە و لە گوندی دوگرێیە، گوتیشی “نەك شەڕێك، بەڵكو هەتا ئەم كاتەی من قسە لەگەڵ تۆ دەكەم، بەهاوەن و دۆشكە شەڕی ئێمە دەكەن و ئێمەش بەرگری دەكەین. سێ جار هێرشیان كردووە، تاوەكو ئێستا 18 پێشمەرگەمان بریندار بوون”.

    بەقسەی سمێ، ئەوان بوون یەكەمجار رێگایان لەبەردەم ئاوارەكانی چیای شنگال كردەوە بۆ ئەوەی رزگاریان بێت. سمێ دەڵێت “جگە لە پاراستنی رێگای چیای شنگال، بە هاوكاری دەزگای خێرخوازیی بارزانی و نووسینگەی سەرۆكی حكومەت بۆ كاروباری شنگال، تاوەكو ئێستا زیاتر لە 20 لۆری خۆراك و جلوبەرگمان رەوانەی چیای شنگال كردووە بۆ ئەوانەی ماون لە چیا”.

    عەمید سمێ رەخنەی توندی لە شەشۆ گرت و گوتی “بۆچی قاسم شەشۆ بۆ چەك و دۆشكە و بیكەیسی و عەلاگەی پارە پێشمەرگەیە؟ دەبووایە رێزی لە هاوكارییەكانی هەرێمی كوردستان گرتبا”.

    سەعید شنگالی، بەرپرسی لقی 17ی پارتیش رەخنەی لە قسەكانی شەشۆ هەیە و دەڵێت “لەم رەوشەدا چۆن لق ببەیە شنگال یان چیای شنگال، بەڵام سەرەڕای ئەو رەوشە، من 6 رۆژ چوومە چیای شنگال، زیاتر لە 50 كادری ئێمە ئێستاش لەوێن و لەناو خەڵكدان و هاوكاری خەڵك دەكەن”.

    بەقسەی ئەندامێكی ئەنجوومەنی پارێزگای موسڵ بەشێك لە ئاوارەكان بە قسەكانی شەشۆ دڵتەنگ بوونە و دەڵێت “قسەكانی شەشۆ تەنیا بۆ رازیكردنی ئێزدییەكانی ئەوروپا بوو”.

    سەیدۆ شنگالی، سەرۆكی كوتلەی برایەتی و پێكەوەژیان لە ئەنجوومەنی پارێزگای موسڵ دەڵێت “چۆن شەشۆ سوپاسی هێزەكانی YPGی كرد، دەبووایە سوپاسی پێشمەرگەشی كردبا، نەدەبووایە ئەو غەدرە لە پێشمەرگە بكات”.

  1. No trackbacks yet.

وەڵامێک بنووسە

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s

%d هاوشێوەی ئەم بلۆگەرانە: