ماڵه‌وه‌ > NNSROJ > حدک بەرپرسیارێتیی تێکهەڵچوونەکانی ئەمدوایەنەی ڕۆژهەڵاتی گرتە ئەستۆ

حدک بەرپرسیارێتیی تێکهەڵچوونەکانی ئەمدوایەنەی ڕۆژهەڵاتی گرتە ئەستۆ

NNSROJ: ناوەندی ڕاگەیاندنی حیزبی دیموکراتی کوردستان، ئەمڕۆ هەینی[٤ی پووشپەڕ، ٢٦ی سێپتامبر]، بەیاننامەیەکی فەرمیی سەبارەت بە “زنجیرەیەک تێکهەڵچوون لە ناوچەکانی پارێزگای ورمێ” بڵاوکردەوە و گیانلەدەستدانی پێشمەرگەیەکی ڕاگەیاند.

بە گوێرەی ڕاگەیاندراوەکەی حدک، لە دوو حەوتووی ڕابردوودا، کۆمەڵێک پێشمەرگەی ئەو حیزبە، لەژێر ناوی “پارێزەرانی ڕۆژهەڵاتی کوردستان”، لە قووڵایی ناوچەکانی پارێزگای “ورمێ”دا، ڕووبەڕووی زنجیرەیەک کەمین و هێرشی هێزە چەکدارەکانی کۆماری ئیسلامی بوونەتەوە و ژمارەیەکی نادیاریان لێ کوشتوون و بریندار کردوون.

دەگوترێ کە لە یەکێک لەو تێکهەڵچوونانەدا لە دەشتی شنۆ، پێشمەرگەیەکی حیزبی دێمۆکراتی کوردستان بەناوی “هەژار قاسمی”، خەڵکی مهاباد، گیانی لەدەست داوە.[ئەوەش بخوێنەوە]

دە ڕۆژ لەمەوبەر، ناوەندی نووچە و شرۆڤەی ڕۆژ، پشتبەستوو بە وێبلاگی “پارێزەرانی ڕۆژهەڵاتی کوردستان”، هەواڵی پێکدادانی ئەو پێشمەرگانە و چەکدارانی ئێرانی بڵاوکردبۆوە.

تێکهەڵچوونەکە، لە شەوانی هەینی و شەممە[٢١ و ٢٢ی خەرمانان] لە گوندەکانی سەردەشت و مەریوان ڕووی دابوو و بە گوێرەی سەرچاوەکە، ٥ چەکداری ئێرانی کوژرابوون و ٤ی تری بریندار ببوون.
Hejar Qasimi: Source: KurdistanuKurd

هەواڵدەریی فەرمیی کۆماری ئیسلامیی ئێرانیش لە ڕۆژانی ڕابردوودا، هەواڵی ڕێووڕەسمی بەخاکسپاردنی دوو چەکداری خۆی بڵاوکردبۆوە و ڕایگەیاندبوو کە لە سەر سنووری ئێران و تورکیا کوژراون.
م.م.

Advertisements
:هاوپۆله‌کانNNSROJ
  1. : رۆژپڕێس|Rojpress
    26 ئه‌یلول 2014 له‌ 13:45

    ڕاگەیەندراو لەبارەی زنجیرەیەک تێکهەڵچوون لە ناوچەکانی پارێزگای ورمێ

    2014-09-26 12:40:30

    بە ئاگاداریی خەڵکی کوردستان، میدیاکان و هەموو هۆگران و دلسۆزانی بزووتنەوەی نەتەوەیی لە ڕۆژهەڵاتی کوردستانی دەگەیەنین کە لە دوو حەوتووی ڕابردوو دا،”پارێزەرانی ڕۆژهەڵاتی کوردستان” کە سەر بە حیزبی دیموکراتی کوردستانن، لە ڕەوتی کار وچالاکیی خەباتکارانەی خۆیان لە قووڵایی ناوچەکانی پارێزگای ورمێ دا، لە گەڵ زنجیرەیەک کەمین و هێرشی هێزە چەکدارەکانی کۆماری ئیسلامی بەرەوڕوو بوون. ڕۆڵەکانی دیموکرات،وێڕای بەرگریی قارەمانانە لە خۆیان و تێکشکاندنی کەمین و هێڕشەکانی هێزە سەرکوتکەرەکانی ڕێژیم، ژمارەیەکیشیان لێ کوشتوون و بریندار کردوون کە ئاماری وردیان بۆ ئێمە ڕوون نەبۆتەوە.

    لە یەکێک لەو تێکهەڵچوونانەدا لە قووڵایی دەشتی شنۆیە، پێشمەرگەی قارەمان و تێكۆشەری بەوەجی ڕیزە ئاشکراکانی حیزب، هاوڕێ هەژار قاسمی، خەڵکی مەهاباد، بە داخی گرانەوە شەهید بوو.
    حیزبی دیموکراتی کوردستان بە بۆنەی شەهیدبوونی پێشمەرگەی ئازا و کۆڵنەدەر، ڕۆڵەی لێهاتووی سەنگەرەکانی بەرگری و، تێکۆشەری خۆشەویست و ماندوویی نەناسی مەیدانە جۆراوجۆرەکانی تێکۆشان، هاوڕێ هەژار قاسمی، سەرەخۆشیی گەرمی خۆی پێشکەشی بنەماڵە سەربەرزەکەی، هاوسەنگەرانی و هەموو خەڵکی کوردستان دەکا. هەر لەو کاتە دا دەسخۆش و ماندوونەبوون بە هەموو ئەو پێشمەرگە و ڕۆڵە تێکۆشەرانە دەڵێین کە بە هەڵسووڕان و چالاکییەکانیان لە ڕیزی”پارێزەرانی ڕۆژهەڵاتی کوردستان”دا، هیوا و گیانی خۆراگری وبەرخۆدانیان لە نێو نەتەوەکەمان لە ڕۆژهەڵاتی کوردستان دا بووژاندوەتەوە.
    خەڵکی پێشمەرگەپەروەری کوردستان و پشتیوانانی ڕاستەقینە و تاسەری حیزبی دیموکراتی کوردستانیش دڵنیا دەکەیەنەوە کە هێزی بە هێزی “پارێزەرانی ڕۆژهەڵاتی کوردستان”و تێکڕای تێکۆشەرانی دیموکرات، ناو و یادی نوێترین شەهیدی ڕیزەکانی خۆیان هەژاری قاسمی و ڕێگای پڕشانازیی قارەمانانی شەهید: هەمزە سارتکەیی، شێخ غەریب حەسەنی، قادر نەزمی، قادر قادری، محەممەد نەدیمی و بێهرووز ڕەزا نەژادبەرز و زیندوو رادەگرن. هەر وەک بەڵێنیشیان داوە و بە کردەوە سەلماندوویانە ڕۆژهەڵاتی کوردستان دەکەنەوە بە گۆڕەپانی بەرەنگاری لە گەڵ ستەم و زۆرداری وتاوانەکانی کۆماری ئیسلامیی ئێران لە دژی خەڵکی ڕۆژهەڵاتی کوردستان. لەم بارەیەشەوە بە هاوکاری وپشتوانیی بێدریغی کۆمەلانی خەڵکەکەمان لە ڕۆژهەڵاتی نیشتمانەکەمان دڵگەرم و پشت ئەستوورن. ئێمە گومانمان نییە کە لاوانی وشیار و بە هەلویستی ڕۆژهەڵاتی کوردستان، ناهێڵن سەنگەری هەژار قاسمییەکان و شەهیدانی سەربەرزی دیکەی خەباتی ڕزگاریخوازایی لە ڕۆژهەڵاتی کوردستان،چۆل بمێنێتەوە و بە هاتن بۆ ڕیزەکانی پێشمەرگە و بەشداری لە مەیدانە جۆراوجۆرەکانی تێکۆشان دا، بە زوویی جێگایان پڕ دەکەنەوە.
    ناوەندی ڕاگەیاندنی حیزبی دیموکراتی کوردستان
    ٤ی پووشپەڕی١٣٩٣
    ٢٦ی سێپتامبری ٢٠١٤

    http://www.kurdistanukurd.org/ku/hewal_dreja.php?id=9542

  2. : رۆژپڕێس|Rojpress
    2 تشرینی یه‌كه‌م 2014 له‌ 01:34

    همدردی شوراى مركزى جبهه دموكراتيك ايران با حزب دمکرات کردستان

    2014-10-02 00:04:59

    شوراى مركزى جبهه دموكراتيك ايران با ارسال نامه‌ای به‌ دفتر سیاسی حزب دمکرات کردستان در خصوص شهادت یکی از پیشمرگان این حزب ضمن اعلام همدردی می‌گوید در هر شرايطى از مبارزات و مقاومت نظامى حزب شما حمايت و پشتيبانى ميكنيم.

    در این نامه‌ با اشاره‌ به‌ درگیریهای چند هفته‌ی گذشته‌ مبارزان حزب و مدافعان شرق کردستان آمده‌ است ما ضمن ابراز تاسف از شهيد شدن هژار قاسمى كه از فرزندان شجاع كردستان و ايران محسوب ميشوند، ضمن ابراز تسليت اعلام مى داريم كه در هر شرايطى از مبارزات و مقاومت نظامى حزب شما حمايت و پشتيبانى ميكنيم و در عين حال بر اعتقادحزب شما و جبهه دموكراتيك ايران بر مبارزات سياسى و اتكا نمودن به جنبشهاى اجتماعى- سياسى تاكيد مى كنيم.
    در این پیام همچنین آمده‌ است که‌ آقاى حشمت اله طبرزدى، دبير كل جبهه دموكراتيك در يكى از آخرين پيامهاى خود از درون زندان، استقرار دموكراسى در كشور را بدون حضور احزاب و سازمانهاى اتنيكى بعيد دانسته و تاكيد نمودند كه با مشاركت تمام نمايندگان احزاب و سازمانها و پايگاه اجتماعى مشتمل بر مردمان مناطق مختلف كشور در پوشش جنبشهاى اتنيكى، جنش دموكراسى خواهى در كشور سرانجام پيروزمندانه اى را رقم خواهد زد.
    این پیام بر این نکته‌ تاکید کرده‌ است که‌ براى مردم ستم ديده كردستان ايران و همه ملت ايران پيروزى بر استبداد جمهورى اسلامى را آرزومنديم و در اين راه همه تلاش خود را بكار گرفته و ميگيريم.

  3. : رۆژپڕێس|Rojpress
    2 تشرینی یه‌كه‌م 2014 له‌ 20:40

    پیکر سرهنگ شهید محمدنژاد در اورمیه تشییع شد
    Cümə, 02.10.2014 03:12
    گوناز تی وی:پیکر سرهنگ شهید آذربایجانی “مصطفی محمد نژاد” که در درگیری با نیروهای تروریستی پژاک جان خود را از دست داده بود،در اورمیه تشییع گردید.

    به گزارش گوناز تی وی،چهارشنبه 9 مهر ماه 93، پیکر سرهنگ دوم ، شهید مصطفی محمدنژاد در اورمیه تشییع شد.

    این مراسم در میدان انقلاب اورمیه به سمت میدان امام حسین برگزار و پیکر این شهید بر دستان مردم آذربایجان غربی و اورمیه به خاک سپرده شد.

    شهید مصطفی محمدنژاد روز دوشنبه در درگیری با تروریست های پژاک در منطقه خوی در غرب آذربایجان به درجه رفیع شهادت رسید.

    پیشتر نیز دو سرباز وظیفه آذربایجانی به اسامی “حسین محمدی” و “بهنام پیغامی” در درگیری با گروه تروریستی پژاک در ارتفاعات دولامان در اورمیه شهید شده بودند.

    این سربازان از اهالی شهرهای خلخال و بستان آباد آذربایجان جنوبی بودند.

    پیش از آن نیز در روز چهارشنبه 24 فروردین سال جاری نیز هشت نفر دیگر از سربازان وظیفه آذربایجانی در منطقه سرو به دست نیروهای تروریستی پژاک به شهادت رسیدند. نام یکی از این جوانان سرباز امیر احسانی فر از روستای گوهران خوی بود.پیش از آن هم جوان حدود بیست ساله سرباز پلدشتی میلاد میرزائی؛ که فقط دو هفته به پایان خدمتش باقی مانده بود بدست جانیان پژاک شهید شد.

    گفتنی است سال هاست نیروهای تروریست کُرد که در غرب خاک تاریخی آذربایجان رویای برقراری کردستان خیالی شان را در سر میپرورانند به بهانه گرفتن حقوق خود از رژیم جلاد ایران بلای جان مردم آذربایجان شده اند و در سال های اخیر تعداد قابل توجهی از جوانان آذربایجانی به دست تروریست های کُرد به شهادت رسیده اند .

  4. : رۆژپڕێس|Rojpress
    4 تشرینی یه‌كه‌م 2014 له‌ 11:02

    Aziz Sheikhani
    11 hrs · Edited ·
    خه‌باتی چه‌كداریی یان تێكهه‌ڵچوونی به‌ رێكه‌وت
    له‌ ماوه‌ی چه‌ند رۆژی رابردوودا باس له‌ تێكهه‌ڵچوونی نێوان پێشمه‌رگه‌كانی حیزبی دێموكڕاتی كوردستان و هێزه‌ چه‌كداره‌كانی رێژیمی كۆماری ئیسلامی ئێران ده‌كرێ. ئه‌گه‌رچی ئه‌و تێكهه‌ڵچوونانه‌ به‌ ده‌ستپێكی خه‌باتی چه‌كداریی له‌ رۆژهه‌ڵاتی كوردستاندا پێناسه‌ ناكرێن، به‌ڵام ده‌كرێ به‌ هه‌نگاوێكی تاكتیكی بخه‌مڵێندرێن. خه‌ڵكی كورد و زۆربه‌ی گه‌لانی ژێر ده‌ست و ته‌نانه‌ت ده‌وڵه‌ت و نه‌ته‌وه‌ سه‌رده‌سته‌كان له‌ زمانی چه‌ك و شه‌ڕ باشتر تێده‌گه‌ن، بۆیه‌ ده‌نگدانه‌وه‌ی ته‌قه‌ی چه‌كه‌كان له‌ گۆڕه‌پانی نێوخۆ و ناوچه‌دا زۆر و به‌رچاوه‌.
    مێژووی ناوچه‌ و به‌ تایبه‌ت كورده‌كان و لایه‌نی به‌رامبه‌ر به‌ كورده‌كان به‌ داخه‌وه‌ به‌ستێنێكی ئاماده‌كراو بۆ توندوتیژییه‌. له‌ ژێڕ سێبه‌ری نیزام و ده‌سه‌ڵاتێكی سه‌ركوتكه‌ردا گه‌مه‌ی دێموكڕاسی و مافی چاره‌ی خۆنووسین گوڵ ناكه‌ن، بۆیه‌ به‌ كارهێنانی چه‌ك و به‌ره‌نگاربوونه‌وه‌ی چه‌كداری به‌ یه‌كێك له‌ تاكتیكه‌ كاریگه‌ره‌كان بۆ قۆناخێكی دیاریكراو به‌ئه‌ژمار دێ. به‌ واتایه‌كی دیكه‌ شه‌ڕی كورد بۆ ئه‌ستاندنی مافه‌كانی ده‌كه‌وێته‌ خانه‌ی شه‌ڕی مافخوازانه‌ و داسه‌پاو. له‌ نیشتمانێكدا كه‌ داگیركراوه‌ و خه‌ڵكه‌كه‌ی به‌ زۆر و زیندان ناچار به‌ قبوڵكردنی دۆخی ژێرده‌سته‌بوون كراون، هه‌ڵگه‌ڕانه‌وه‌ و به‌گژداچوونه‌وه‌ ده‌بێته‌ ئه‌رك و به‌رپرسیاره‌تی.
    هێز و پارته‌‌ رۆژهه‌ڵاتییه‌كان له‌ ماوه‌ی ١٨ ساڵی رابردوودا له‌ ژێر پاڵه‌په‌ستۆی پارته‌ ده‌سه‌ڵاتداره‌كانی باشووری كوردستان و دۆخی ناسكی ناوچه‌دا ناچار به‌ قبوڵكردنی بژارده‌یه‌ك كران، كه‌ كه‌شێكی ته‌ژی له‌ پاسیڤبوونی له‌ رۆژهه‌ڵاتی كوردستاندا خوڵقاند. كورده‌كان له‌ رۆژهه‌ڵاتی كوردستاندا و پارته‌ سیاسییه‌كانی ئه‌و هه‌رێمه‌ له‌ دوای راپه‌ڕینی كورده‌كان له‌ باشووری كوردستاندا خۆیان بۆ قۆناخی تازه‌ ئاماده‌ نه‌كردبو. ئه‌وان له‌ نێو خۆدا ئاماده‌ی پڕكردنه‌وه‌ی جۆری خه‌باتی پێشمه‌رگانه‌ نه‌بوون و له‌ ده‌ره‌وه‌ش روانینێكی دیار و روون بۆ دوارۆژی بزوتنه‌وه‌ی كورد له‌ رۆژهه‌ڵات له‌ ئارادا نه‌بو. له‌ ئاكامی نه‌بوونی ئاڵترناتیڤێكی دیار و هه‌ڵقوڵاو له‌ جه‌رگه‌ی رۆژهه‌ڵاتی كوردستاندا و چه‌قینی پارته‌ سیاسییه‌كان له‌ باشوور و ونبوونیان له‌ ته‌پ و تۆزی كێشه‌ نێوخۆییه‌كاندا، ژماره‌یه‌ك له‌ پارت و لایه‌نه‌ سیاسییه‌كان له‌ باكور و باشوور خه‌ریكی پڕكردنه‌وه‌ی بۆشاییه‌كه‌ی رۆژهه‌ڵاتی كوردستان بوون. پارته‌ باكوریی و باشوورییه‌كان له‌ دوو به‌ره‌ی جیاوازدا كه‌وتنه‌ كار و به‌ دروستكردنی پارت و له‌ داوخستنی ژماره‌یه‌ك كه‌س و كۆمه‌ڵه‌ی به‌ ناو كولتووری و ته‌نانه‌ت سازان له‌ گه‌ڵ كۆماری ئیسلامی ره‌وتی بنكۆڵكردنی كولتوری بزوتنه‌وه‌ سیاسییه‌كانی ئه‌و پارچه‌یه‌ی كوردستانیان ده‌ستپێكرد. پارته‌ رۆژهه‌ڵاتییه‌كان له‌و نێوه‌دا وه‌ك چاوه‌دێرێك له‌ گۆڕه‌پانه‌كه‌دا مانه‌وه‌ و به‌ شێوازێكی درێژخایه‌ن په‌راوێزخران و له‌ كایه‌ی رۆژهه‌ڵات ده‌رپه‌ڕێندران.
    ئه‌گه‌رچی چوونه‌وه‌ی پێشمه‌رگه‌ی حیزبی دێموكڕات له‌ باشووری كوردستان بۆ رۆژهه‌ڵات له‌ درێژخایه‌ندا چاره‌سه‌ر نییه‌، به‌ڵام له‌و دۆخه‌دا ده‌كرێ به‌ راهێنان و مانۆڕێكی سیاسیی-چه‌كداری بژمێردرێ. ستراتیژی ده‌ستپێكردنه‌وه‌ی خه‌باتی چه‌كداریی له‌ رۆژهه‌ڵاتی كوردستان به‌ مێتۆد و شێوازی كۆن سه‌رناگرێ. ئه‌وه‌ی له‌ رابردوودا و له‌ ژێر سێبه‌ری بارودۆخی ٢٠ ساڵ له‌وه‌پێش كراوه‌، له‌ سه‌رده‌می ئه‌مڕۆدا ناگونجێ، به‌ڵام رێگاكان هه‌رگیز به‌ ته‌واوه‌تی كوێرنابنه‌وه‌ و ده‌رگاكان داناخرێن. ئه‌گه‌ر ویست و پلان و ستراتیژی بۆ ده‌ستپێكردنی خه‌باتی چه‌كداری هه‌بێ و سه‌رمایه‌گوزاری له‌ سه‌ر بكرێ، پێویسته‌ له‌ نێوخۆی كوردستاندا تاقیكاری گه‌لانی دیكه‌ ره‌چاوبكرێ. پێكهێنانی شانه‌ی چه‌كدار و رێكخستنی رایه‌ڵكه‌ی چه‌كداریی له‌ رۆژهه‌ڵاتی كوردستاندا كارێكی شیاوه‌ و خه‌ڵك له‌ به‌رده‌م به‌شداربوون له‌ پڕۆسه‌ و ره‌وتی خه‌باتدا هه‌ڵده‌سه‌نگێنێ.
    رێژیم تاكتیكی كۆنی حیزبه‌ كوردییه‌كان ده‌زانێ و هه‌ڵسه‌نگاندنی ورد بۆ دۆخی خۆی ده‌كات. بوژاندنه‌وه‌ی خه‌باتی چه‌كداریی به‌ فۆڕم و شێوازی نوێ تاكتیكی هه‌ره‌ سه‌ركه‌وتوو دژ به‌ رێژیم به‌ئه‌ژماردێ. په‌نابردن بۆ شاخ و دواتر بۆ بنكه‌یه‌كی پێشمه‌رگانه‌ و مانه‌وه‌ بۆ ماوه‌ی ٢ ده‌یه‌ له‌و زۆنه‌دا به‌ مانای سووڕانه‌وه‌ به‌ ده‌وری بازنه‌ی ناسه‌ركه‌وتوودا پێناسه‌ده‌كرێ. گه‌لێك، كه‌ ئازادیی بوێ و داوای مافه‌كانی خۆی بكات پێویسته‌ له‌ شار و شارۆچكه‌كان به‌ شكڵ و شێوه‌ی جۆراوجۆر و ته‌نانه‌ت ئه‌گه‌ر ناچاربوون وه‌ك گه‌لانی دیكه‌ به‌گژ داگیر و چه‌كداری نه‌ته‌وه‌ و ده‌وڵه‌ته‌ سه‌رده‌سته‌كاندا بچنه‌وه‌. بۆ سه‌ركه‌وتن به‌ سه‌ر دوژمندا بزوتنه‌وه‌ ده‌بێ به‌ جه‌ماوه‌ریی بكرێ و خه‌باتی چه‌كداریی چه‌ند كه‌س و گرووپێك تێكه‌ڵ به‌ شه‌پۆلی ناڕه‌زایه‌تی كۆمه‌ڵگا بكرێ و هێز و وزه‌ی گه‌وره‌ به‌ تێكڕای خه‌ڵك بدات. با له‌ قاره‌مان سازی خۆ دوور بپارێزین و خه‌ڵك سه‌رپشك بكرێ له‌ تێكه‌ڵبوون به‌ ئاپۆڕای بزوتنه‌وه‌یه‌ك كه‌ له‌ پێناوی دابینكردنی مافی گه‌لدا وه‌گه‌ڕخراوه‌. شه‌ڕی كوردان دژ به‌ رێژیم له‌ ئێران ده‌بێ له‌ نێو شار و گونده‌كاندا ره‌نگبداته‌وه‌ و دوژمن به‌ هه‌موو چاوێك ببینێ، كه‌ ئه‌وه‌ خه‌ڵك و دانیشتووانی كوردستانن، كه‌ دژ به‌ ده‌سه‌ڵاتی ئه‌وان هاتوونه‌ مه‌یدان نه‌ك چه‌ند چه‌كدارێكی په‌ڕیوه‌ی باشووری كوردستان، كه‌ به‌ چه‌ند ساڵ جارێك له‌ گوند و لێڕه‌وارێك ده‌رده‌كه‌ون.
    رۆژگار ده‌گۆڕێ و له‌ هه‌ناوی خۆیدا هه‌ڵگری ئاڵوگۆڕی زیاتر و زۆرتره‌. روانین و تێڕوانینه‌كان بۆ دوارۆژن و هه‌نگاوه‌كان له‌ ئه‌گه‌ری هه‌بوونی دواڕۆژێكی دیار و ئامانجدار پته‌وتر و به‌گۆڕترن. شایانی باسه‌، كه‌ كورده‌كان له‌ كه‌ش و هه‌وای ئه‌مڕۆ و سبه‌ینێی رۆژهه‌ڵاتی نێوه‌ڕاستدا پێویستیان به‌ چه‌ك ده‌بێ. به‌ردی بناخه‌ی كۆشكی دێموكڕاسی له‌ كولتوری ده‌وڵه‌ته‌ سه‌رده‌ست و سه‌ركوتكه‌ره‌كانی به‌ تایبه‌ت وه‌ك ئێراندا هێشتا رۆنه‌نراوه‌. به‌ كرده‌وه‌ چاوه‌ڕێی ئاڵوگۆڕی گه‌وره‌ له‌ روانگه‌ و هه‌ڵوێستی رێژیم و كولتوری نه‌ته‌وه‌ی سه‌رده‌ست ناكرێ. ته‌نانه‌ت له‌و ناوچه‌یه‌دا رووخانی نیزام و ئاڵوگۆڕی سیسته‌می سیاسی چاره‌سه‌ری تێڕوانین و هه‌ڵوێسته‌كان ناكا. پرسی كورد له‌ ئێران و وڵاتانی دیكه‌دا به‌ گۆچانی سیحراوی مووسا چاره‌سه‌ر نابن و پێویستیان به‌ خه‌ڵك و بزوتنه‌وه‌یه‌كی زیندوو هه‌یه‌، كه‌ له‌ هه‌موو جۆره‌كانی خه‌بات كه‌ڵك وه‌رگرێ و ئامانجدار بێ. كولتوری ئه‌و ده‌سه‌ڵات و گه‌له‌ خاوه‌ن ده‌سه‌ڵاتانه‌ و ته‌نانه‌ت ژینگه‌ی خۆمان هه‌ڵگری وانه‌ی گرینگن، كه‌ ناكرێ خۆمان به‌ چیرۆكی شانامه‌ خه‌ریك بكه‌ین و لامان وابێ، بای شه‌ماڵ یان زریان ره‌چه‌ته‌ی سه‌ركه‌وتن و سه‌ربه‌ستیمان بۆ دێنێ و كۆڵه‌كه‌كانی مافی چاره‌یخۆنووسین بۆ كورد داده‌كوتێ و پته‌وده‌كا. خه‌باتی چه‌كداری و به‌گژداچوونه‌وه‌ی چه‌كداری هه‌تا دیكتاتۆرییه‌ت و سه‌ره‌ڕۆیی بمێنی له‌ گوڕ ناكه‌وێ. رۆژهه‌ڵاتییه‌كان بۆ راستكرنده‌وه‌ی باری لاری بزوتنه‌وه‌كه‌یان پێویستیان به‌ رێكخستنه‌وه‌ی جۆر و داڕشتنی فۆڕمی تازه‌ له‌ خه‌باتی چه‌كداری و رێكخستن هه‌یه‌. تێكهه‌ڵچوونه‌ به‌ رێكه‌وته‌كان و خۆدرخستن به‌ فۆڕمی كۆن، كه‌ چه‌ند پێشمه‌رگه‌یه‌ك سه‌ر له‌ گوند و مه‌زرایه‌ك ده‌ده‌ن وڵامده‌ری پرسی خه‌باتی كورد له‌ رۆژهه‌ڵات نییه‌. خه‌باتی چه‌كداریی پێویسته‌ له‌ ناخی كوردستاندا چه‌قه‌ره‌ بكا و به‌رین و رۆژانه‌ بكرێته‌وه‌.ئاگری به‌ره‌نگاربوونه‌وه‌ ئه‌گه‌ر هه‌موو كوردستان دانه‌پۆشێ ده‌سه‌ڵاتدار و چه‌وسێنه‌ران له‌ مانای داخوازییه‌ نه‌ته‌وه‌ییه‌كان ناگه‌ن و هه‌ر به‌ پیلانی ئیمپریالیسم و ئه‌مریكا پێناسه‌ی ده‌كه‌ن!

  5. : رۆژپڕێس|Rojpress
    5 تشرینی یه‌كه‌م 2014 له‌ 09:47

    Hatem Manbari
    1 hr · Edited ·
    رۆژهەڵات و پارچەکانی دیکە
    ( بە بیانووی رۆژهەڵاتمێحوەریەکەی حیزبی دیموکراتی کوردستان)
    هەر لە ساڵەکانیسەرەتاوە هەبوون کەسانێک کە بە دەنگی بەرز هاواریان ئەکرد کە بەم شێوەیەی ئیستای خەباتی ئێمە – تەنیا لە سەر حیسابی گوند و خەباتی پێشمەرگانە- وەڵامدەری نیازەکانی نیە و ئەبێت کاناڵ و دەرگای دیکەش بکەینەوە تا بتوانین زیاتر لە ئیستا پۆتانسیەلی ناو کۆمەڵگای خومان دژی دژمن و، لە قازانجی بزووتنەوەکەمان بە کار بێنین.من هەردەم یەکێک و بەشدارێکی ئەم باسە بووم و گەلێک هەڵس و کەوتی نەشیاویشم لە لەگەڵ کراوە کە بۆ پێداگریم لێ کردووە.
    نوسخە و رێگای پێشنیارکراوی ئێمە لەو سەردەمە دا، بایەخی زۆرتردان بە کاری تەشکیلاتی و بەشداری جەماوەری ناو شارەگەورەکانی کوردستان لەم رێگا سەختە دا بوو. هەڵبەت ئەکرێ گەڵاڵە و پێشنیارەکانی ئەو دەمی ئێمە کرچ و کاڵ، ساکار و ناتەواو بووبن. گەنج و بێ ئەزموون. کەمخوێندەوار و بێ زانیاری بووین. بەڵام ئەوەی وەک خاڵی لاواز دەستنیشانمان ئەکردن راست و درووست بوون و ئیستاش پاش تێپەڕینی چەند دەیە، هێشتاش جێگای خاڵی ئەو جۆرە خەباتە لە کاری سەرجەم حیزبەکانی رۆژهەڵات دا کەڵینێکە بە هیچ شێوەیەکی دیکە پڕ نابێتەوە و بەشی خوی باری ئێمەی لاسەنگ کردووە.
    ئەم بۆچوونە هەر چەند جێ قبووڵ و پژراندنی هەموان بوو بەڵام هیچ کات ئێنرژی تەواوی بۆ دانەرا، هەنگاوی پیویستی بۆ هەڵنەگیرا و ئەو کەسانەش کە دڵخواز و لە قۆناخێکی زۆر سەخت دا لە بەشێک لە حیزبی دیموکرات دا بوونە پێشەنگی ئەم رێگا پڕ لە مەترسییە، بە هۆی هەڵەی هێندێک و ناکۆکی نێوان دوو باڵی ئەکاتی حیزبی دیموکراتەوە، هەر لە یەکەم هەنگاوەکان دا کەوتنەداو، دەستگای ئەشکەنجەی رێژیمیان بینی و دوای ئەوە وەک پۆڵا راوەستان و نەهاتنە دەنگ، دەستگای تاوان بردنیە سەردار و خنکاندنی. دیارە ناو و ئادرەسی ئەم کەسە فیداکارانە جی مەبەستی منن بۆ ئەو کەسانەی کۆتایی دەیەی شەستی هەتاوای لەگەڵ من لای رێبەرایەتی شۆڕشگێر پێشمەرگە بوون دەزانن باسی کێ و کام سەردەم ئەکەم.
    کۆتایی هاتنی شەڕی دوو دژمنەکەی کورد بازنەی کاری سەربازی ئێمەی تەنگ کردەوە و دواتریش وەک دیتمان ”لە بەر پاراستنی ئەزموونی باشوور” قوفڵێکی ٢٠ ساڵەی لێ درا. ئاشکرایە دوای راوەستانی کاری سەرەکی (خەباتی پێشمەرگانە) و نەبوونی کاناڵ و دەرگایەکی دیکەی ئاڵتێرناتیڤیش، خەباتی ئێمە خستە ناو چوارچێوەی چاوەڕوانی دووپاتبوونەوەی سێناریۆی ئێراق لە ئێران ( ئامریکا بێت و کۆماری ئیسلامی بڕووخێنێ) و هاوکات خواردن و خەرجکردنی بێ رەویە لە ئێعتباری رابوردوو. سەرەنجام دیتمان ئەم دۆخە درێژ و بێ ئاسۆیەش بوو بە هۆی چەندین لەتبوون و لێکدوورکەوتنەوەی گران کە ئێسک و پرووسکمانی هاڕی و تواندیەوە.
    بە بڕوای من تا ئەیرە هیچکام لە حیزب و لایەنەکانی پارچەکانی دیکەی کوردستان کەمترین تاوانیان لە سەر نیە. بەڵام ئەگەر ئەمە تاوان بێت کە هەیە، لە سەر شانی رێبەرانی دەرەجەیەکی حیزبەکانی خومان و دواتر تەک تەکی ئەندامەکانیانە کە کویرانە و بێ دوودڵی بە شوێن ئەواندا لە لووتکەی شاخەوە تا بنی دۆڵ روویشتین و هەر جارەش دوای جاری پێشوو، بە تێکڕای دەنگ، دەنگی ئێمەیان بۆ دەورەیەکی دیکەی بەنج و قەتیسکردن پێ درایەوە.
    قسەی حیسابی ئەم سەردەمەی حیزبی دیموکراتی کوردستان و کاک خالێد عەزیزی لەم پڕۆژە تازەیەیان دا دوو چتە:
    ١ ”چرایەک بە ماڵ رەوایە بە مزگەوت حەرامە”. بە زوانێکی سادەتر، هەر کەسە و پارچەی خوی. واتا ئەوەی خەڵکی رۆژهەڵات بێت لە رۆژهەڵات خەبات بکات، دەنا هەوڵ و کارەکەی بۆ لە پەراوێزهێشتنەوەی قەزیەی کوردی” ئێرانە”.
    ٢ پێوەندی حیزبەکانی پارچەکانی دیکە لەگەڵ ئێران ئاساییە، بەڵام بەو مەرجە لە سەر حیسابی خەڵکی رۆژهەڵات نەبێت.
    من لە خاڵی دووهەمەوە دەست پێ دەکەم.
    راستی پێوەندی حیزبەکانی پارچەکانی دیکە وبە تایبەتی پارتی دیموکراتی کوردستان و یەکیەتی نیشتمانی کەی و کام سەردەم لە سەر حیسابی خەڵکی رۆژهەڵات نەبووە؟
    -ئەو کاتەی کە قیادە و پاسدار هاوسەنگەر بوون، رۆژانە پێشمەرگەی ئێمەیان ئەکوشت و ئێمەشیان ”جاشی” سەدام ناو دەبرد؟
    -ئەو سەردەمەی کە پاسدارای ئێرانیان دێنا و بە بەر دەرگای بنکەکانی ئێمە دا تێپەڕیان ئەکردن و ئەگەر رەخنەیکیشمان لێ ئەگرتن لە وەڵامدا ئەیان وت خۆ ئێران تا ئیستا یەک لادێ ئێوەی نەڕووخاندووە؟
    -یان ئەو سەردەمەی کە موحسێن رەزایی و پاسداری دیکەیان هێنایە هەڵەبجە، سەرجەمی ناوچەی هەورامانیان لە دەستی ئێمە دەرهێنا و کارەساتی هەڵەبجەشیان بۆ خویان تۆمار کرد؟
    -یان ئەو سەردەمەی کە رۆژانە پاسداری خوێڕی ئێرانی لە سلێمانی و هەولێر بە کەیفی خوی راوی شێرە پێشمەرگەی ئەکرد و ئەم راوکردنەش چەندین ساڵ خایاند و قوربانیەکانی ئێمەش گەییشتنە چەند سەد کەس؟
    لەم بارەوە ئەتوانم لیستەیەکی درێژ ریز بکەم و دڵنیاشم کەس وەڵامێکی بۆ پرسیارەکانم لا نیە.
    بەڵام خاڵی دووهەم:
    راستی ئەگەر چیرۆکی ئەم ”ماڵ و مزگەوتە” بکەینە بنەما بۆ لێکجیاکردنەوەی خەباتی پارچەکانی وڵاتی دابەشکراومان، نابێت لە خومان ببرسین کە:
    – لە سەردەمێک دا سەدام حوسەینی دەستی لە گەرووی خەڵکی باشوور نابوو، تازە چەکەرەی بزووتنەوەی یەکیەتی نیشتمانی لە سەر پۆلۆێ لە حاڵی گوژانەوەی شۆڕشەکەی ئەیلوول دەگەشایەوە، جەنابی مەلا موحەمەدی جوانڕۆیی، کە ئەندامی کوردی ناو حیزبی شیوعی ئێراق بوو، لە سنە و لە ناو ئاگربارانی سپای ئێران دا چی دەکرد و بۆچی جەبار کۆکۆیی خزمی و چەند کوردێکی دیکەی ”ءێراقێ” بۆ دیفاع لە ئێمە بە کوشت دان؟
    – ئەگەر ئەم روانگە چەوتە راست بێت، نابێت لە بری دەستخوشی لە پێشەوا قازی، رەخنەی لێ بگرین و بێژین بۆ ”هێشتی” بارزانیەکان بەشداری کۆماری کوردستان بکەن؟ ئاخر راست لەو کات و ساتە دا سپای ئینگلیز و نووری سەعید، بە تانک، تۆپ و تەیارە کێوەکانی بارزانیان ئەسووتاند و ”ماڵی” بارزان و دەڤەرەکەیان پیویستی زیاتری بە هەزار پێشمەرگەی ئازای بارزانی هەبوو تا بێن و لە ”مزگەوتی” قازی موحەمەد و کۆماری کوردستان کە تایبەتی ”کوردەکانی ئێڕان” بوو پارێزگاری بکەن؟
    لەم باریشەوە نموونە زۆرن و دڵنیاشم وەڵام کەم، بەڵام راستتر ئەوەیە کە:
    ١ بە هاوڕێیانی ح.ذ.ك بێژم دەستی ئێوە خوش کە خەریکن هەنگاوێک و ئەویش هەنگاوێکی زۆر بوێرانە لەم بارەوە هەڵئەگرن و من بە تەواوی پشتگر و پشتیوانی بڕیارەکەتانم.
    ٢ بۆ هەستانەوە لەم کەوتنە درێژماوەیە، هیچ پیویست بە خستنی کەسی دیکە نیە. راست پێچەوانەکەی، حیزبەکانی پارچەکانی دیکە، بە تایبەتی ئەوانەی باکوور گەلێک شێوەی کاریان بۆ لێ فێربوون هەیە و باشترە بە جێ ئاڵۆزی سازکردن بە نزیکبوونەوەی فرەتر لە ئەزموونەکانیان فێر بین و ئەگەر یارمەتییان داین ماڵیان ئاوا.
    ٣ سەدان کوردی رۆژهەڵات، بە هۆی باری کەوتووی حیزبەکان لە رۆژهەڵات و بۆ ئەنجامدانی ئەرکی نیشتمانی خویان لە باکوور، باشوور و تەناتەن ئیستە لە ناو ئاگری رۆژاواش دا خزمەتیان کردووە و دەیکەن. ئەمانە تێکڕایان مرۆڤی ئاگا، ژیر و خاوەن ئیرادەیەکی پۆڵایینن. بێ ئینسافی وزۆریش ناڕەوایە ئەگەر پێمان وابێت کە ئەو کەسانە ژیانی ژێر تۆپ و بنبەردانی قەندیل و، مانەوە لە کۆیە و زەڕگوێز لێک جیاناکەنەوە و هێندە ”ساویلکەن ئەچن لە شاخ ئەمێننەوە و نایەنە ناو حیزبەکانی ”خویاندا” خەبات بکەن.
    من دڵنیام ئەگەر کۆمەڵە و دیموکرات لەم وەزعەی ئیستا دا نەبان ژمارەی ئەو کەسانەش لە رێزی ئەو حیزبانە دا کەمتر ئەبوو و رەنگە کوردی پارچەکانی دیکەش بهاتبان و لە ریزی ئێمە دا خەبات بکەن هەر وەک پێشتر بینیومانە و دوای شەهیدبوونیشیان پێمان ئەوتن:
    شەهید خالێد ئێراقی، شەهید… ئێراقی و…..
    قسەی ئاخر ئەویکە:
    پێشنیاری دۆستانە و دڵسۆزانەی من بۆ ئێوە ئەوەیە بە حورمەتەوە بڕواننە هەڵبژاردنی خەڵک.بزانن ئەوەی لە مەیدانی کردار دا ئەبێتە پێشمەرگە/گریلا ئەزانێ مەرگیش نزیکە و ئەوەش خاوەنی ئیرادەیەکی پۆڵایین و بڕوایەکی قووڵ نەبێت روو لەم دەڤەرە پڕ شانازیە ناکات.
    لە دڵەوە داوای هاوکاری لە گشت ئەو کەسانە بکەن کە لەم بارەوە خاوەن ئەزموونێکن. هەوڵی پێکهێنانی کەش و فەزایەکی دۆستانەی نێوان گشت پارچەکانی کوردستان بدەن و دڵنیام لە کەش و هەوای دۆستانە دایە ئێمە ئەتوانین قسە و گلەیەکانیشمان پێکەوە بکەین.
    ئەگەر بڕیاریش بێت لەم بارەوە بە شوێن ”خەتابارێک” بۆ ئەم بە جێ مانەی رۆژهەڵاتدا بگەڕین، راست و رەواترە کە لە خومان و، سەد هەڵبەتە لە رێبەران و بڕیاردەرانمانەوە دەست پێ بکەین.
    لەگەڵ ئەو پەڕی رێزم بۆ گشت هەنگاوەکانی هەژار قاسمی و هاوڕێیانی کە لەم رێگا سەختە دا هەڵیان گرتن و هیوامە ئەمانە تەنیا هەنگاوی سەرەتا بن و هەستانەوەیەکی یەکجاری بە دوادا بێت.
    حاتەم مەنبەری٢٠١٤-١٠-٦

  6. : رۆژپڕێس|Rojpress
    5 تشرینی یه‌كه‌م 2014 له‌ 18:19

    دور باطل مبارزە مسلحانە در کردستان ایران
    فرخ نعمت پور
    مقدمە
    در رسانەها خبر از درگیرهای مسلحانە در کردستان ایران می رسد، در درگیریهائی کە دهها تن از نیروهای طرفین کشتە و زخمی شدەاند، و چنین بە نظر می رسد کە با پخش این اخبار ما بار دیگر در ابعاد نوینی شاهد درگیریهای مسلحانە میان نیروهای اپوزیسیون کرد ایرانی با دولت مرکزی خواهیم بود.
    علل
    در خوانش علل عروج دوبارە مبارزە مسلحانە در مرحلە فعلی می توان بە دو مورد اصلی اشارە داشت: مورد اول، فضای دگرگونە در کردستان عراق بە علت تبعات جنگی کە در منطقە جریان دارد، می باشد، و مورد دوم، استفادە جریانات معینی از این وضعیت در جهت عبور از شرایط رکود و بحران، استفادەای کە می توان بر آن نام پراگماتیسم ایدە جنگ مسلحانە نهاد.
    مورد اول، شرایط دگرگونە در اقلیم کردستان
    فضای جنگی در منطقە و تاثیرات معین و گاها شدید آن بر کردستان عراق، باعث تضعیف تسلط دو حزب اصلی در منطقە اقلیم بر وضعیت عمومی شدە است. تعمیق اختلافات میان دو جریان اصلی (اتحادیە میهنی و حزب دمکرات)، ادامە کشمکشها با دولت مرکزی عراق، بحران بودجە و ادامە جنگ طاقت فرسا بە درازای مرزهای طولانی و متحرک، جامعە کردستان عراق را در وضعیتی قرار دادە است کە کاملا آنرا با فضای بعد از فروپاشی صدام متمایز می کند. بدیهی ست کە در چنین شرایطی بعلت تمرکز سیاسی و نظامی مقامات اقلیم بر جبهه های جنگ، بازی سیاسی در زمینەهای دیگر بە مقام درجە چندمی فرو بکاهد، و بدین ترتیب فضاهای دیگری گشودە شوند کە قبلا تا حد زیادی ناممکن می نمودند. مبارزە مسلحانە کە همیشە بر شکافها تاکید داشتە، این بار نیز می رود کە بشیوە جستە و گریختە با تکیە بر شکافهای پدید آمدە موجود، امکانات خود را دوبارە از نو بسنجد.
    مورد دوم، پراگماتیسم ایدە جنگ مسلحانە
    احزاب کرد ایرانی کە تاریخا بعد از فروپاشی رژیم شاە و حملە نظامی رژیم بە کردستان، سنت مبارزە مسلحانە را بر دوش می کشند، و بعد از سال ١٩٩٧ طی تعهدی بە مقامات اقلیم از مبارزە مسلحانە بە شیوەای موقتی دست کشیدند، با ظهور شرایط جدید در پی ترمیم ضربات واردە بر خود بعد از سال ٩٧ میلادی می باشند. این نیروها کە دارای ساختاری نظامی هستند و هویت تشکیلاتی ـ علنی خود را عملا در مسیر مبارزە مسلحانە تعریف کردەاند، ناچارند برای حفظ این ساختار و هویت و حضور قوی در صحنە، عملا هر آنگاە شرایط اجازە می دهد، بە خود تکانی بدهند تا غبار سالهای بی تحرکی نظامی را از خود رفتە و دوبارە خود را در صحنە احساس کنند. بروز درگیریهای اخیرا را باید از این زاویە بررسی کرد.
    موارد و یا تبعات دیگر
    البتە نمی توان تنها بە این دو مورد اشارە داشت، زیرا کە وضعیت بسیار پیچیدەتر از آن است کە بتوان این چنین، عوامل را محدود کرد. از جملە مسائل دیگری کە می توان بدانها اشارە داشت امر بحران مالی می باشد. بعد از قطع کمکهای اقلیم بە این احزاب بعلت وضعیت مالی دشوار خود اقلیم، احزاب کرد ایرانی ناچارند کە بە نوعی با حضور گسترەتر در مناطق کردنشین ایران، منابع تامین مالی خودشان را گسترش بخشند. بە عبارتی دیگر آنجا کە میزبان از عهدە تعهدات خود بر نمی آید، مهمان خود دست بکار می شود. در واقع دشواری وضعیت، از سخت گیری میزبان عملا بنوعی کاستە است.
    کلامی دیگر
    سالهاست کە مبارزە مسلحانە در کردستان ایران از یک آزمون قوی برخوردار است. دقیقا از سال ١٣٥٨ بە بعد، کردستان صحنە درگیریها میان نیروهای اپوزیسیون و دولت مرکزی بودە است. در تمام این سالها آنگاە کە بحث بر سر چرائی این شکل مبارزە بودەاست، این مسئلە عنوان شدە کە جنگ امری تحمیلی بودە است، و آنگاە کە بحث بر سر فرم مشخص تاثیرگذاری آن بودە، این امر مطرح شدە کە مبارزە مسلحانە شکلی برای ناچارکردن رژیم جهت پذیرفتن خواستهای مردم کردستان بودە است و نە سرنگونی جمهوری اسلامی.
    و حال دهها سال از آغاز این شکل مبارزە گذشتە است و عملا ما این امکان را یافتەایم کە چرائی و استراتژی آن را در بوتە آزمایش عملا بسنجیم. واقعیت این است کە مبارزە مسلحانە در کردستان ایران هیچگاە نتوانست آنچنانکە تئوری پردازانش مدعی بودند رژیم را ناچار بە مصالحە با احزاب اپوزیسیون کند. یعنی در واقع مبارزە مسلحانە، شکلی شکست خوردە در مبارزات احزاب اپوزیسیون این خطە می باشد. و حال بعد از سالها توقف این مبارزە، و در شرایطی کە خود شرایط اجتماعی و سیاسی در داخل کردستان نیز کاملا دگرگونە شدە و پارامترهای دیگری را از لحاظ نوع حضور خود در مبارزە نشان می دهد، بازگشت و یا احیای این شکل نە تنها نمی تواند کمک زیادی بە امر پیشبرد مبارزات مردم کردستان بکند، بلکە از لحاظ معرفتی آن را دچار وقفەهای نابهنگام و خطرناک می کند.
    واقعیت این است کە بعضی از احزاب کرد ایرانی یا هنوز در گذشتە زندگی می کنند، و یا هنوز بشدت در پی کپی برداری از شرایط کردستانهای دیگر هستند. امر پیشبرد مبارزە در کردستان ایران، لااقل در شرایط کنونی نە تابع امر مسلحانە، بلکە تابع روندها و شکلهای سیاسی ـ مدنی ست (علیرغم دشواریهای آن). نە رژیم در مرکز، دچار بحران و فروپاشیهای مزمن لااقل در بعضی زمینەهاست، و نە بە مانند سابق امکان ادامە جنگ مسلحانە حتی در صورت بروز مقطعی آن وجود دارد. در بهترین حالت آنچە شاهدش خواهیم بود، بروزات موقتی جنگ و درگیریهائی خواهد بود کە تنها معتقدان بدان را خشنود خواهد کرد.
    آیا این همە درگیری و کشت و کشتار در منطقە کافی نیست؟ آیا با وجود این همە خون ریختە شدە کە منطقە ما را بە جهنمی تبدیل کردە است، ما باز بە خونریزی دیگری احتیاج داریم؟ آیا نمی شود یکبار برای همیشە روشهای مدنی مبارزە سیاسی را علیرغم وحشیگریهای طرف مقابل بە روش اعتقادی و غالب تبدیل کرد؟ آیا دیگر جنگ بس نیست؟

  1. 5 تشرینی یه‌كه‌م 2014 له‌ 22:32

وەڵامێک بنووسە

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s

%d هاوشێوەی ئەم بلۆگەرانە: