ماڵه‌وه‌ > NNSROJ > پاش دوو ڕۆژ شەڕی قورس، هێرشی داعش بۆسەر کەرکووک تێکشکێنرا

پاش دوو ڕۆژ شەڕی قورس، هێرشی داعش بۆسەر کەرکووک تێکشکێنرا

31 كانونی دووه‌م 2015 لێدوانێک بنووسە Go to comments

NNSROJ: پاش نزیک بە دوو شەو و ڕۆژ شەڕی گران لە میحوەرەکانی باشووری کەرکووک، هێزی پێشمەرگەی کوردستان، توانی سەرجەم ئەو گوند و ناوچانەی کە داعش داگیری کردبوون، کۆنترۆڵ بکاتەوە.

لە دوا شەڕی خوێناوی شەممە[٣١ی ژانویە]دا، کە فەرماندەیەکی باڵای هێزی پێشمەرگە بە ناوی “حوسێن مەنسوور”، گیانی لەدەست دا، مەلا عەبدوڵا لە باشووری کەرکووک کۆنترۆڵ کرایەوە و پاشەکشە بە چەکدارانی داعش کرا.

چەکدارانی داعش شەوی هەینی[٣٠ی ژانویە]، لە چەند بەرەوە، به‌ چه‌كداری خۆكوژ و ئۆتۆمبێلی بۆمبڕێژكراو هێرشیان کردبۆ سەر‌ میحوه‌ره‌كانی شەڕ لە لە باشووری كه‌ركووک و پاش داگیرکردنی مەکتەب خالید و چەند گوندی تر بەرەو کەرکووک پێشڕەویان کردبوو.

هاوکات لەگەڵ درێژەی پێکدادانەکان لە بەرەکانی باشوور، داعشی شەڕ و پێکدادانیانی لە ڕێگەی چەند ئەندامی شانە نهێنییەکانییەوە گوازتەوە بۆ ناو شاری کەرکووک.

لە شەڕ و پێکدادانەکانی ڕۆژی هەینیدا، چەندین پێشمەرگە کە چەند فەرماندە وەک عەمید “شێركۆ فاتیح شوانی”، فەرماندەی لیوای یەكی پیادەی هێزی پێشمەرگە له‌ سنووری كەركووک، عەقید “نەریمان دۆشكە”، فەرماندەی فەوج لە لیوای ٣ی تایبەتی جێگری سەرۆكی هەرێم، عەقید “شێرزاد زەنگەنە”، جێگری لیوای ١٣٤ی هێزەكانی ٧٠شیان لەناودا بوو، گیانیان لەدەست دا و زیاتر لە ١٠٠ پێشمەرگەش بریندار بوون.

چەند کاتژمێر دوای دەستپێکی هێرشەکە، چەند گرتەی ڤیدیۆیی لە تۆڕەکۆمەڵایەتییەکاندا بڵاوبوونەوە کە کۆمەڵێک چەکداری بە ڕەچەڵەک کوردی ئەندامی داعش و لەناویاندا پێشنوێژێکی پێشووی مزوگەوتێکی هەولێر بە ناوی “مەلا شوان”، دەبینرێن کە هەڕەشەی گرتنەوەی کەرکووک و کوشتن و سەربڕینی پێشمەرگەیان دەکرد.

ئەگەرچی ئامارێکی فەرمی لەدەستدا نییە بەڵام سەرچاوەکانی هەواڵ لە هەرێمی کوردستان باس لە کوژرانی زیاتر لە ١٠٠ چەکداری داعش لە شەڕ و پێکدادانەکانی دوو ڕۆژی ڕابردوودا دەکەن.
م.م.

Advertisements
:هاوپۆله‌کانNNSROJ
  1. Rojpress
    31 كانونی دووه‌م 2015 له‌ 21:55

    حمله گسترده داعش به کرکوک درهم شکسته شد
    0 1
    به روز شده در 1/30/2015 | 16:06 Friday 30 1 2015

    AFP
    NNSROJ: به دنبال حمله گسترده گروه دولت اسلامی به مواضع نیروهای پیشمرگه در استان کرکوک، آخرین خبرها حاکی از آن است که نیروهای پیشمرگه موفق به دفع این حملات شده اند.

    به گزارش پایگاه خبری و تحلیلی روژ، اعضای گروه دولت اسلامی صبح امروز ۳۰ ژانویه از چندین محور به مواضع نیروهای پیشمرگه یورش برده و برخی مناطق چون مکتب خالد، مریم بگ و تل ورد را در جنوب و غرب کرکوک تصرف می کنند.

    به دنبال حملات این گروه شمار زیادی از نیروهای پیشمرگه و ضد ترور از شهرهای سلیمانیه و کرکوک به جبهه های جنگ اعزام شده و پس از چندین ساعت درگیری شدید موفق به کنترل دوباره تمام این مناطق شده اند.

    وستا رسول از فرماندهان نیروهای پیشمرگه در محور کرکوک در گفتگو با Kurdsat news اظهار داشت “پس از پیشروی های اولیه داعش نیروهای ما که عبارت بودند از نیروهای ضد ترور، یگان های PKK و گردان های مختلف پیشمرگه با طرح ریزی یک ضد حمله تمام مناطق را از داعش بازپس گرفتیم”.

    همچنین همزمان با ضد حمله نیروهای پیشمرگه جنگنده های ائتلاف نیز مواضع داعش را در این منطقه بمباران کرده اند.

    روزنامه هاولاتی گزارش کرده که اعضای داعش با آتش زدن نفت موجود در خندق های این منطقه سعی می کنند مانع بمباران مواضع خود شوند.

    همزمان با حملات گسترده داعش به مواضع پیشمرگه در جنوب و غرب کرکوک، سه عضو این گروه با انفجار یک خودروی بمبگذاری شده در مرکز شهر کرکوک اقدام به تصرف هتل “قصر” کرکوک کردند.

    به گزارش خبرگزاری کرکوک نیروهای امنیتی پس از دو ساعت درگیری و درنهایت با کشتن اعضای داعش موفق شده اند کنترل این هتل را یکبار دیگر بدست بگیرند.

    استاندار استان کرکوک در گفتگو با کانال خبری KNN اعلام کرد که وضعیت امنیتی کرکوک با ثبات بوده و نیروهای امنیتی و پیشمرگه اوضاع این شهر را تحت کنترل گرفته اند.

    بر اساس آخرین آمار منتشر شده در درگیری های امروز کرکوک حداقل ۲۸ تن از نیروهای پیشمرگه جان خود را از دست داده و نزدیک به ۱۷۰ تن دیگر نیز مجروح شده اند.

    همچنین در این درگیری های فرمانده جبهه جنوب کرکوک “سرهنگ شیرکو شوانی” درد درگیری با داعش جان خود را از دست داده است.

    همچنین برخی خبرگزاری های اقلیم کُردستان گزارش کرده اند که در درگیری های امروز ده ها تن از اعضای داعش کشته شده که جنازه بیش از ۲۰ تن از آنان در دست نیروهای پیشمرگه می باشد.

    شایان ذکر است که هم اکنون نزدیک به یک سوم استان کرکوک تحت کنترل نیروهای داعش می باشد.

    استان کرکوک یکی از مناطق مورد منازعه میان اربیل و بغداد می باشد که قرار بود با برگزاری همه پرسی بر اساس ماده ۱۴۰ قانون اساسی عراق برای بازگشت آن به اقلیم کُردستان صمیم گیری شود.

    ع.گ

    http://nnsroj.com/fa/detiles.aspx?id=8298&ID_map=20

  2. Rojpress
    31 كانونی دووه‌م 2015 له‌ 21:55

    شارپرێس:
    كۆسرەت رەسوڵ عەلی سەركەوتنی هێزی پێشمەرگەی لەباشووری شاری كەركوك راگەیاند.

    كۆسرە رەسوڵ لەپەمامەكەدا كە ئاراستەی مەسعود بارزانی‌و جەماوەری كوردستانی كردووە دەڵێت: پێم خۆشە مژدەی سەركەوتنی هێزی پێشمەرگەی كوردستانتان پێرابگەیەنم كە لەماوەی دوو رۆژی رابردوو دژی تیرۆرستانی داعش ئەنجاممانداو بەخوێنی گەشی چەندەها فەرماندەو پێشمەرگەی قارەمان ئەم سەركەوتنە تۆماركرا.

    كۆسرەت رەسوڵ لەپەیامەكەدا باسی لەو فەرماندانە كردووە، كە لەشەڕەكانی پێشمەرگەدا شەهیدبوون‌و راشیگەیاندووە “هەر لەم نەبەردییەدا بە بەشداری‌و هەوڵ‌و ماندووبوون‌و تێكۆشانی چەندین فەرماندەی قارەمانی ترو پێشمەرگە گیان لەسەر دەستەكان توانرا سەرجەم ئەو ناوچانە ئازادبكرێنەوە كە لەژێر دەستی تیرۆرستانی داعش بوو”.

    بەو بۆنەوە ناوبراو “پیرۆزبایی لەخەڵكی كوردستان‌و كەسوكاری شەهیدە نەمرەكان‌و پێشمەرگە قارەمانەكان” كردووەو راشیگەیاندووە “پێویستە دوژمنان باش بزانن نزیكببنەوە لەكەركوك گڕی بەتینی باباگوڕگوڕ دەیانسووتێنێ، چونكە كەركوك پاروویەكی ئاسان نییە بۆ قوڕگی دوژمنان‌و دەیانخنكێنێت، پاراستنی بست بەبستی خاكی پیرۆزی كوردستان بەئەركی خۆمان دەزانین، كوردستان جێگەی تیرۆرستان‌و شەمشەمەكوێرەكانی تێدا نابێتەوە”.

    شەوی هەینی رابردوو چەكدارانی داعش لەباشووری شاری كەركوكەوە هێرشان كردە سەر هێزەكانی پێشمەرگە، بەڵام پاش چەند رۆژێك شەڕكردن هێرشەكانی داعش تێكشكێنرا.

    دەقی راگەیەنراوەكە:

    پەیامێك لە كۆسرەت رەسول عەلی-یەوە لە بارەی سەركەوتنەكانی هێزی پێشمەرگەو تێكشاندنی تیرۆرستان

    بەناوی خوای گەورەو میهرەبان

    بەڕێز/ جەنابی سەرۆكی هەرێمی كوردستان- كاك مەسعود بارزانی
    جەماوەری خۆڕاگری كوردستان

    سڵاوێكی گەرم…
    پێم خۆشە مژدەی سەركەوتنی هێزی پێشمەرگەی كوردستانتان پێ رابگەیەنم كە لە ماوەی دوو رۆژی رابردوو دژی تیرۆرستانی داعش ئەنجاممان دا و بە خوێنی گەشی چەندەها فەرماندەو پێشمەرگەی قارەمان ئەم سەركەوتنە تۆماركرا، لەوانە:
    1- لیوا حسێن مەنسور- فەرماندەی هێزی پشتیوانی دوو
    2- عەمید شێركۆ فاتیح- فەرماندەی لیوای یەك
    3- عەقید نەریمان دۆشكە- فەرماندەی فەوج لە لیوای 3ی تایبەتی جێگری سەرۆكی هەرێم
    4- عەقید شێرزاد زەنگەنە- جێگری لیوای 134ی هێزەكانی 70
    هەر لەم نەبەردییەدا بە بەشداری و هەوڵ و ماندووبوون و تێكۆشانی چەندین فەرماندەی قارەمانی تر و پێشمەرگە گیان لەسەر دەستەكان توانرا سەرجەم ئەو ناوچانە ئازاد بكرێنەوە كە لە ژێر دەستی تیرۆرستانی داعش بوو.
    بەم بۆنەیەوە لە دڵەوە پیرۆزبایی لە خەڵكی كوردستا و كەسوكاری شەهیدە نەمرەكان و پێشمەرگە قارەمانەكان دەكەم و لێرەوە رایدەگەیەنین كە پێویستە دوژمنان باش بزانن نزیك ببنەوە لە كەركووك گڕی بە تینی باباگوڕگوڕ دەیانسووتێنێ، چونكە كەركووك پاروویەكی ئاسان نییە بۆ قوڕگی دوژمنان و دەیانخنكێنێ، پاراستنی بست بە بستی خاكی پیرۆزی كوردستان بە ئەركی خۆمان دەزانین، كوردستان جێگای تیرۆرستان و شەمشەمەكوێرەكانی تێدا نابێتەوە.

    بژی كورد و كوردستان
    نەمری و سەربەرزی بۆ شەهیدان
    رووڕەشی و نەمان بۆ تیرۆرستان

    كۆسرەت رەسول عەلی
    جێگری سەرۆكی هەرێمی كوردستان

    هــ . ح

  3. Rojpress
    31 كانونی دووه‌م 2015 له‌ 21:56

    بەپەلە.. گوندی مەلاعەبدوڵا بەخوێنی فەرماندەی پێشمەرگە لیوا حسێن مەنسور ئازاد كرا

    هێزی پێشمەرگەی كوردستان بەرەبەیانی ئەمرۆ هێرشێكی بەربڵاویان بۆ ئازادكردنی گوندی مەلا عەبدوڵا دەستپێكرد‌و توانیان گوندی مەلا عەبدوڵا و چەند گوندێكی ئەو ناوچەیە ئازاد بكەن‌و بەدەیان داعش بكوژن بەرامبەر ئەوەش فەرماندەی هێزی پیشمەرگە لیوا حسێن مەنسور شەهید بوو.

    سەرچاوەیەكی ئاگادار لە هێزی پێشمەرگەی كوردستانەوە بە سپی میدیای راگەیاند كە بە مەبەستی ئازادكردنی گوندی مەلا عەبدوڵا كە دوێنێ 30 مانگ كەوتبووە دەست هێزەكانی داعش، پێشمەرگە دەستی بە پێشڕەوی كرد‌و گوندی مەلا عەبدوڵا و چەند گوندێكی ناوچەكەیان ئازاد كرد.

    سەرچاوەكەی هێزی پێشمەرگە ئاماژەی بەوە كرد كە لەو هێرشەدا بەدەیان چەكداری داعش كوژراو برینداربوون، بەڵام لەئازاد كردنی ئەو ناوچانەدا پێشمەرگەی فەرماندە لیوا حسێن مەنسور‌و چەند پێشمەرگەیەكی دیكە شەهید بوون.

    لیوا حسێن مەنسور ، فەرماندەی هێزەکانی پشتیوانی دوو لەهێزی پێشمەرگەی كوردستان، هەروەها بەرپرسی هێزەكانی پێشمەرگە بوو لە ئازاد كردنی جەلەولا‌و سەعیدیەدا.

    http://www.speemedia.com/dreja.aspx?=hewal&jmare=15793&Jor=1

    لە ١٣ پێشمەرگەی گەمارۆدراو ١١ یان بەسەرکەوتووی گەڕانەوە ناوچە ئازادکراوەکان

    لە هێرشەکەی دوێنێ داعش بۆ سەر رۆژئاواو باشوری رۆژئاوای کەرکوک بە دیاریکراوی لە گوندی مەلا عەبدوڵا ١٣ پێشمەرگە جێمابوون و نەکەوتبوونە دەست داعش، ئەمرۆ ئەو پێشمەرگانە ١١یان توانیان بگەرێنەوە ناوچە ئازادکراوەکان.

    سەرچاوەیەکە لە هێزی پێشمەرگەی کوردستان بە سپی میدیای راگەیاند کە دوێنێ ٣٠-١ لە هێرشەکەی داعشدا بۆسەر سەنگەرەکانی پێشمەرگە لە کەرکوک لە گوندی مەلا عەبدوڵا ١٣ پێشمەرگە بەجێمابوون و خۆیان نەدەباوو بەدەستەوەو لەشوێنێک خۆیان حەشاردابوو، دوێنێ لەبەر ئەو پرسە پێشمەرگە نەخۆیان و نە فرۆکە هاوپەیمانەکانیش بۆردومانی ئەو ناوچەیەیان نەکرد نەوەکو ئەو پێشمەرگانە شەهید بن.

    بەپێی زانیارییەکانی سپی، ئەو پێشمەرگانە لە رێگای تەلەفونەوە لە هەماهەنگییەکی بەردوامدا بووب لەگەڵ بەرپرسەکانیان بۆ ئەوەی ڕزگار ببن.

    سەرچاوەکەی سپی ئاشکرایکرد فرۆکەکانی هاوپەیمانان بەدوور لە جێگای ئەو پێشمەرگانە بەتووندی بۆردوومان داعشیان لە گوندی مەلا عەبدوڵا کردووەو لەئەنجامدا پشێویەکی زۆر لە نێو ریزەکانی داعشدا دروستبووە، ئەمەش هەلێکی باشی بۆ ئەو پێشمەرگانە دروستکردووە کە بەگڕێنەوە ناوچەکانی ژێر دەسەڵاتی پێشمەرگە، بەڵام دووانیان لێ شەهید بووە.

    بەپێی ئەو زانیاریانە تا ئێستا نازانرێت ئەو دوو شەهیدە دوێنێ لەکاتی هێرشەکەی داعشدا شەهیدبوون، یان لەکاتی گەڕانەوەیاندا بۆ ناو پێشمەرگە لە ڕێگا تووشی شەڕبوون

  4. Rojpress
    31 كانونی دووه‌م 2015 له‌ 21:57

    ئەو مەلایەی داعش کەهەڕەشەی لەهەولێرو کەرکوک دەکرد بەدەستی پێشمەرگە کوژرا

    مەلایەکی هەولێری کە لەنێو داعشدایە دوێنی لەدوو گرتەی ڤیدیۆییدا هەڕەشەی داگیرکردنی هەولێرو سلێمانی دەکرد، لەلایەن هێزی پێشمەرگەوە کوژرا.

    سەرچاوەیەک لە هێزی پێشمەرگەی کوردستانەوە لە دەڤەری کەرکوک بە سپی میدیای راگەیاند “دوێنێ ٣١-١ ئەو مەلایە کە ناوی شوانەو وتاربێژبووە لە مزگەوتێکی هەولێر لەشەڕی رۆژئاوایی باشوری کەرکوکدا بەدەستی پێشمەرگە کوژرا”.

    لە لایەکی ترەوە ئەنوەری حاجی عوسمان، بریکاری وەزارەتی پێشمەرگەی حکومەتی هەرێمی کوردستان بە تۆڕی میدیایی رووداوی رایگەیاندووە کە مەلا شوان، لە شەڕی دوێنی پێشمەرگەدا کوژراوە.

    مەلا شوان دوێنێ لەدوو گرتەی ڤیدیۆیی دا کە لە تۆڕی کۆمەڵایەتی فەیسبووک بڵاوکرایەوەو دواتریش سپی میدیا بڵاویکردەوە هەرەشەی گرتنی هەر دوو شاری کەرکوک و هەولێری دەکرد.

  5. Rojpress
    31 كانونی دووه‌م 2015 له‌ 21:57

    د.یوسف محەممەد سادق سەرۆكی پەرلەمانی كوردستان

    رووداو-هەولێر

    سەرۆكی پەرلەمانی كوردستان پیرۆزبایی سەركەوتنی هێزی پێشمەرگەی كوردستان و كۆنترۆڵكردنەوەی تەواوی ناوچەكانی كەركووك دەكات.

    د.یوسف محەممەد سادق سەرۆكی پەرلەمانی كوردستان پەیامێكی بە بۆنەی سەركەوتنەكانی هێزی پێشمەرگەی كوردستان بڵاوكردەوەو تێیدا دەڵێ‌:” تیرۆریستانی داعش ویستیان خەونی گڵاوی خۆیان بە داگیرکردنی شاری کەرکووک تاقیبکەنەوە، بەڵام ئازایەتی و نەبەردییەکانی هێزی پێشمەرگەی کوردستان و خەڵکی خۆڕاگری کەرکووک ئەو خەونە تاریکەیانی بەتاڵکردەوە”.

    د. یوسف محەممەد سادق ئاماژە بە شەهیدبوونی عەمید شێرکۆ شوانی و لیوا حوسێن مەنسور دەكات و دەڵێ‌:” شەهیدبوونی ئەم دوو فەرماندەیە و چەندین بەرپرس و فەرماندەی تری هێزی پێشمەرگە، ئاماژەی گەڕانەوەی گیانی بەرزو بەرپرسیارانەی پێشمەرگانەیە کە هەمیشە بەرپرس و فەرماندەی پێشمەرگە وا گۆشکراون دەبێت لە پێشەوەی بەرگریکردن بن”.

    دەقی پەیامەكە

    چەند رۆژێکە تیرۆریستانی داعش، دوای خۆ ئامادەکردن و بەرنامەرێژی، پەلامارێکی بەرفراوانیان کردە سەر سەنگەرەکانی هێزی پێشمەرگەی کوردستان لەناوچەکانی کەرکوک، لەم هێرشانەدا دەیانوویست خەونی گڵاوی خۆیان بە داگیرکردنی شاری کەرکوک تاقی بکەنەوە. بەڵام ئازایەتی و نەبەردییەکانی هێزی پێشمەرگەی کوردستان و خەڵکی خۆڕاگری کەرکوک ئەو خەونە تاریکەیانی بەتاڵ کردەوە. بەڵام بەداخەوە سەرکەوتنەکانی هێزی پێشمەرگەی کوردستان بە خوێنی پۆلێک پێشمەرگەو فەرماندەی قارەمان تۆمارکرا، بەتایبەتیش هەردوو فەرماندە(عەمید شێرکۆ شوانی و لیوا حسێن مەنسور) کە هەر لە سەرەتای پەلامارەکانی تیرۆریستانی داعشەوە، ئەم دوو فەرماندەیە سەنگەرەکانی پێشەوەیان چۆڵ نەکردو دەیان نەبەردی و سەرکەوتنی گەورەیان بۆ مێژووی پێشمەرگە و گەلەکەمان تۆمار کرد.

    شەهیدبوونی ئەم دوو فەرماندەیە و چەندین بەرپرس و فەرماندەی تری هێزی پێشمەرگە، ئاماژەی گەڕانەوەی گیانی بەرزو بەرپرسیارانەی پێشمەرگانەیە کە هەمیشە بەرپرس و فەرماندەی پێشمەرگە وا گۆشکراون دەبێت لە پێشەوەی بەرگریکردن بن.

    لە کاتێکدا بەناوی پەرلەمانی کوردستانەوە، پیرۆزبایی سەرکەوتنی هێزی پێشمەرگەی کوردستان، لەشکست پێهێنانی پلانی گرووپی تیرۆرستی داعش دەکەین، پرسەو سەرەخۆشی خۆشمان ئاڕاستەی یەکە یەکەی خێزان و بنەماڵەی پێشمەرگە شەهیدەکان دەکەین و هیوای زوو چاکبوونەوە بۆ پێشمەرگە بریندارەکانی ئەم نەبەردییەش دەخوازین. نەمری بۆ شەهیدان، سەرکەوتن بۆ هێزی پێشمەرگەی کوردستان. د. یوسف محەمەد سادق سەرۆکی پەرلەمانی کوردستان. ٣١/١/٢٠١٥

  1. No trackbacks yet.

وەڵامێک بنووسە

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s

%d هاوشێوەی ئەم بلۆگەرانە: