ماڵه‌وه‌ > NNSROJ > زیاتر لە ٥٠ پێشمەرگە لای داعش بەدیل گیراون

زیاتر لە ٥٠ پێشمەرگە لای داعش بەدیل گیراون

داعش بانگەشەی ئەوە دەکات کە هەژمارێک پێشمەرگەی کوردی لە شەڕەکانی دوو ڕۆژی ڕابردووی باشووری کەرکووکدا بە دیل گرتووە. ئەگەرچی تا ئێستا وەزارەتی پێشمەرگە و بەرپرسانی هەرێمی کوردستان، زانیارییەکی فەرمیان لەمبارەوە ڕانەگەیاندووە بەڵام بە پێی ئەو وێنانە کە داعش لە تۆڕەکۆمەڵایەتییەکاندا بڵاوی کردوونەتەوە، شیمانە دەکرێ ١٠ تا ١٥ پێشمەرگە لەم ڕۆژانەی دواییدا بە دیل گیرابن.

دەگوترێ کە لە ماوەی نزیک بە شەش مانگی ڕابردوودا، ٣٩ پێشمەرگەی تر لە لایەن ئەو گرووپەوە بە دیل گیراون و بەم شێوە کۆی گشتی پێشمەرگە دیلەکانی دەستی داعش لە ٥٠ کەس تێپەڕیوە. بەدواداچوونێکی ئێن‌ئێن‌ئێس‌رۆژ دەریدەخات کە لە یەک مانگی ڕابردوودا، هەریکەم ٧ پێشمەرگەی بەدیلگیراو، لە شنگال، مووسڵ[هوجام سوورچی وەک نموونە]، باشووری کەرکووک و باکووری دیالە، گیانیان لێ ئەستێندراوە.

ناوەندی نووچە و شرۆڤەی ڕۆژ کۆمەڵێک وێنە و ڤیدیۆی پێوەندیداری دەست کەوتووە بەڵام خۆ لە بڵاوکردنەوەیان دەپارێزێ.

Advertisements
:هاوپۆله‌کانNNSROJ
  1. Rojpress
    1 شوبات 2015 له‌ 15:45

    وەزارەتی پێشمەرگە ژمارەی پێشمەرگە دیلەكانی لای داعش ئاشكرادەكات
    لەلایەن رووداو 1 کاژێر لەمەوبەر
    هەڵگورد حیکمەت
    هەڵگورد حیکمەت
    غازی حارس و ئاسۆ سەراوی
    رووداو- كەركووك

    بەرپرسێكی وەزارەتی پێشمەرگە رایدەگەیێنێت، پێش ئەو شەڕەی كە لە بەرەبەیانی رۆژی هەینی 30 كانوونی دووەم دەستیپێكرد، 39 پێشمەرگە بە دیلی كەوتوونەتە لای داعش، ئەوە لەكاتێكدایە كە باس لەوە دەكرێت لەماوەی شەڕی دوو رۆژی رابردوو لە میحوەرەكانی باشووری كەركووك 13 بۆ 15 پێشمەرگە بەدیلی كەوتبێتنە دەست داعش.

    دایكی پێشمەرگەیەك كە لە شەڕی مەلا عەبدوڵڵا لەلایەن چەكدارانی داعشەوە بەدیل گیراوە، بە (تۆڕی میدیایی رووداو)ی راگەیاند، كە داعش پێی گوتوون كوڕەكەتان ئازاد ناكرێت، چونكە دیل بە دیل دەگۆڕنەوە. وەزارەتی پێشمەرگەش دەڵێت داعش بڕوای بە دیل گۆڕینەوە نییە، تاوەكو ئەوان دیل بەدیلی لەگەڵ بكەن.

    ئاسۆ تاریق رەفیق، یەكێك لە پێشمەرگەكانی لیوای 1ی هێزی پێشمەرگە لە مەكتەب خالید، دوای ئەوەی لە هێرشەكەی شەوی هەینی لە قۆڵێكییەوە بریندار دەبێت، خۆی و چەند پێشمەرگەیەكی دیكە دەكەونە دەست داعش و بەدیل دەگیرێن. بێگەرد رەفیق، دایكی ئەو پێشمەرگەیە، كە دانیشتووی كەركووكە بە (تۆڕی میدیایی رووداو)ی راگەیاند، ئەوان لە رێگای سەرۆكهۆزێكی عەرەب، كە براكەی لە حەویجەیە لەهەوڵی ئەوەدان بە هەرجۆرێك بێت، داعش كوڕەكەیان ئازاد بكات.

    دایكی ئاسۆ گوتیشی: “شەوی شەڕەكە تەلەفۆنمان بۆ كوڕەكەمان كرد، بەڵام دوای ئەوەی برینداربووبوو، بەر لەوەی بكەوێتە دەست داعش مۆبایلەكەی خۆی فڕێدابوو و دوێنێ چووین مۆبایلەكەمان هێنایەوە”.

    سەبارەت بە هەوڵەكانیان بۆ سۆراخی كوڕەكەیان، دایكی ئاسۆ، دەڵێت “شەوی رابردوو لە رێگای ئینتەرنێتەوە، قسەمان لەگەڵ چەكدارانی داعش كردووە و داوای ئازادكردنی كوڕەكەمان لێكردوون، ئەوانیش لە وەڵامدا پێیانگوتین، دیل تەنیا بەدیل دەگۆڕینەوە”.

    دایكی ئەو پێشمەرگەیە دەڵێت “داعشەكان پرسیاری ئەوەشیان لێكردین كوڕەكەتان سەر بە چ حیزبێكە”.

    لەبەرامبەردا بەڕێوەبەری راگەیاندن و هۆشیاریی وەزارەتی پێشمەرگە ئاماژە بەوە دەكات كە داعش بڕوای بە دیل گۆڕینەوە نییە، تا ئەوان دیل بەدیلی لەگەڵ بكەن.

    هەڵگورد حیكمەت، بەڕێوەبەری راگەیاندن و هۆشیاریی وەزارەتی پێشمەرگە بە (تۆڕی میدیایی رووداو)ی راگەیاند، كە تائێستا ئەوان پڕۆسەی گۆڕینەوەی دیل بە دیلیان لەگەڵ داعش نەكردووە، چونكە “ئەوان بڕوایان بەگۆڕینەوەی دیل نییە”.

    ئەو ئاشكراشی دەكات پێش ئەم شەڕەی چەند رۆژی رابردوو ژمارەی پێشمەرگە دیلەكانی لای داعش 39 پێشمەرگە بوون.

    ئەوە لەكاتێكدایە كە باس لەوە دەكرێت لەماوەی شەڕی دوو رۆژی رابردووی پێشمەرگەو داعش لە میحوەرەكانی باشووری كەركووك 13 بۆ 15 پێشمەرگە بەدیلی كەوتبێتنە دەست داعش.

    هاوكات بەپێی ئەو زانیارییانەی لە چەند سەرچاوەیەكی پێشمەرگەوە بە رووداو گەیشتووە هەر لەمیانی ئەو دوو رۆژەی شەڕدا لەو میحوەرە 32 چەكداری داعش لەلایەن هێزەكانی پێشمەرگەوە دەستگیركراون.

    http://rudaw.net/sorani/kurdistan/0102201515

  1. No trackbacks yet.

وەڵامێک بنووسە

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s

%d هاوشێوەی ئەم بلۆگەرانە: