ماڵه‌وه‌ > NNSROJ > بۆ یەکەم جار؛ هەڵبژاردنی شارەدارییەکان لە کانتۆنی جزیرێ بەڕێوە دەچێت

بۆ یەکەم جار؛ هەڵبژاردنی شارەدارییەکان لە کانتۆنی جزیرێ بەڕێوە دەچێت

NNSROJ: بڕیارە یەکەم هەڵبژاردنی ئەنجوومەنی شارەدارییەکان لە کانتۆنی جزیرێی ڕۆژئاوای کوردستان بەڕێوە بچێ.

ئەمڕۆ یەکشەممە ١ی فێبرواری، دەستەی باڵای هەڵبژاردنی کانتۆنی جزیرێ لە شاری عاموودێی ڕۆژئاوای کوردستان ڕایگەیاند کە یەکەم هەڵبژاردنی ئەنجوومەنی شارەوانییەکان، لە ڕۆژی ١٣ی مارسی ئەمساڵدا لە کانتۆنی جزیرێ بەڕێوە دەبەن.

دەستەی هەڵبژاردنی جزیرێ ڕاشیگەیاند کە بڕیارەکە پاش ڕاوێژ و ڕێککەوتن لەگەڵ مەجلیسی بەڕێوەبەریی کانتۆنەکە دراوە و ئەوان بە مەبەستی دڵنیابوون لە شەفاف و ڕاست و دروستبوونی پڕۆسەی هەڵبژاردن، گەلێک کەسایەی و ناوەندی بیانی بانگهێشت دەکەن تا چاودێری پڕۆسەکە بکەن.

تا ئێستا شەرت و مەرجی بەشداریکردنی حیزب و لایەنە سیاسییەکان لەم هەڵبژاردنەدا دیاری نەکراوە بەڵام بە گوێرەی هاوارنیوز، دەستەی باڵای هەڵبژاردنی کانتۆنی جزیرێ ڕایگەیاندووە کە بە زووترین کات، زانیاریی پێویست لەمبارەوە بڵاودەکاتەوە.

کانتۆنی جزیرێ ١٤ شارەداری هەیە و ١٢٢ ناوەندی دەنگدان بۆ هەڵبژاردنی پێشەڕوو دیاری کراون.

هەڵبژاردنی ئەنجوومەنی شارەدارییەکان لە جزیرێ، وەک یەکەم هەڵبژاردن لە پاش ڕزگاربوونی ڕۆژئاوای کوردستان دێتە ئەژمار.

ساڵێک لەمەوبەر، سێ کانتۆنی جزیرێ، عەفرین و کۆبانێ لە ڕۆژئاوای کوردستان دامەزران و دەستەی ڕێوەبەریی سێ کانتۆنی ئاماژەپێکراو، بەڵێنیان دابوو کە بە زووترین هەڵبژاردن بەڕێوە ببەن. گەمارۆدرانی عەفرین، هێرشی داعش بۆ سەر کۆبانێ و کارەساتی شنگال کە داوێنی ڕۆژئاوای کوردستانیشی گرتەوە، هەڵبژاردنە چاوەڕوانکراوەکەی دواخست.

ئامادەکاری ئەنجامی هەڵبژاردنی ئاماژەپێکراو لەکاتێکدا بەڕێوە دەچێ کە تەڤدەم و ئەنەکەسە، دوو لایەنی سەرەکیی ڕۆژئاوای کوردستان، گەیشتوونەتە ڕێککەوتن و بە دامەزراندنی کۆمیتەیەکی هاوبەش، هەوڵ دەدەن کۆتایی بە کێشەکانیان بهێنن و ڕۆژئاوای کوردستان بە شێوەیەکی هاوبەش و دێمۆکراتیک ئیدارە بکەن.[زانیاری زیاتر]
م.م.

Advertisements
:هاوپۆله‌کانNNSROJ
  1. Rojpress
    1 شوبات 2015 له‌ 19:14

    Ji Desteya Bilind daxuyaniya hilbijartinên meclîsên şaredariyên gel
    01.02.2015 13:44 Nûçe
    AMÛDÊ – Desteya Bilind a Hilbijartinan bi civîneke çapemeniyê 13’ê adara 2015’an wekî dema hilbijartinên meclîsên şaredariyên herêma Cizîrê diyar kir.

    Desteya Bilind a Hilbijartinan a Herêma Cizîrê ji bo diyarkirina dema hilbijartinên meclîsên şaredariyên gel ên herêmê û mercên ku ji bo hilbijêr û namzetan danîne, îro li navenda Meclîsa Rêveber a li bajarê Amûdê civîneke çapemeniyê li dar xist. Di civînê de gelek rojnamevan û nûnerên dezgehên çapemeniyê amade bûn û ji aliyê Hevseroka Desteyê Gulnaz Salih, Şêwirmendê Yasayî yê desteyê Mihemed Şêxo û Serokê Desteya Şaredarî û Rêveberiyên Herêmî Ebdulmesîh Coxo hat birêvebirin.

    Civîn saet di 12.00’an de bi rêzgirtinê dest pê kir. Piştre Gulnaz Salih axivî û makanîzmeya xebatên hilbijartinan ku ji bo wê gelek xebat hatine meşandin diyar kir. Gulnaz Salih got ku piştî lihevkirina bi Serokatiya Meclîsa Rêveber a herêmê re wan roja 13’ê adara 2015’an wekî roja hilbijartinên meclîsên şaredariyan diyar kiriye.

    Gulnaz bal kişand ser mercên hilbijartinan wekî (mercên ji bo hilbijêr, namzet), her wiha dema pêşkêşkirina daxwaznameyan, dema hilbijartinan ku wan amade kiriye û got ku wê di riya dezgehên çapemeniyê ji raya giştî re ragihînin û wê lîsteyan jî bi vê yekê belav bikin. Gulnaz da zanîn ku wê hilbijartinan bi awayekî eşkere bi ber çav lidar bixin û ji bo vê yekê jî wê nûneriyên Rêveberiya Xweseriya Demokratîk li ser van xebatan amade bin û got: “Ji bo bêhtir em karibin hilbijartinên rastî û zelal ku nûnertiya daxwazên her kesî bikin, lidar bixin me gelek kes û rêxistinên pispor di ware hilbijartinan ên derve vexwendine da ku çavdêriyê bikin.”

    Gulnaz Salih da xuyakirin ku li herêma Cizîrê 14 şaredarî hene û wan ji bo hilbijartinan 122 navendên dengdayînê amade kirine, di heman demê de navendên şaredariyan wekî navendên hilbijartinan tên bikaranîn.

    Piştre Şêwirmendê Yasayî Mihemed Şêxo diyar kir ku li gorî mercên hilbijartinan, tenê ji mafên welatiyên resen ên herêma Cizîrê dengê xwe wekî hilbijêr bikar bînin û got ku ew hewl bidin ku bi hemû derfetên xwe hilbijartinên zelal lidar bixin da ku nûnertiya xwestekên welatiyan bikin.

    Piştre Serokê Desteya Şaredariyan û Rêveberiyên Herêmî Ebdulmesîh Coxo destnîşan kir ku lidarxistina hilbijartinan gav û serkeftineke pir mezin ji bo Rêveberiya Xweser û da zanîn ku îro ev hilbijartin bi saya parastvanên herêmên (şervanên Yekîneyên Parastina Gel) pêk tên.

    Di dawiya civînê de pirsên rojnamevanan hatin bersivandin.

    (ekîp/jh)

    ANHA

  1. No trackbacks yet.

وەڵامێک بنووسە

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s

%d هاوشێوەی ئەم بلۆگەرانە: