ماڵه‌وه‌ > NNSROJ > دێموکراتەکان داوا لە خەڵک دەکەن نەورۆز بە حەماسەتەوە پیرۆز بکەن

دێموکراتەکان داوا لە خەڵک دەکەن نەورۆز بە حەماسەتەوە پیرۆز بکەن

NNSROJ: کۆمیسیۆنی تەشکیلاتی حیزبی دێموکراتی کوردستان بە بڵاوکردنەوەی بەیاننامەیەکی نووسراو، نەورۆزی وەک “مەیدانێکی گرینگی خەبات” و دەرفەت بۆ نیشاندانی “وشیاری و زیندویی” پێناسە کردووە و لەم سۆنگەوە داوای لە خەڵکی ڕۆژهەڵاتی کوردستان کردووە کە “بە شکۆیەکی تەواو و بە گیانێکی نەتەوەیی و حەماسی” پێشوازی لە نەورۆز بکەن.

کۆمیسیۆنی تەشکیلاتی حیزبی دێموکراتی کوردستانی ئێرانیش لە بانگەوازێکدا وێڕای پیرۆزباییکردنی نەورۆز، ئاگری نەورۆزی وەک هێمای “بڵێسەی ئاگری سەرکەشی خەبات تا گەیشتن بە مافە ڕەواکانی نەتەوەی کورد” لەقەڵەم داوە و داوای کردووە کە خەڵک گوێ بە “چەواشەکارییەکانی نەیارانی کوردستان بۆ پێشگرتن لە بەڕێوەچوونی ڕێووڕەسمەکانی تایبەت بە نەورۆز” نەدات و ئاگری نەورۆز لە سەرتاسەری کوردستان هەڵبکەن.

جگە لە دوو لایەنی دێموکرات، “عەبدوڵا موهتەدی”، سکرتێری کۆمەڵەی شۆڕشگێڕی زەحمەتکێشانی کوردستانی ئێرانیش پەیامێکی لەمبارەوە بڵاوکردۆتەوە و تێیدا باسی لەوە کردووە کە پیرۆزکردنی جەژنی نەورۆز لە ڕۆژهەڵاتی کوردستان دەربڕی ئەو پەیامەشە کە “ئێمە هەین و ماوین، نەتۆقاوین، نەفەوتاوین، دانەپڵۆساوین، دانەوەشاوین، گەشە و نەشەمان لێ نەبراوە، شادی و هیوامان لەدڵدا ماوە، کۆڵمان نەداوە.” بە گوتەی موهتەدی “نەورۆز ئاوێنەی باڵانوێنی رۆحی نەتەوەییە” هەر بۆیە ناوبراو پێشنیار دەکات کە ئەو دەرفەتە لەکیس نەدرێ و پیرۆز بکرێ.
م.م.

Advertisements
:هاوپۆله‌کانNNSROJ
  1. Rojpress
    14 ئازار 2015 له‌ 22:35

    Abdullah Mohtadi (عبدالله مهتدی)
    March 10 at 9:58pm ·
    بەرەو نەورۆزیکی گەرم و گور لە کوردستانی رۆژهەڵات
    نەورۆزی ئێمە تەنیا جەژنی سەری ساڵی نوێ و بووژانەوەی سروشت نییە، کە ئەمانەش هەرتکیان جێگەی رێز و شادین. تەنیا بەرێ کردنی سارد و سەرمای زستان و لە ئامێز گرتنی عەتری بەهار نییە، تەنیا ستایشی پشکووتن و رێز گرتن لە بەرخۆدانی چڵە گیای کەسیرە نییە، کە ئەمانە هەموو هەستی رەسەنی مرۆڤانەی خۆشەویستی ژیان و چێژ بردن لە جوانین. بۆ ئێمە، ئێمەی کورد، بەتایبەت ئێمەی کوردی رۆژهەڵات، گرتنی نەورۆز دەربرینی هاواری بەتێکراییشمانە کە: ئێمە هەین و ماوین، نەتۆقاوین، نەفەوتاوین، دانەپڵۆساوین، دانەوەشاوین، گەشە و نەشەمان لێ نەبراوە، شادی و هیوامان لەدڵدا ماوە، کۆڵمان نەداوە. با هەزاران شەهیدیشمان دابێ بەڵام کۆست کەوتوو نین، با بەخەیاڵی خۆیان لە حەوت ئاسمان ئەستێرەیەکیان پێ نەهێشتبین بەڵام هەر پەل بۆ ئاسمانی حەوتەم دەکوتین، با دڵمان کەیلی هەناسە بێ بەڵام کەس ناتوانێ ئاگری نەورۆزمان پێ بکووژێنێتەوە. نەورۆز ئاوێنەی باڵانوێنی رۆحی نەتەوەییمانە. لەکیسی نەدەین، بیگرین.

  2. Rojpress
    14 ئازار 2015 له‌ 22:36

    انگەوازی کۆمیسیۆنی تەشکیلات بۆ خەڵکی کوردستان بەمەبەستی هەڵکردنی ئاگری نەورۆز
    زایینی: 2015-03-14 – هەتاوی: 1393/12/23 – تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
    بانگەوازی کۆمیسیۆنی تەشکیلات بۆ خەڵکی کوردستان بەمەبەستی هەڵکردنی ئاگری نەورۆز
    کوردستان میدیا: بە نزیک بوونەوەی جێژنی نەورۆز و بڵاوکردنەوەی درۆ و چەواشەکارییەکانی نەیارانی کوردستان، بۆ پێشگرتن لەبەڕێوەچوونی رێوڕەسمەکانی تایبەت بە نەورۆز و هەڵکردنی ئاگری نەورۆز، کۆمیسیۆنی تەشکیلاتی حیزبی دێموکراتی کوردستانی ئێران وێڕای پیرۆزبایی جێژنی نەورۆز، داوای لە سەرجەم خەڵکی کوردستان دەکات کە ئاگری پیرۆزی نەورۆز لە سەرتاسەری کوردستان هەڵبکەن.

    دەقی پەیامی کۆمیسیۆنی تەشکیلاتی حیزبی دێموکراتی کوردستانی ئێران بەم چەشنەیە:

    http://www.kurdistanmedia.com/sorani/dreje/18291

  3. Rojpress
    14 ئازار 2015 له‌ 22:36

    بانگەواز : بەرەو نەورۆزێکی حەماسی و نەتەوەیی

    2015-03-09 08:18:09

    خەڵکی ئازادیخوازی کوردستان!

    هەڵگرانی مەشخەڵی نەورۆزی ڕزگاری‌و نوێبوونەوە!

    نەورۆز، جەژنی لە مێژینەی کورد‌و نەتەوەکانی دیکەی ئەم ناوچەیە، بەڕێوەیە. نەورۆزی کورد و کوردستان، هەر جەژنی پێشوازی لە بەهار و ژیانەوەی سروشت نیە. هەر بۆنەیەک نیە بۆ خۆڕازاندنەوە‌و خۆشی نواندنی تاکەکان. نزیکەی سەدەیەکە نەورۆزی کوردستان، هەڵگری بەیداخی ڕاپەڕین‌و جاڕدەری هەستانەوە‌و بەگژداچوونەوەی بندەستی، زۆرداری‌و دیکتاتۆرییە. نەورۆزی کوردستان، مەشخەڵی دەستی لاوانی نەتەوەیەکی وڵات بەش کراو‌و داگیرکراو، لاوکی ڕزگاریخوازیی تیکۆشەرانی دیل‌و بەندی، ئاڵای شەکاوەی دەستی کچان‌و کوڕانی ڕاپەڕیو، هونراوە‌و حەیرانی نێشتمانیی وێژەوانان‌و هونەرمەندانە. گڕ‌و بڵێسەی تاریکی ڕەتێن‌و گەرما‌و تینی سەرمابەزێنە. گیان دەنێتەوە بەر جەستەی ئەویندارانی ژیان‌و، ورە‌و وزە بەسەر پێشمەرگەکانی کوردستان‌دا دەبەشێتەوە.
    نەورۆز، لای ئێمە سروودە ، بانگەوازە، بەستەیە، فەلسەفەیە. سرووشێکە لە خواوەندی ژیان‌و جوانی‌و ئاشتی‌و ئازادی‌و ئاوەدانی بۆ تینوان‌و خوازیارانی بە سەربەستی‌و بەسەربەرزیی ژیان. نەورۆزی ئێمە، ئەو کانگەیەی ڕووناکی‌و تەبایی‌و ئاشتەوایی‌یەیە کە پیرو لاو‌و، ژن‌و پیاو‌و، گوندی‌و شاری، ورد‌و درشت، لە دەوری ئاگری پیرۆزی خۆ کۆ دەکاتەوە‌و سروودی ڕزگارییان پێدەچڕێ.
    ئەمساڵ، لە هەلومەرجێک دا بەرەو نەورۆز دەچین کە نەتەوەکەمان لە دوو بەشی باشوور و خۆراوای نیشتمانەکەی، لە گەڵ تیرۆریستا نی‌ پارێزەری جەهل‌و تاریکی لە شەڕ دایە. لە ڕۆژهەڵاتی کوردستانیش، خێڵی شەڕ‌و بەدی‌و ستەم‌‌و تاریکی، دەسەڵاتداران‌و کاربەدەستانی کۆماری ئیسلامی، لە مانگێک زووترەوە، کەوتوونە هەڕەشەکردن‌و گوشارهێنان بۆ سەر مەشخەڵدارانی نەورۆز. لە سەر پێشەنگان‌و هەڵسووڕاوانی بەڕێوەبەر‌ی ڕێوڕەسمە نەورۆزییەکانیان کردوە نەچنە پێشوازی نەورۆز. پێکهێنانی کۆبوونەوەو متینگی نەورۆزییان لە خەڵک قەدەغە کردوە‌و ێییان ڕاگەیاندوون تەنیا لە ژێر چەتری دامودەزگاکانی ئەو ڕێژیمە‌و لە تەنیشت پوستێری ڕێبەرانی کۆماری ئیسلامیدا، دەتوانن مەراسمی نەورۆزی پێک بێنن. لە لایەکی دیکەوە، نەیارانی ڕەنگاوڕەنگی پەیامی ڕزگاریی نەورۆز،هەم ئەوانەی دەست‌و پیوەندی دەزگای جاسووسی‌و سەرکوتی کۆماری ئیسلامین، هەم ئەوانە کە لە گەڵ تیرۆریستانی داعش‌دا لە یەک سەرچاوە ئاو دەخۆنەوە،بە دەنگۆی جۆراوجۆر، هەوڵ دەدەن ترس‌و دڵەڕاوکێ لە نێو خەڵک‌دا بڵاو بکەنەوە بۆ ئەوەی بە گیانێکی نەتەوەیی‌و حەماسی پێشوازی لە نەورۆز نەکەن.
    ڕۆڵە چاوکراوەکانی نەتەوەی کورد!
    خەڵكی ئازادیخوازی ڕۆژهەڵاتی کوردستان!
    نەورۆز‌و ڕێوڕەسمە نەورۆزییەکان، بۆ نەتەوەی ڕاپەڕیوی کورد، مەیدانێکی گرنگی خەبات و بەربەرەکانین. ئێوە کە سەرەتاییترین مافی ئینسانی‌و نەتەوەییتان کە خوێندن بە زمانی خۆتانە، لێ زەوت کراوە، ئیوە کە ڕۆڵە تێکۆشەرەکانتان پۆل پۆل ڕەوانەی بەندیخانەکان دەکرێن‌و یەک بە دوای یەک دا لە دار دەدرێن، ئێوە کە چارەنووستان‌و کەرامەت‌و ژیانتان، هەر کات‌و ساتێک لە گەڵ دەستدرێژی‌و سووکایەتی‌و هەڕەشەی تاقمێک کاربەدەستی ئینسانکوژ‌و تاڵانچی بەرەوڕوویە، ئێوە کە چووکترین ئاوڕ لە کێشە ئابووری‌و کۆمەلایەتییەکانتان نادرێتەوە‌و، بە شیاوی ژیانێکی ئینسانی نازاندرێن، پیویستە لە سەنگەری نەورۆزدا بمێننەوە. سەنگەری نەورۆز چۆل مەکەن بۆ ئەوەی بەچۆکدانەهاتوویی خۆتان لە بەرامبەر ستەم و دیکتاتۆری‌دا بسەلمێنن. بۆ ئەوەی وشیاری و زیندوێتیی خۆتان پێشان بدەن.
    بە شکۆیەکی تەواوەوە‌و بە گیانێکی نەتەوەیی‌و حەماسی بچوونە پێشوازی نەورۆز. با کۆڕ‌و کۆبوونەوە نەورۆزییەکانتان چەندی مومکینە جەماوەریتر، با ئاڵای کوردستانتان لە نەورۆز‌دا لە هەموو کات شەکاوەتر، با دەنگی سروود‌و گۆرانیی نەتەوەیی‌و نیشتمانیتان، لە هەموو کات بەرزتر و دلیرانەتر بێ.
    حیزبی دیموکراتی کوردستان هیوادار‌و چاوەڕوانە،چوارشەمە‌سووری‌و نەورۆزی ئەمساڵیش بکەنەوە دەرفەت بۆ نواندنەوەی یەکگرتوویی خۆتان، بۆ داکۆکی‌و بەرگریتان لە ناسنامەی کولتووری‌و نەتەوەیی خەڵکی کوردستان، بۆ پێداگرتنەوەتان لە سەر ویست‌و داخوازە ڕەواکان، بۆ نیشاندانی بێبەریی خۆتان لە هزر و کولتووری دواکەوتوانەی دژ بە بەختیاریی مرۆڤ.
    بەم هیوا و چاوەڕوانییەوە ، بۆ پێشەوە بەرەو نەورۆزێکی پڕشکۆ، نەورۆزیکی یەکگرتوانە، نەتەوەیی و حەماسی.

    حیزبی دیموکراتی کوردستان
    کۆمیسیۆنی تەشکیلات
    18ی ڕەشەمەی 1393
    9ی مارسی 2015

    http://www.kurdistanukurd.org/ku/helwest_dreje.php?id=164

  4. Rojpress
    15 ئازار 2015 له‌ 14:19

    راگەیاندنی هاوبەش سەبارەت بە هاتنی نەورۆز و ساڵی نوێ

    كۆمەڵەی شۆڕشگێڕو حیزبی دێمۆكراتی كوردستانی ئێران لە تۆی راگەیەندراوێكی هاوبەش وێڕای پێرۆزبایی كردن بەهۆی هاتنی سەری ساڵی نوێ لە سەرجەم خەڵكی كوردستان، داوا دەكەن رێوڕەسمەكانی ئەمساڵی پێشوازی لە نەورۆز گەرم‌و گوڕتر لەهەمیشە بەرێوەبەرن

    دەقی راگەیاندنی هاوبەشی كۆمەڵەو حیزبی دێمۆكرات لێرەدا بخوێننەوە:

    خەڵكی تێكۆشەری كوردستان

    لەگەڵ نوێبوونەوەی سروشت‌و پشكوتنی جوانییەكان‌و توانەوەی سەهۆڵبەندان‌و هاتنە ئارای كەشێكی دڵڕەفێنی بەهاری،وەك نەریتی هەمیشەیی، كۆمەڵانی خەڵكی كوردستان لە ئێستاوە خۆیان بۆ پێشوازی لە یەكەمین ساتەكانی بەهاری نیشتمان ئامادە دەكەن. ساتەوەختی نوێ بوونەوەی ساڵ‌و نەورۆزی ئەمساڵ هەڵگری هەندێك جیاوازییەو لێرەدا بە پێویستی دەزانین وێڕای پیرۆزبایی گەرمی خۆمان لەسەر جەم خەڵكی تێكۆشەری كوردستان‌، بەتایبەتی بنەماڵەی سەربەرزی شەهیدانی كوردستان، زیندانیانی سیاسی‌و بەتایبەتیتر ئەو پێشمەرگە قارەمانانەی ئێستا كە لەبەرەكانی دژی تێرۆریستانی دەوڵەوتی ئیسلامی ناسراو بە ) داعش (لە حاڵی شەڕدان، ئاماژە بەچەند خاڵبكەین.

    خەڵكی ئازادیخوازی كوردستان

    بەدرێژایی دەسەڵاتی كۆماری ئیسلامی‌و ناوەڕۆكی كۆنەپەرەستانەی ئەم رژیمە، بەردەوام دژی خۆشی‌و شادی كۆمەڵانی خەڵكی ئێران‌و بەتایبەتی كوردستان بووەو ئەوەی لە دەستی هاتبێت بۆچەسپاندن‌و جێگیر كردنی فەرهەنگی گریان، رەشپۆشی، تازیەباری، مەرگدۆستی‌و كوشتنی سەرودڵخۆشی شارۆمەندانی كورد ئەنجامی داوە. ئەمساڵیش وەك لەقسەو لێدوانی بەرپرسانی هێزە ئەمنیەتیەكان‌و پێشنوێژەكانی رۆژی هەینی لەتاران‌و شارە گەورەكان گوێبیستی دەبین، رژیم بەنیازە رێگری لە بەڕێوە چوونی رێوڕەسمەكانی نەورۆز بكات. لەرۆژانی رابردووشدا هێزە سەربازی وئەمنیەتیەكانی كۆماری ئیسلامی لەسەرانسەری ئێران وبەتایبەت كوردستانی رۆژهەڵات بەمیلیتاریزكردنی شارو ناوچەكان وگرتنەبەری رێوشوێنی توندی ئەمنییەتی بەتەمای پێشگیری لە بەڕێوەچوونی رێوڕەسمی نەتەوەیی نەورۆزن ‌و بەپڕوپاگەندە بەدژی نەورۆزو بەدژی ئاگر كردنەوەو بەڕێوەبردنی رێوڕەسمەكانی تایبەت بەساڵی نوێ دەیانەوەێ خەڵك شایی وخۆشی نەكات وهەردەم لەخەم وماتەمباریدا بن.

    لەبیرمان نەچێت ئەمە یەكەمین جارنییە كە تێكۆشەرانی رێگەی رزگاری لە پێناو ئازادیدا شەر ِدەكەن‌و گیانی ئازیزیان بەختكردووە. بزووتنەوەی رزگاریخوازانەی كوردستان لە هەموو بەشەكانی بۆ گەیشتن بە ئاواتەكانی خۆی بەردەوام لەشەڕ لە دژی داگیر كەرانی دابووەو شەهیدیشی داوەو ناخۆشی‌و ئەستەمی زیاتریشی هاتوەتە رێگە. بەگشت ئەوانەشەوە بەردەوام سەری بەرزبووەو خەفەت‌و ناخۆشی‌و رەشپۆشی نەبوەتە نەریتی خەڵكی كوردو بگرە گشت سەختی رێگەو گیانبازی ئازیزترین رۆڵەكانی نیشتمان بۆتە هۆی بەهێز بوونی ورەو وەگەڕكەوتنی زیاتری وزەی خەباتكارانە بۆ درێژەدان بە شۆڕش‌و بەرەنگاری لەپێناو وەدیهاتنی ژیانێكی مرۆیی‌وئازادی هەمیشەیی بۆ كۆمەڵانی خەڵكی كوردستان.

    هاونیشتمانانی خۆڕاگری كوردستان

    بەلەبەرچاو گرتنی ئەو خاڵانە پێویستە بوترێ كۆماری ئیسلامی‌و نەیارانی شادی‌و دوژمنانی جەژنی نەتەوەیی كورد، لە هەوڵدان تاكوو ئەمساڵ رێگری لەبەڕێوەچوونی رێوڕەسمەكانی نەورۆز بكەن و بەبڵاوكردنەوەی دەیان پڕوپاگەندەی درۆیی بەنیازن ماتەم‌ ‌و رەشپۆشی وەك فەرهەنگی دەسەڵاتەكەیان بەسەر كۆمەڵانی خەڵكی كوردستانی رۆژهەڵاتدا بسەپێنن. ئێمە وێڕای رێزلێنان لە گیانی پاكی سەرجەم گیانبەختكردووانی كوردستان بە پێویستی دەزانین رای بگەیەنین وەك هەمیشە لە چالاكییە مەدەنییەكان و گردبوونەوە و داهێنانی نوێ لەچەشنی: سەردانی بنەماڵە و سەرگڵكۆی شەهیدان، رزگاركردنی پەلەوەرو باڵندەكان ونەمامچاندن و هەڵمەتی پاكوخاوێنی ژینگە و هەوڵ بۆ فەرهەنگی ژینگە پارێزی لە كوردستان و دواتریش بە بەرێوە بردنی رێوڕەسمەكانی نەورۆز بەردەوامبن و سەربەرزانە رابگەیەنن كە كۆمەڵانی خەڵك لە دڵی سەرەڕۆیی وخەفەقاندا راناوەستن و بۆ بەردەوامی خەبات وتێكۆشان رێگەو شێوازی نوێ لە كاتی گونجاودا دەخولقێنن. نەورۆزی ئەمساڵ دەبێت هەڵگری پەیامی رێزگرتن بێت لە شەهیدان‌و لە پێشمەرگە ئازاكانی مەیدانەكانی شەڕ لە دژی كۆنەپەرەستی و بەكردنەوەی ئاگر، نەورزۆی ئەمساڵ بكەن بە كەرنەڤاڵی شادی لەدژی تاریكبینان‌و مەرگ دۆستانی دەسەڵاتداری كۆماری ئیسلامی ئێران. پێویستە ئەمساڵ زیاتر لە هەمیشە بەگەرم‌و گوڕییەوە رێوڕەسمەكانی نەورۆز بەرێوە بەرین‌و گڕی بەرزایی‌و قامەتی شاخەكانی كوردستان‌و هەڵپەڕكێ‌و كۆبونەوەو وتنی سروودی تایبەت بە نەورۆز ئاوێتەی یەك بكەین‌و یەك دەنگ‌و یەك هەڵوێست دەنگی خۆشی‌و شادی هەڵبڕین‌و بەم چەشنە “نا”یەكی گەورە بە دەسەڵاتداران‌و نەیارانی گەلی كورد بدەینەوە. نەورۆزی ئەمساڵ با زیاتر لە هەمیشە ئاوێتەی خەبات‌و تێكۆشان بێت‌و ببێتە ورەو سەرودڵخۆشی بۆ كۆمەڵانی خەڵك ‌و وەڵامێكی پڕ بە پێستیش بێت بۆ داعشی كۆماری ئیسلامی.

    حیزبی دێموكراتی كوردستانی ئێران
    كۆمەڵەی شۆڕشگێری زەحمەتكێشانی كوردستانی ئێران
    15/03/2015

  5. Rojpress
    17 ئازار 2015 له‌ 18:03

    خانه
    برنامەها
    آرشیو
    ویدیوی اخبار
    فرکانس
    درباره ما
    تماس
    پخش زنده
    کودار: خلق کُرد با خیزش عمومی در عید نوروز به استقبال آزادی بروند
    PERSIAN ۱۳۹۳/۱۲/۲۶ دیدگاه‌ها خاموش
    کودار: خلق کُرد با خیزش عمومی در عید نوروز به استقبال آزادی بروند
    ریاست مشترک جامعه دموکراتیک و آزاد شرق کردستان-کودار با انتشار بیانیه‌ای در آستانه نوروز، این جشن باستانی را به خلق کرد و همه خلقهای ایران تبریک گفت. کودار به ویژه از خلق کرد در شرق کردستان خواست با خیزش عمومی در عید نوروز به استقبال آزادی بروند.
    ***
    ریاست مشترک جامعه دموکراتیک و آزاد شرق کردستان-کودار دربیانیه‌ای که به مناسبت فرارسیدن جشن نوروز منتشر کرد، این روز باستانی را به همه خلقهای ایران، به خصوص خلق کرد، زندانیان سیاسی و رهبر خلق کرد عبدالله اوجالان تبریک گفت.
    کودار با اشاره به مقاومت تاریخی خلق کرد در طول تاریخ، از مقاومت کوبانی و شنگال به عنوان دو نمونه معاصر آن نام برد و افزود: امسال در شرایطی به استقبال جشن نوروز می رویم که بحران همه خاور میانه را در برگرفته است. در چنین شرایطی جنبش ازادیخواهی خلق کرد مقاومتی تاریخی را رقم زد و با وجود همه تهاجم و توطئه‌ها، هجمه‌ها را در هم شکست و در میدان مبارزه به پیروزی رسید.
    بیانیه جامعه دموکراتیک و آزاد شرق کردستان تاکید می‌کند با در نظر گرفتن شرایط موجود در ایران و سیاستهای رژیم ایران، امروز بیشتر از هر زمان دیگری، ادامە مبارزە اهمیت دارد و برای درهم شکستن سیاستهای رژیم ایران در مقابل خلقها و بخصوص خلق کرد، مبارزەای فراگیر در همە زمینەها ضرورت تاریخی دارد. از همین رو برای پیشبرد چنین مبارزەای اتحاد خلقهای ایران اهمیت بسزایی دارد.
    کودار از عید نوروز بە عنوان نماد مقاومت و پیروزی در برابر ستم و سلطە ستمگران نام برد و ادامه داد: جامعە دموکراتیک و آزاد شرق کردستان از عموم خلق کرد در شرق کردستان، احزاب سیاسی، آزادیخواهان و خلقهای ایران درخواست می کند کە در همە شهرها و روستاها، عید نوروز را جشن گرفته و در راستای ضرورت مبارزەی همە جانبە، اتحاد خود را مستحکم‌تر کنند.

  1. No trackbacks yet.

وەڵامێک بنووسە

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s

%d هاوشێوەی ئەم بلۆگەرانە: