ماڵه‌وه‌ > NNSROJ > گیانلەدەستدانی گەریلاییەکی نەپەگە لە سەڵماس

گیانلەدەستدانی گەریلاییەکی نەپەگە لە سەڵماس

NNSROJ: زانرا کە ڕۆژی ٢٧ی مەی، گەریلایەکی ناوەندی پاراستنی گەل بە ناوی “بورهان یاقووت”، لە نزیک گوندی “دێرک”ی سەر بە ناوچەی “قزڵکەنت”ی سەڵماسی ڕۆژهەڵاتی کوردستان، لە ئاکامی تەقەی چەکدارانی نەناسراودا گیانی لەدەست داوە.

فەرماندەیی بڕیارگەی ناوەندی پاراستنی گەل هەروەها ڕایگەیاندووە کە چەکدارە هێرشبەرەکان بە زاراوەی سۆرانی قسەیان کردووە و خۆیان بە پێشمەرگەی حدکا ناساندووە و هەرچەند ناوەندەکە دەڵێ کە پێی وایە هێرشەکە لە لایەن چەکدارانی دەوڵەتەوە ئەنجام درابێ و زیاتر بە پیلانگێڕی دەزانێ بەڵام داوای ڕوونکردنەوەی فەرمی لە حدکا کردووە.

کۆمیسیۆنی سیاسیی نیزامی حیزبی دێمۆکراتی کوردستانی ئێران، بە بڵاوکردنەوەی بەیاننامەیەکی نووسراو، “کوژرانی هەر تێکۆشەرێکی کورد بە دەستی هەر کەس و لایەنێک”ی مەحکووم کرد و بە فەرمی ڕایگەیاندووە کە “هیچ تیمێکی سەربە حیزبی دێموکراتی کوردستانی ئێران لەو ناوچەیە بوونی نییە و ئەو کردەوانە پیلانێکەکە بێ گومان دەستی دوژمنانی کوردی لە پشتە و بەم چەشنە دەیانهەوێ لە نێوان هێزە کوردییەکاندا دوڕدونگی و ناتەبایی دروست بکەن. پێویستە هەموو لایەکمان وریای ئەو جۆرە پیلانانە بین و نەکەوینە داوی پیلانگێریی دوژمنان

Advertisements
:هاوپۆله‌کانNNSROJ
  1. Rojpress
    31 ئایار 2015 له‌ 10:36

    نەپەگە: هیوادارین دەستی هیچ هێزێكی كوردستانی لەو هێرشەدا نەبێ

    رۆژنیوز- ناوەندی هەواڵەکان

    فەرماندەیی بڕیارگەی ناوەنی پاراستنی گەل نەپەگە بە بڵاوكردنەوەی لێدوانێك ڕایگەیاند، لە ئاكامی هێرشێكی گێرەشێوێنانە، لە هەرێمی سەلماس گەریلایەك گیانی بەختكردووە. نەپەگە ڕادەگەیەنێت: ئیمكانی هەیە ئەوانەی ئەم هێرشەیان ئەنجام داوە، كۆنترابن، هەروەها دەڵێت: هیوادارین هیچ هێزێكی كوردی پەیوەندی بەو هێرشە چەپەڵەوە نەبێ.

    فەرماندەیی بڕیارگەی ناوەندی پاراستنی گەل “نەپەگە” رایگەیاندووە: هێرشەكە لە ناوچەی “قزڵكەنتی” پشت گووندی “دێرك”ی سەلماس لە رۆژهەڵاتی كوردستان ڕوویداوە. لە كاتێك رۆژی ٢٧ی گوڵان گرووپێكی دوو كەسی گەریلا لە جموجووڵ دا بوون، ڕووبەڕووی گولەبارانی گروپێكی چەكدار بوونەتەوە و لە ئاكام دا گەریلایەكی خەڵكی وان بە ناوی “بورهان یاقوت” ناسراو بە “وەڵات ئەمبی” گیانی بەختكردووە.

    لە بەردەوامی لێدوانەكەی “نەپەگە” دا هاتووە: پێشكەوتنی تێكۆشانی ئازادی كوردستان لە ساڵانی دوایی دا، ترسێكی مەزنی لە دڵی داگیركەرانی كوردستان، هەموو دوژمنانی گەلی كوردی و هاوكارەكانیانی درووست كردووە. بە تایبەتی لەم ڕۆژانەدا كە لە هەڵبژاردنی ٧ی حوزەیرانی نزیك دەبینەوە و بۆ گەلی كورد و گەلانی توركیا زۆر گرینگە، ئەو هێزانە هەوڵدانی گێرەشێوێنانە ئەنجام دەدەن. هەم لە توركیا و باكووری كوردستان و هەم لە بەشەكانی دیكەی كوردستان بە شێوازی جیاواز بۆ خوڵقاندنی كەشوهەوای شەڕ و پێكدادان هەوڵدەدەن و لە هەمان كات دا وا نیشان دەدەن كە لە نێوان هێزە كوردییەكان دا شەڕ هەیە.

    نەپەگە سەبارەت بەو هێرشەی لە سەلماس ڕوویداوە، زانیاری بەو شێوەیە دەدا:” كاتژمێر ٥ی سەرلەبەیانی ڕۆژی ٢٧ی گوڵان لە ناوچەی “قزڵكەنتی” پشت گووندی “دێرك”ی سەلماس، گرووپێكی چەكدار كە بە زاراوای سۆرانی قسەیان كردووە و خۆیان وەكوو پێشمەرگەی “حیزبی دیموكراتی كوردستانی ئێران” ناساندووە، دوو هەڤاڵی ئێمە گولەباران كردووە وشەڕ ڕوویداوە. لە ئاكام دا هەڤاڵمان “بورهان یاقوت” شەهید بووە و هەڤاڵی دیكەمان بریندار بووە. بەڵام ژمارەی كوژراو و بریندارانی ئەو گرووپە هێرشكاری نەزانراوە.

    نەپەگە دەسنیشانی دەكات، كێ ئەو هێرشەی ئەنجام دابێ، ئەوا بە ئامانجی گێرەشێوێنی بووە و لە بەردەوامی لێدوانەكەی دا ڕایگەیاند:” پێیدەچێت ئەوەی ئەو هێرشەی ئەنجام داوە، هێزێكی كۆنترا بێ، یان هێزێكی دیكە بێ. ئەگەر حیزبی دیموكراتی كوردستانی ئێران پەیوەندییان لەگەڵ ئەو هێرشە نییە، دەبێ بە شێوەیەكی ڕەسمی بۆ ڕای گشتی ڕاگەیەنن.

    لەکۆتایی لێدوانەکەدا نەپەگە دەڵێت: هیوادارین دەستی هیچ هێزێكی كوردستانی لەو هێرشە چەپەڵەدا نەبێ. ئێمە دەزانین كە ڕژیمی ئێران شێوازی گێرەشێونانەی بەو شێویە بەكار دەبات. بەڵام لەم كات و ساتە هەستیارەدا، ڕوون نییە كە كێ ئەو هێرشەی ئەنجام داوە. گرینگە لە ئێستادا بۆ ڕوونبوونەوەی ئەو هێرشە هەموو هێزە كوردستانییەكان بە شێوەیەكی بەرپرسیارانەی هەڵسووكەوت بكەن و بە شێوەیەكی ڕوون هەڵوێستی خۆیان نیشان بدەن.

    ب.م
    – See more at: http://rojnews.net/drejey-hewal.aspx?id=19837&LinkID=14&%D9%86%DB%95%D9%BE%DB%95%DA%AF%DB%95%3A-%D9%87%DB%8C%D9%88%D8%A7%D8%AF%D8%A7%D8%B1%DB%8C%D9%86-%D8%AF%DB%95%D8%B3%D8%AA%DB%8C-%D9%87%DB%8C%DA%86-%D9%87%DB%8E%D8%B2%DB%8E%D9%83%DB%8C-%D9%83%D9%88%D8%B1%D8%AF%D8%B3%D8%AA%D8%A7%D9%86%DB%8C-%D9%84%DB%95%D9%88-%D9%87%DB%8E%D8%B1%D8%B4%DB%95%D8%AF%D8%A7-%D9%86%DB%95%D8%A8%DB%8E#sthash.fRlUXKAY.dpuf

  2. Rojpress
    31 ئایار 2015 له‌ 10:37

    روونکردنەوەی کومیسیۆنی سیاسی نیزامیی حیزبی دێموکراتی کوردستانی ئێران، بۆ رای گشتی
    زایینی: 2015-05-31 – هەتاوی: 1394/03/10 – 00:25 تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
    روونکردنەوەی کومیسیۆنی سیاسی نیزامیی حیزبی دێموکراتی کوردستانی ئێران، بۆ رای گشتی
    کوردستان میدیا: کومیسیۆنی سیاسی نیزامیی حیزبی دێموکراتی کوردستانی ئێران بۆ روونکردنەوەی رای گشتی بەیاننامەیەک بڵاو دەکاتەوە.

    دەقی بەیاننامەکە بەم چەشنەیە:

    بەپێی بەیاننامەیەک کە فەرماندەی قەرارگای ناوەندیی بەرگریی گەل رایگەیاندووە؛ بە داخەوە گەریلایەکی سەر بەو ناوەندە لە ناوچەی ”کزل‌کنت” لە دەوروبەری شاری سەڵماس، کەوتووەتە بەر تەقەی کەس، یان کەسانێکی نەناسراو و گیانی لە دەست داوە، کومیسیۆنی سیاسی نیزامیی حیزبی دێموکراتی کوردستانی ئێران، کوژرانی هەر تێکۆشەرێکی کورد بە دەستی هەر کەس و لایەنێک مەحکووم دەکات و رایدەگەیەنین کە هیچ تیمێکی سەربە حیزبی دێموکراتی کوردستانی ئێران لەو ناوچەیە بوونی نییە و ئەو کردەوانە پیلانێکەکە بێ گومان دەستی دوژمنانی کوردی لە پشتە و بەم چەشنە دەیانهەوێ لە نێوان هێزە کوردییەکاندا دوڕدونگی و ناتەبایی دروست بکەن.

    پێویستە هەموو لایەکمان وریای ئەو جۆرە پیلانانە بین و نەکەوینە داوی پیلانگێریی دوژمنانەوە.

    حیزبی دێموکراتی کوردستانی ئێران
    کومیسیۆنی سیاسی نیزامی
    ٣٠ی مەی ٢٠١٥ زایینی
    ٩ی جۆزەردانی ١٣٩٤ی هەتاوی
    http://www.kurdistanmedia.com/sorani/dreje/19203

  3. Rojpress
    31 ئایار 2015 له‌ 10:37

    ماوەیەکە هێزە تایبەتەکان و کۆنترا گەریلای ڕژێمی کۆماری ئیسلامی لەگەڵ ئەوەی کە ڕۆژهەڵاتی کوردستانیان میلیتاریزە کردووە، دەستیان داوەتە ئۆپەراسیۆنی سەربازی و دانانی کەمین بۆ یەکینەکانی ڕۆژهەڵاتی کوردستان YRK.

    سەرەڕای ئەوەی لە لێدوانەکانی پێشووماندا چەندین جار هۆشداریمان دابوو کە ئەگەر هێزە سەربازیەکانی کۆماری ئیسلامی ئێران ئۆپەراسیۆنی سەربازی ئەنجام بدەن و کەمین دابنێنەوە ئەوا ڕوو بەڕووی پەرچەکرداری گەریلاکانمان دەبنەوە، بەڵام لەبەرواری ٢٠ / ٥ / ٢٠١٥ کاتژمێر یەک و نیوی دوای نیوەشەو بەهۆی کەمینی هێزە سەربازیەکانی ئێران و کۆنترا گەریلا بۆ گەریلاکانمان لە گوندی هەنجیرانی مەریوان، ئاڵۆزی و تێکهەڵچوون هاتۆتە ئاراوەو لەئەنجامدا یەک ئەندامی سوپای پاسداران کوژراوە. لەم ڕوو بەڕووبوونەوەیەدا هێزەکانمان هیچ زیانێکی بەرنەکەوتووە.

    لەکۆتاییدا جارێکی تر هۆشداری دەدەینە هێزە سەربازیەکانی ڕژێم و گروپی کۆنترا گەریلای کۆماری ئیسلامی ئێران کەلە ئاکامی بەردەوامی گوشار بۆسەر گەلەکەمان، ئەنجامدانی ئۆپەراسیۆن و کەمین دانانەوە، لەسەر بنەمای یاساکانی پاراستنی ڕەوا وەڵام دانەوەی توندترمان دەبێت.

    فەرمانداری یەکینەکانی ڕۆژهەڵاتی کوردستان ─ YRK
    22.05.2015

    http://pjak.eu/ku/?p=3473

  1. No trackbacks yet.

وەڵامێک بنووسە

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s

%d هاوشێوەی ئەم بلۆگەرانە: