ماڵه‌وه‌ > NNSROJ > “یەکێتیی پێداگرە لەسەر پڕۆژەیاساکەی و ئامادەی هەڵبژاردنی پێشوەختیشە”

“یەکێتیی پێداگرە لەسەر پڕۆژەیاساکەی و ئامادەی هەڵبژاردنی پێشوەختیشە”

NNSROJ: مشتومڕ لەسەر پرسی سەرۆکایەتیی هەرێمی کوردستان پاش ٢٠ی ئاگۆست درێژەی هەیە و لایەنە سیاسییەکانی کوردستان لە کۆبوونەوەی بەردەوامی دوو قۆڵی و چەند قۆڵیدان. هەر لەم چوارچێوەدا، ئەنجوومەنی سەرکردایەتیی یەکێتیی نیشتمانیی کوردستان کۆبۆوە و سەبارەت بەو پرسە و بارودۆخی ئێستای باشووری کوردستان ئەو بڕیارانەی دا:

یەکەم: یەکێتیی نیشتمانیی کوردستان، سوورە لەسەر پرۆژە یاسای پێشکەشکراوی لە پەرلەمانی کوردستاندا.
دووەم: دەرگای سیاسی یەکێتیی، بۆ گفتوگۆ لەپێناوی سازانی لایەنەکان، واڵایە و یەکێتیش، بە ڕەچاوکردنی بۆچوونی ئەنجوومەنی سەرکردایەتی، بیروبۆچوونی سازانی ھەیە.
سێھەم: یەکێتی، لەکاتێکدا لەگەل سازانی گشتی و نیشتمانییە، لەھەمانکاتیشدا، لەگەل ھیچ لایەکدا، دوو لایەنە، رێکەوتن ئەنجام نادات. تەنانەت بۆ ئەگەری پێشوەختی ھەڵبژاردنیش، یەکێتی ئامادەیە.
چوارەم: بەلێبڕاویی یەکێتی دژی ھەموو چەشنە سیاسەتی دوو ئیدارەییە و لەژێر ھیچ پەردەو پاساوێکدا، نایسەلمێنێ.
م.م.

Advertisements
:هاوپۆله‌کانNNSROJ
  1. Rojpress
    13 ئاب 2015 له‌ 13:45

    دوای نزیکەی پێنج سەعات لە کۆبونەوەی ئەنجوومەنی سەرکردایەتی یەکێتی نیشتیمانی کوردستان لەبارەی گفتووگۆکردن لەسەر پرسی سەرۆکایەتی ھەرێم و بارودۆخی ئێستای کوردستان و ناوچەکە، ئەندامانی ئەنجوومەنی سەرکردایەتی بەکۆی دەنگ بڕیاریاندا کە پشتیوانی لە پڕۆژەکەی فراکسیۆنەکەیان بکەن کە پێشتر پێشکەشی پەرلەمانیان کردبوو بۆ ھەمواری یاسای سەرۆکایەتی ھەرێم و سوربونی خۆشیان لەسەر ھەمان بەرنامەو پلانی پێشوو راگەیاند کە دانوستان و گفتوگۆیان لەگەڵ لایەنەکان لەسەرکردووە.دەقی راگەیەندراوەکە..گەلی ئازادیخوازی کوردستان!کەسوکاری شەھیدان!پێشمەرگە داعش شکێنەکان!لە بارودۆخێکی ئاڵۆز، ھەستیار، پڕ لە کێشمەکێشە دیموکراسیەکانی گۆڕانکاری لە ھاوکێشەی یاسای و سیاسی و سیستەمی حوکمڕانیدا؛ لە ھەلومەرجێکدا نەتەوەکەمان و ھێزی پێشمەرگەی کوردستان، لە سەرانسەری کوردستاندا، دوچارو ناچاری شەڕی رزگاری و بەرھەڵستی دژی داعش کراوە؛ ھەزاران شەھیدو برینداری بەخشیوە؛ لەناوچەکانی دەرەوەی ھەرێم و بەشەکانی کوردستان و عێراقدا، زیاتر لە دوو ملیۆن ئاوارە کەژاوەی پەژارەی ئەم رۆژگارەی شەروشۆڕیان پەیتا پەیتا رویان لە کوردستانە؛ ھەر لەم بارودۆخەشدا، پەرلەمانی کوردستان و ھێزە سیاسیەکان، دوای چەندین مانگ لە پێشکەشکردنی پرۆژەی جیاواز، ململانێی یاسایی، سیاسی و میدیایی، کە لیژنەی یاسایی پەرلەمان لە دوائەنجامدا، پرۆژەی چوار لایەنی کوردستانی (یەکێتی، گۆڕان، کۆمەل، یەکگرتوو)ی سەبارەت بەدەستورو دەسەڵاتەکانی سەرۆکی ھەرێم. پێشکەشی سەرۆکی پەرلەمانی کوردستان کردووە.بەلام، لە ھەلومەرجێکی ئاوھای قەیرانی ئابوری و سیاسی و یاساییدا، کە ھەموی جەماوەری خستۆتە ژێر فشاری بێموچەیی و کەمیی کارەباو سوتەمەنیەوە، ئەنجومەنی سەرکردایەتی یەکێتی، کۆبوونەوەی لەسەر کۆی ئەو کێشەو روداوانە کرد، دوای دەربڕینی سەربەستانەی بۆچونی تێکڕای ھەڤاڵان، کۆبونەوە گەیشتە ئەم بڕیارانەی خوارەوە:یەکەمیەکێتیی نیشتمانیی کوردستان، سورە لەسەر پرۆژە یاسای پێشکەشکراوی لە پەرلەمانی کوردستاندا.دووەمدەرگای سیاسی یەکێتیی، بۆ گفتوگۆ لەپێناوی سازانی لایەنەکان، واڵایەو یەکێتیش، بە رەچاوکردنی بۆچونی ئەنجومەنی سەرکردایەتی، بیروبۆچونی سازانی ھەیە.سێھەمیەکێتی، لەکاتێکدا لەگەل سازانی گشتی و نیشتمانییە، لەھەمانکاتیشدا، لەگەل ھیچ لایەکدا، دوو لایەنە، رێکەوتن ئەنجامنادات. تەنانەت بۆ ئەگەری پێشوەختی ھەڵبژاردنیش، یەکێتی ئامادەیە.چوارەمبەلێبڕاویی یەکێتی دژی ھەموو چەشنە سیاسەتی دوو ئیدارەییەو لەژێر ھیچ پەردەو پاساوێکدا، نایسەلمێنێ.ھەڤاڵان و دڵسۆزانی یەکێتی!وەکو ھەمیشە، یەکێتی دەستی پێشمەرگە قارەمانەکان لەسەرانسەری کوردستاندا دەگوشێ و سەرەڕای سەرجەم کێشەکان، بێ درێغ توانای خۆی بۆ سەرکەوتنی یەکجارەکی پێشمەرگە بەسەر داعشدا، لە باشورو رۆژئاوادا، دوپاتدەکاتەوە، لەھەمانکاتدا، جەخت دەکەینەوە کە:لە تورکیاو باکوری کوردستاندا، شەڕ رابگیرێ و راسپاردەو بڕیارەکانی وڵاتانی رۆژئاوا، پەرلەمانی ئۆروپا، ناتۆ، رای گشتی تورکیاو ناوچەکەو نەتەوەی کورد، بۆ دەستپێکردنەوەی پرۆسەی ئاشتی رەچاوی سیاسی بکرێ و ئەمجارەش، دەبێ پرۆسەی ئاشتی، بەرێوشوێنی یاسایی و سیاسی دیموکراسی راستەقینە، دەستپێبکرێتەوە.لەکۆتاییشدا، ئەنجومەنی سەرکردایەتی، بێ چەندوچۆن، بڕیارەکانی پاکسازی و چاکسازی کابینەی بەرێز عەبادی پەسەند دەکات و ئومێدەواریشە، بەپێی رێوشوێنە یاسایی و دەستوریەکان، ھەتا سەر، بڕیارەکان، بێ جیاوازی لەنێوان پێکھاتەو جەمسەربەندیەکان، جێبەجێ بکرێ.ئیتر بۆ پێشەوە بەرەو بەدیھێنانی– سیستەمی پەرلەمانی.– سازانی راستەقینە.ئەنجومەنی سەرکردایەتییەکێتیی نیشتمانیی کوردستان١٢/٨/٢٠١٥

  1. 13 ئاب 2015 له‌ 14:21

وەڵامێک بنووسە

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s

%d هاوشێوەی ئەم بلۆگەرانە: