ماڵه‌وه‌ > NNSROJ > هێستا ٢٥٠٠ ژن و مناڵی ئێزیدی لەدەستی داعشدا ماون”

هێستا ٢٥٠٠ ژن و مناڵی ئێزیدی لەدەستی داعشدا ماون”

NNSROJ: ڤیان دەخیل، نوێنەرە ئێزیدییەکەی پارلەمانی عێڕاق ڕایگەیاند کە تا ئێستاش نزیک بە ٢٥٠٠ ژن و مناڵی ئێزیدی لەبەردەستی چەکدارانی داعشدا ماون و نزیک بەو هەژمارەش، لە ماوەی یەک ساڵی ڕابردوودا، ڕزگاریان بووە.

ناوبراو کە بڕیارە لە ڕۆژانی داهاتوودا بەشداری کۆنفڕانسێک لە پاریس سەبارەت بە کۆمەڵکوژی بکات، لە هەوڵی ئەوە دایە کە کۆمەڵکوژکرانی ئێزیدییەکان لە ناوەندە نێودەوڵەتییەکان بە فەرمی بناسێنێ.

دەخیل لە وتوویژێکدا لەگەڵ ئاژانسی ئاناتۆلی باسی لەوەش کردووە کە ڕۆژانە نێوان ٥٠ تا ١٠٠ هاووڵاتیی ئێزیدی عێڕاق و هەرێمی کوردستان بەجێدێڵن و دەچنە هەندەران.

شایانی باسە کە لە سەرەتاکانی مانگی ئاگۆستی ٢٠١٤ەوە شنگال لە لایەن داعشەوە داگیرکراوە و تا ئێستا تەنیا بەشیک لەو شارە لە لایەن کوردانەوە ڕزگارکراوە.
م.م.

Advertisements
:هاوپۆله‌کانNNSROJ
  1. Rojpress
    6 ئه‌یلول 2015 له‌ 21:16

    ڤیان دەخیل: رۆژانە 50 بۆ 100 ئێزدی دەچنە دەرەوەی عێراق

    06 ئةيلول 2015 10:12 (نوێكردنەوەیی دوايي 06 ئةيلول 2015 10:15)
    – ئەندامی ئەنجوومەنی نوێنەرانی عێراق ڤیان دەخیل بۆ ئاژانسی ئانادۆڵو ئاشكرای دەكات بەهۆی ئەو كارەساتانەی بەسەر ئێزدییەكاندا هاتووە ئێستا رۆژانە 50 تا 100 ئێزدی دەچنە دەرەوەی عێراق.

    هەولێر – ھێمن بابان

    بەپێی قسەكانی ڤیان دەخیل هێشتا دوو هەزار و پێنجسەد كچ و ژن و منداڵی ئێزدی لە دەستی داعشن كە دوو هەزاریان ئافرەت و كچن و منداڵانیشیان مەشق پێدەكرێن بۆ بەشدارپێكردنییان لە شەڕ.

    ئەندامی ئەنجوومەنی نوێنەرانی عێراق ڤیان دەخیل لە لێدوانێكدا بۆ ئاژانسی ئانادۆڵو ئاشكرای دەكات دەبێت سەرۆكوەزیرانی پێشووی عێراق نووری مالیكی و هەموو ئەوانەی بەرپرس بوون لە كەوتنی مووسڵ و دواتر لە كارەساتی شنگال و جینۆساید كردنی ئێزدییەكان دادگایی بكرێن و مافی ئێزدییەكانیش بگەڕێتەوە بۆیان، گوتیشی: “چاوەڕوانی دادگاكانی عێراقیین بزانیین پاش تەواوبوونی راپۆرتی مووسڵ چۆن كار بە راسپاردەكانی دەكات، ئەگەر بزانیین بە كردەیی دادگەكانی عێراق كارێكی ئەوتۆ لەوبارەیەوە ناكەن، ئەوا ئەو دادگاییكردنە دەبینە دادگاكانی دەرەوەی عێراق و لەوێ سكاڵایان لەسەر تۆمار دەكەن”.

    دەخیل ئاشكراشیكرد كە ئەوان لە هەوڵی پێ پسانەوەن بۆ بە جینۆساید ناساندنی كارەساتی شنگال و بۆ ئەو مەبەستەش هەفتەی داهاتوو بەشداریی لە كۆنگرەیەك لە پاریسی پایتەختی فەڕەنسا دەكەن بۆ ئەوەی زۆرترین بەڵگەنامە لەسەر قڕكردنی ئێزدییەكان و كەمایەتییەكانی دیكە بدەن بۆ ئەوەی بخرێتە بەردەم كۆنگرەیەكی نەتەوە یەكگرتووەكان كە بڕیارە مانگی تشرینی دووەمی داهاتوو بۆ باسكردنی مافی كەمایەتییەكانی نەتەویی رۆژهەڵاتی ناوەڕاست ببەسترێت.

    ئەو پەرلەمانتارە گوتیشی: “ئەو كۆنگرەیەی نەتەوە یەكگرتووەكان بۆ ئێمە زۆر گرنگە بۆیە زۆرترین هەوڵ دەدەین بۆ ئەوەی زۆرترین بەڵگەنامەی بخەینە بەردەست تا ئەو بەڵگانە بخاتە بەردەستی دادگەی لاهای و كارەساتی قڕكردنی ئێزدییەكان بە جینۆساید بناسرێت و ئەو كۆبوونەوەیەش بۆ ئێمە زۆر زۆر گرنگە”.

    بەرەبەیانی 10ی حوزەیرانی ساڵی 2014 لە مێژووی دانیشتوانی پارێزگای نەینەوا و بەتایبەت شاری مووسڵ رۆژێَكی تاڵ و لەبیرنەكراو بوو كاتێك ئاڵا رەشەكانی چەكدارانی داعش شارەكەیانی تەنیوبوو، دواتریش بۆ شارەكانی دیكەی پارێزگاكە هەڵشاخان و سێی ئابیش گەیشتنە شنگال گەورەترین قەزای ئێزدییەكان لە جیهاندا و بە بیانووی پەیڕەوكردنی ئاینێكی دیكە جگە لە ئیسلام كوشتوبڕێكی ئەوتۆیان كرد كە بە هەزاران كەس لە چەند رۆژێكی كەمدا لەناو چوون و كچان و ژنانیشیان بە سەبایا بردن كە گوایە ئاینی ئیسلام بۆی حەڵاڵَی كردوون و لەو رۆژەوە تا ئێستا چارەنووسی هەزاران كچ و ژن و منداڵی ئێزدی ژێر دەستی چەكدارانی خەلافەتەكەی ئەبو بەكر بەغدادی هێشتا نادیارە.

    لەبارەی ئەو ئێزدییانەشی كە چەكدارانی داعش لە سێی ئاب بەدواوە بردیانن، ڤیان دەخیل بۆ ئاژانسی ئانادۆڵو دەڵێت “نزیكەی پێنج هەزار و 200 ئێزدی لە سێی ئابەوە كەوتنە دەستی چەكدارانی داعش و رفێنران و بێ سەر و شوێن بوون، لەو ژمارەیە نزیكەی دوو هەزار و پێنجسەدیان گەڕاونەتەوە ئەوەشی ماون زۆرینەی هەرە زۆریان كچ و ژن و منداڵن، هەرچی پیاوەكانیشن ئەوا چەكدارانی داعش زوو كوشتنیانن، بۆیە ئەوانەی كە ماون لە كچان و ژنان نزیكەی دوو هەزار دەبن”.

    گوتیشی: “ئەو منداڵە ئێزدییانەی لە بەردەستی داعشن ئێستا لەلایەن چەكدارانی ئەو رێكخراوەوە مەشقیان پێدەكرێت و چەكیان دراوەتە دەست و رایاندەهێنن بۆ ئەوەی بەشداریی شەڕیان پێ بكەن”.

    ئەندامەكەی ئەنجوومەنی نوێنەرانی عێراق لە درێژەی قسەكانیدا رەخنەی توندی لە حكوومەتی عێراق گرت كە سەرباری تێپەڕبوونی زیاتر لە ساڵێك و سێ مانگ بەسەر كارەساتی قڕكردنی ئێزیدییەكان لەسەر دەستی چەكدارانی داعش تێدەپەڕێت، بەڵام بە قسەی ئەو” هیچ هەنگاوێكی دڵخۆشكەری لە پێناو ئێزدییەكان نەهاویشتووە”، ڤیان دەخیل لەوبارەیەوە گوتی: “حكوومەتی عێراق زۆر كەمتەرخەم بووە بەرامبەر بە ئێزدییەكان و نەهامەتییەكانییان، من بۆ خۆم لە دانیشتنێكدا بە سەرۆكوەزیران حەیدەر عەبادیم گوت كە ئەوە نزیكەی ساڵ و نیوێكە سەرۆكوەزیرانی، بەڵام هیچ هەنگاوێكت لە بەرژەوەندی ئێزدییەكان نییە و تەنانەت لە وتارەكانیشدا بەیەك دێڕیش باسی نەهامەتییەكانییان ناكەی، ئەویش وەڵامێكی وای دامەوە كە زۆرم بەلاوە سەیر بوو كاتێك پێیگوتم كە باسی ئێزدییەكان دەكەم دڵتەنگ دەبم و بەو كارەساتە زۆر كاریگەرم بۆیە باسی ناكەم كە ئەوە بۆ من وەڵامێكی قایل كەر نەبوو”.

    لەكۆتایی قسەكانیدا ئەندامەكەی ئەنجوومەنی نوێنەرانی عێراق ڤیان دەخیل كە لە كاتی قسەكردن لەسەر كارەساتی ئێزدییەكان زۆر بە روونی هەست بە فرمێسكە قەتیس بووەكانی نێو چاوەكانی دەكرێت بۆ ئاژانسی ئانادۆڵو تیشكی خستە سەر كۆچكردنی ئێزدییەكان بۆ دەرەوەی عێراق و گوتی: “ئێمە بەدرێژایی مێژوو 72 فەرمان و بڕیاری جێنۆسایدكردنمان بەسەردا جێبەجێ كراوە و تووشی لەناوچوون و فەوتان نەبووین، ئێمە توانیومانە مۆركی خۆمان بپارێزین، بۆیە مەترسی لەسەر لەناوچوونمان نییە، هەرچەندە ئێستا رۆژانە لە نێوان 50 بۆ 100 ئێزیدی دەچنە دەرەوەی وڵات و عێراق بە جێ دەهێڵن”.

    http://www.aa.com.tr/ks/headlines/587973

  1. 7 ئه‌یلول 2015 له‌ 07:56
  2. 7 ئه‌یلول 2015 له‌ 07:56

وەڵامێک بنووسە

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s

%d هاوشێوەی ئەم بلۆگەرانە: