ماڵه‌وه‌ > NNSROJ > کۆمەڵێک لە چالاکانی چەپ، پشتیوانی لە خەباتی گەلی کورد لە باکوور و ڕۆژئاوا دەکەن

کۆمەڵێک لە چالاکانی چەپ، پشتیوانی لە خەباتی گەلی کورد لە باکوور و ڕۆژئاوا دەکەن

NNSROJ: کۆمەڵێک لە چالاکانی چەپی کورد و ئێرانیی بەشدار لە شەشەمین کۆبوونەوەی یادکردنەوە لە کوشتنی بەکۆمەڵی گیراوانی سیاسی لە ئێران، پشتیوانی خۆیان لە بزوتنەوەی کورد لە باکوور و ڕۆژئاوای کوردستان ڕاگەیاند و سەرەڕۆییەکانی حکوومەتی ئاکەپەیان مەحکووم کرد.

دەقی بەیاننامەکە و لیستی واژۆکارانی بەم شێوەیە:

جه‌سته‌ی حه‌قیقه‌ت دیسان ئێمه‌ی له‌ سووچێکی دیکه‌ی ئه‌م جیهان مه‌نفایه‌ له‌ ده‌وری یەکک کۆکرده‌وه‌. ئه‌و جه‌ستانه‌ی ئه‌گه‌ر چی له‌ ژێر خاک نراون به‌ڵام هێشتا زمانی ڕاشکاوی ڕاستییه‌کانن، ڕاستییه‌ بێ سنووره‌کان که‌ هێماکانی په‌لیان کێشاوه‌ بۆ هه‌موو جوگرافیای سته‌م، له‌ خاوه‌ران هه‌تا کۆبانی و جزیرێ ئه‌ستێراوی.

له‌ کاتێکدا شه‌شه‌مین کۆبوونه‌وه‌ی گشتی بۆ کوشتاری زیندانیانی سیاسی ئێرانمان رێک ده‌خست، خوێنی رۆژهه‌ڵاتی ناوه‌ڕاست هێشتا به‌ گه‌رمی له‌ سنگی هه‌موو کووچه‌ و کۆڵانیکه‌وه‌ ده‌چۆڕا و هێشتاش ژنان و پیاوانێک هه‌ن که‌ له‌سه‌ر حه‌قیقه‌ت سووڕن و خه‌بات بۆ ئارمانگه‌لێک ده‌که‌ن که‌ به‌ گومانی حاکمان ساڵانێکە مۆرکی له‌عه‌نتیان لێ نراوه‌. دوێنێ سیاکه‌ل و ئه‌مڕۆش قه‌ندیل و شاهۆ و مشته‌نوور و بۆتان.

ساڵی نوێی هه‌تاوی له‌ کاتێدا ده‌ستیپێکرد که‌ کۆبانی، پاشه‌کشێی به‌ داعش کرد و کانتۆنی قامیشلۆی له‌ شاری تل ئەبیەزی له‌ ئامێز گرت. هاوکات له‌گه‌ڵ ئه‌م سه‌رکه‌وتنانه‌دا به‌ره‌ی چه‌پ و ئازادیخوازی تورکیا چه‌ند هه‌نگاوی گرنگی هه‌ڵگرت. به‌ڵام نوێنه‌ری لۆکاڵی سه‌رمایه‌داری بێل‌غاوی پارتی داد و گه‌شه‌ پێدان و هاوپه‌یمانه‌ نێوده‌وڵه‌تییه‌کانی که‌ پشتگیری ئه‌رته‌شی ناتۆشیان له‌گه‌ڵه،‌ به‌ ئاشکرا و ده‌ست له‌ ناو ده‌ستی داعش، هێرشیان کرده‌ سه‌ر رۆژئاوا. باکووریان کرده‌ گۆمی خوێن و له‌ په‌رسووسیش سی و دوو گه‌نجی پێشه‌نگی سۆسیالیستیان له‌ سه‌ر رێگای کۆبانی کوشت.

قه‌بووڵنه‌کردنی ئه‌نجامی هه‌ڵبژاردنه‌کان و پێداگری پارتی ده‌سه‌ڵاتداری تورکیا بۆ درێژه‌دانی حاکمییه‌تی سیاسی بێ ئه‌ماولای خۆیان و ئینکار و سڕینه‌وه‌ی سته‌ملێکراوان و ئاگرتێبه‌ردانی ده‌فته‌ره‌کانی پارتی دیمۆکراتیکی گه‌لان، له‌ هه‌موو تورکیا، جارێکی دیکه‌ دام و ده‌زگای کوشتار به‌و په‌ڕی بێڕه‌حمی خۆیه‌وه‌ خراوه‌ ڕێ و ماڵ به‌ ماڵ و کۆڵان به‌ کۆڵانی کوردستانی کردۆته‌ ئامانج. له‌م نێوانه‌دا شاری جزیرێ ئابلۆقه‌ درا و ده‌سه‌ڵاتی داپلۆخێنه‌ریش هه‌وڵێ دا که‌ به‌ بڕینی کاره‌باره‌با و هه‌موو رێگاکانی پێوه‌ندنی، داڕمانی ئه‌م شاره‌ بکاته‌ هێمای ته‌سلیم بوون به‌ڵام شاره‌که‌ ڕاوه‌ستا، ده‌یان شه‌هید درا و وه‌ک خوشگانی خۆیان له‌ کۆبانی، عه‌فرین و سه‌رێکانی به‌رخۆدانیان کرد.

ئێمه‌ وه‌ک به‌شێک له‌ چالاکانی بزووتنه‌وه‌ی چه‌پ و کۆمۆنیستی له‌ ئێران و کوردستان که‌ بۆ بۆ زیندووراگرتنی گێرانه‌وه‌ی کۆشتاری هاوڕێیانی گیانبه‌ختکردوومان له‌ زیندانه‌کانی کۆماری ئیسلامیدا له‌ ده‌ور یه‌ک کۆبووینه‌ته‌وه‌، پشتگیری و هاوده‌نگی خۆمان بۆ به‌رخۆدانی بوێرانه‌ی ئه‌م گه‌له‌ ڕاده‌گه‌یه‌نین و سڵاویان بۆ ده‌نێرین.
بێرلین- ١٣ی سێپتامبری ٢٠١٥

ناوی واژۆکاران:
پویان کشتکار، عسل اخوان، طاها زینالی، اشکان خراسانی، محمد کلالی، امین حصوری، لاله پاشا، لیلا رهیار، لیلا اصلانی، بیژن کیارسی، سیاوش محمودی، سیروس کفائی، هژیر پلاسچی، پویا نودهی، شرارە شاهد، علی سلطانی، هاتف سلطانی، اعظم صفایی، عزیز میری، مهرنوش اشترانی، میهن روستا، مصی تهم، کلانی، ناصر پرنیان، پرویز پناهی، میترا کوشه، عصمت طالبی، عبدل سعیدی، امیر جوادی لنگرودی، مریم امانی، محمود خلیلی، فرخ قهرمانی، رحیم استخری، منصور هلند، یاسر گلی، فریاد اسدیان، ناصر پیمان، هدایت عندلی (سیامک)، ملیحه بینش، ئاگرین رحمانی، فرزانه بهنود، سعید حبیبی، ستارە عباسی، شهین چت ساز، حمید نوذری، یدی ششوانی، کیوان مصطفوی، سیامک مویدزادە، منصور تیفوری، مژده ارسی، عباس سماکار، کاوه کرماشانی، علی دروازه غاری، سهیلا مسافر، ابراهیم علیپور، سعید کلانکی، شهین نوائی، بهرام رحمانی، سیاوش فانی زاده، شورش کار

Advertisements
:هاوپۆله‌کانNNSROJ

وەڵامێک بنووسە

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s

%d هاوشێوەی ئەم بلۆگەرانە: