ماڵه‌وه‌ > NNSROJ > پارتی گڵۆپی سەوزی بۆ گەڕانەوەی گۆڕان بۆ ناو حكوومەت داگیرساند

پارتی گڵۆپی سەوزی بۆ گەڕانەوەی گۆڕان بۆ ناو حكوومەت داگیرساند

21 تشرینی یه‌كه‌م 2015 لێدوانێک بنووسە Go to comments

NNSROJ: هەرچەند لە دوای قوڵتربوونەوەی بارگرژییە سیاسییەكانی هەرێمی كوردستان و دوورخستنەوەی وەزیرەكانی گۆڕان لە حکوومەت و رێگریكردن لە رۆیشتنی سەرۆكی پەرلەمان بۆ هەولێر، بەرپرسانی پارتی بەبەردەوامی جەختیان لەوەدەكردەوە كە لە گفتوگۆكانی تایبەت بە قۆناغی دووەمی حکوومەت لەگەڵ ئەو بزوتنەوەیە كۆنابنەوە، بەڵام لە هەڵوێستێكی نوێدا سەركردەیەكی باڵای پارتی ئەگەری دانیشتن لەگەڵ گۆڕان و گەڕانەوەی بۆ ناو حکوومەت خستەڕوو.

“كاكەمین نەجاڕ”، سەرۆكی ئەنجومەنی سەركردایەتیی پارتی و ئەندامی مەكتەبی سیاسیی ئەو حیزبە، لە چاوپێكەوتنێكدا لەگەڵ ئاژانسی ئانادۆلوو ڕایگەیاندووە کە پارتی پاش دوورخستنەوەی وەزیرەكانی گۆڕان و سەرۆكی پەرلەمان، قۆناغی دووەم دەستپێدەکات کە بە گوتەی ئەو بریتییە لە گفتوگۆكردن لەگەڵ لایەنەكانی دیكە بێ بزووتنەوەی گۆڕان، و راوێژپێكردنییان لەسەر شێوازی نوێی كابینەی حكوومەت.

ناوبراو دەڵێ کە لەم قۆناخەدا “لەگەڵ یەكێتی، یەكگرتوو و ئەوانی تریش دادەنیشین بزانیین وەزارەتەكانی گۆڕان بەسەر لایەنەكانی تر دابەش بكەین، بە وەكالەت بەڕێوەیان ببەین یان هەڵبژاردنی تر بكرێت.

ئەو ئەندامەی مەكتەبی سیاسیی پارتی ڕوونیشیكردەوە کە لەو گفتوگۆیانەدا باس لە رێككەوتنی تر لەسەر پێكهێنانی حكوومەت دەکرێ و ئەگەری ئەوەش کە هەیە باسی گەڕانەوەی گۆڕان یا شێوازی گەڕانەوەی ئەو حیزبەش بکرێت.

كاكەمین نەجاڕ سەرباری ڕەخنەیەكی زۆری لە بزوتنەوەی گۆڕان و كادیرەكانی باسی لەوەش كرد كە دوور نییە لە ئایندەدا لەگەڵ گۆڕانیش دانیشتن بكرێت.

نەجاڕ لەمبارەوە وتی کە “لە سیاسەتدا هەموو شتێک واریدە”، هاوكات باسی پەیوەندی پارتی دیموكراتی كوردستان و گۆڕانیشی كرد و روونیكردەوە “ئێمە و گۆڕان دوژمن نیین لەم وڵاتە، ئێمە منافسی یەكترین، دوژمنایەتی و مونافەسە جیاوازە، ئێمە دوژمنی ئەوان نیین، بەڵام ئەوان خراپ مامەڵە دەكەن، ناكرێت وەزیری داراییت هەبێت و بڵێت حكوومەت پارەی هەیە و نایدات بە خەڵک”.

ئەو بەرپرسەی پارتی دەڵی کە “ئەگەر جاران نەیدەوێرا قسە بكات خۆ ئێستا لە سلێمانییە با بۆ خەڵكی كوردستانی ئاشكرا بكات و بڵێت پارەكە لە فڵان شوێنە، بۆیە ئەو دووفاقییەی گۆڕان ناكرێت، دەبێت خۆی یەكلایی بكاتەوە، یان دەبێت لە حكوومەت بێت یان دەبێت ئۆپۆزسیۆن بێت”.

لەبارەی ئەگەری دانیشتنی هەردوو سەرۆكی پارتی دیموكراتی كوردستان و رێكخەری گشتی بزووتنەوەی گۆڕانیش وتی: “دانیشتنی ئەو دووانە كێشە نییە، بەڵام گۆڕان نەیانویستووە، ئەگەر نا دەرگای پارتی و سەرۆک بارزانی هەمیشە كراوە بووە”.
م.ا.

Advertisements
:هاوپۆله‌کانNNSROJ
  1. هیچ‌ لێدوانێک نییە تا ئێستا
  1. 23 تشرینی یه‌كه‌م 2015 له‌ 22:06

وەڵامێک بنووسە

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s

%d هاوشێوەی ئەم بلۆگەرانە: