Archive

Archive for the ‘PoemMusic’ Category

فاتمۆکێ/ مستۆ دادار

29 ئاب 2016 1 comment

فاتمۆکێ کوێستانمان کێلەشینە!
فاتمۆکێ چەن بە بەفر و کەوینە!
فاتمۆکێ ئەو ساڵ چ گراویم نینە!
فاتمۆکێ جەرگم هەمووی برینە!..

فاتمۆکێ بە شاخاندا داهاتم!
فاتمۆکێ شەختەی پاییزێ ئەنگاوتم!
فاتمۆکێ کوێستانمان خۆشە کوێستان!
فاتمۆکێ سێنگی تۆم باخ و بێستان!

فاتمۆکێ ماچێکم لێت بردەوە!
فاتمۆکێ بە گرێو و چۆڵەمەشکێن!
فاتمۆکێ هەوارمان پیرە سەنان!
فاتمۆکێ ڕەشماڵ و تاوڵ و خێومان!

فاتمۆکێ پاشە توو ئەو هەوارە!
فاتمۆکێ چۆڵە و بل ئاسەوارە!..
فاتمۆکێ دە نێو دەریا دا دوڕی!
فاتمۆکێ جەرگی ئالەمێت بڕی!
فاتمۆکێ ڕەببی بابت زەرەر کا
فاتمۆکێ لە جەڵەبی کاوڕی!

فاتمۆکێ کوێستانمان کێلەشینە!
فاتمۆکێ چەن بە بەفر و کەوینە!
فاتمۆکێ ئەوساڵ چ گراویم نینە!
فاتمۆکێ دە وەرە حاڵم ببینە!
فاتمۆکێ کوێستانمان چیای قەندیلی!
فاتمۆکێ توڕی نەدا مەندیلی!

Advertisements
:هاوپۆله‌کانPoemMusic

ڤیاگرا – عەبدوڵا پەشێو

9 تشرینی یه‌كه‌م 2015 1 comment

ڕێکلامی ناوێ
دنیا دەزانێ، ڤیاگرای دیدەشین، چ خزمەتێکی ڕاست و چەپ دەکا
بەڵام پێم سەیرە
پارلەمانتاری ئێمە کە دەیخوا
هەمووی سست دەبێ
قڕ و قپ دەکا
هەزاریش قوت دا
ڤیاگرای بەدعەمەل
تەنیا گیرفان و دەستی ڕەپ دەکا[ڤیدیۆ]

:هاوپۆله‌کانPoemMusic

هەی دیلبەرێ/ فەقێ تەیران/ بە دەنگی جوان حاجۆ

1 تشرینی یه‌كه‌م 2015 1 comment

هەی دیلبەرێ، ئای دیلبەرێ … هەی نازکێ، وەی ئەسمەرێ
کوا سۆز و پەیمانا بەرێ …  هەی دیلبەرێ، وای دیلبەرێ
بەژنا زراڤ ل سەر کەمبەرێ …ڕوو ژ ئاوا کەوسەرێ
گەردەن ب مۆری و جەوهەرێ … هەی دیلبەرێ، وای دیلبەرێ
تاسا ل سەر زیو و زەرێ … تە نابینم لە بەر پەنجەرێ
خەم و کولان ژ دل دەرێ … هەری دیلبەرێ، وای دیلبەرێ
شەوقا من چوو، ڕۆژ وێ لە مە دەرێ … خەڵک و عالەم وێ لە مە بنێرێ
وێ بێژن ئەو دینی دیلبەرە


Hey Dîlberê AyDîlberê
Hey nazikê wey esmerê
Ka soz û peymana berê
Bawer nakim dem wergerê
Hey Dîlberê wey Dîlberê
Bejna zirav li ser kemberê
Rû ji ava kewserê
Gerden bi morî û cewherê
Hey Dîlberê wey Dîlberê
Tasa li ser zîv û zerê
Te nabînim li ber pencerê
Xem û kulan ji dil derê
Hey Dîlberê wey Dîlberê
Şewqa me çû, roj wê li me derê
Xelk û alem wê li me binerê
Wê bêjin ew e Dîna Dîlberê

:هاوپۆله‌کانPoemMusic

ئەوەتەی … شێرکۆ بێکەس

6 ئه‌یلول 2015 لێدوانێک بنووسە

ئەوەتەی کۆچ هەیە
کۆچ ئەکەم ئەوەتەی گڕ هەیە ئەسوتێم
ئەوەتەی ئاو هەیە، ئەخنکێم
ئەوەتەی تیغ هەیە، قوربانیم
ئەوەتەی خاک ھەیە، بێ خاکم
ئەوەتەی شاخ ھەیە
من تلۆر دەبمەوە و
ئەوەتەی دار ھەیە
لێ ئەدرێم
من لە پێش موساوە ئاوارەم
پێش مەسیح، من خاچم
پێش قوڕەیش، من زیندەبەچاڵ و
پێش حوسەین، من سەری بڕاوم…!

شێرکۆ بێکەس

:هاوپۆله‌کانPoemMusic

بپرسە…

4 ئه‌یلول 2015 لێدوانێک بنووسە

تۆ له‌ خۆڵه‌مێش بپرسه‌
گوڵ چۆن کوژرا و
ئاو چۆن خنکا و
ڕه‌نگ چۆن سووتا و
له‌ غوربه‌تدا
به‌فر چۆن مرد؟!
با زه‌ریا بۆ خۆی هیچ نه‌ڵێ
ورده‌ شه‌پۆلێکی به‌سه‌
له‌ دوا ئاویلکه‌ی کۆچێکدا
ده‌م به‌ زه‌رده‌ بێته‌ قسه‌!

شێرکۆ بێکه‌س / ئه‌سپێک له‌ په‌ڕه‌ی گوڵاڵه‌

:هاوپۆله‌کانPoemMusic

“من ناوم ناڕازییە”

20 ئاب 2015 1 comment

ئه‌م کاته‌تان باش
من ناوم ناڕه‌زاییه
له دایکبووی شاری یاخیبوون و
گەڕه‌کی برسیێتی و کۆڵانی کوێره‌وه‌ریم
لێره به دواوه … من سه‌ر به هۆزی بێده‌نگی نیم
من ڕێبواری سه‌ر ڕێ و بانی
هه‌تا هه‌تای چاوه‌ڕوانی و
دروشمی بێده‌ست و قاچ نیم
له‌مڕۆ به دواوه
من هاووڵاتی خه‌ریته‌ی
نیشتمانی دزراو نیم
نیشتمانێ هه موو جارێ یان پەنجەیەکی ئەفڕێنن
یان گوێچکه‌یه‌کی و یان چاوێکی ون ئه‌که‌ن و
یان وشه‌یه‌کی زینده به چاڵ ئه‌که‌ن و
که چی نه هاوارێ ئه‌کات و
نه برینێکی ڕا ئه‌چڵه‌کێ…

شێرکۆ بێکەس/ لە دیوانی: ئێستا کچێک نیشتمانمە

:هاوپۆله‌کانPoemMusic

قوون و کورسی- عەبدوڵا پەشێو

6 ته‌مموز 2015 لێدوانێک بنووسە

کاتێ لە ماڵ بێزار دەبم
ناوماڵ و دیکۆر دەگۆڕم
لە کۆمەد و دۆڵابەوە
تا دەگاتە فەرشی بەرپێ
کە لەخۆشم بێزار دەبم
دیسان هەندێ شت دەگۆڕم
قەڵەم، قۆبچە، کراس، دەرپێ
لێ نازانم چ لە شاشەی تیڤی بکەم
دەیان ساڵە
هەمان قوون و هەمان کورسی
هەمان دەنگ و هەمان چەنگ و هەمان چەهرە
و هەمان چەنە و چاوی برسی
شاشەیەکە حوکمە دەبێ هەتا مردن لێ بنۆڕم
دۆش داماوم
قوون و کورسی سەر شاشەکان چۆن بگۆڕم

:هاوپۆله‌کانPoemMusic