چرایی مانشیت نیوز، کوژایەوە! مانشیت نیوز داخرا

ئاژانسی دەنگوباسی مانشێت، کە ماوەی دوو ساڵ زەحمەتم تێدا کێشا، بەداخەوە، هەفتەیی ڕابردوو، وەک ۴وێبلاگەکەی دیکە داخرا.  ئەمەش گۆیا بە بڕیاری ناوەندە ئەمنیەکانی ئێرانە کە هۆشداریان بە بلاگفا داوە و ئەمانیش ناچاربوونە بێ ئاگادارکردنەوە دایبخەن. لەم ئاژانسەی دەنگووباس دا زیاتر لە ٣٠٥٠ خەبەر و وتاری تایبەت بە کوردستان، ناوچە و جیهان. لە نێوان ساڵەکانی ٢٠٠٥ تا ٢٠٠٧ی تێدابوو و وەکو ئارشیو، گرینگی تایبەتی هەبوو. پاش داخرانی وێبلاگەکانی ترم بە ناوەکانی ڕەخنە، ئێس ئۆ ئێس کوردز وڕۆژنامە، ئەمجارە، لاپەڕەیی “ئاژانسی دەنگوباسی مانشێت” داخرا. لاپەڕەیەکی ئینتەرنەتی کە ڕۆڵێکی باڵایی هەبوو لە کاریەری ڕۆژنامەوانی خۆم و فێربوون و تەجرەبەیی خەباتی ئەلەکترۆنی. بە نیازم لە دەرفەتێکی گونجاو دا، ماڵپەرێکی تایبەتی بکەمەوە و چالاکی و نووسینەکانم لەوێدا بڵاو بکەمەوە.